Jeremaya 13:27 - Wëël Jwøk

²⁷ Tïïe moï moa näk ec raac ki ge døc na tïïyï kwör lam moa en bäät thuuri ajooda, ni beege luui moï, ki tïk mana en riï, ki käp marï. Wui, ï na Jerucalem, otïmö ni raac jïrï! ?A këël kany mo nyïëdi nø noo bëëdï niï ba waany?»

Jeremaya 13:27 Iomraidhean Croise

Pwöc Leec Wïc 1:22

ni «?U na näk acaara maru thiinh, a këël kany mo nyïëdi nø noo bëëdu nou mëër ki bëët thïnh acaara? ?Naa këël kany mo nyïëdi nø noo bëët jø abuua ni yïthge met ka abuua, ni bëët jøøa wïthge känni ni ge kweeyø ki kwänynyö?

Aydheea 57:7

Kwör niine mou you tïïö maal wï kïdi mo bäär døc, nou etha maal bääte kaace thuwø kuna cïpu ko olämme.

Aydheea 65:7

ni beege raay moa tïïcge ki moa tïïc kwäcge. Manøgø caana aani, a na Wuuö Jwøk. 'Ba kiper mana bëëtge ni ge wääŋö ki jer wø jïcge ŋwääi ni met bäät kïte, ni ge janynya aani bäät thuuri, gïïa tïïcge coola coolø ni yaa rømø ki køør tïïe moge moa dïkwøŋ na reyø.»

Jeremaya 11:15

Jiy 'moa moa mëëra ki geni atïmö ni tïïö ki raay mo thööth. ?Aŋø, a teega ŋø ni en jïge ki man cääthge yi øtø mara? ?Aŋø, olämme moge mo wø cïpge, ränynyö marge dege paanya piny bäätge, nee bëëtge ni ge kanynyø?»

Jeremaya 3:6

'Ba ki yïth nïra beet nyeya ma Jöcaya, Wuuö Jwøk acäänö ki aani, a na Jeremaya, ni kööe, ni «?Gïna tïïc Icrielli na caal dhaagø mo cwïnye ogaa wøk ajootï? Ena ci kwör lam moa en bäät thuuri moa bäyö ki tiet jenni moa no onigïït piny bëët, ni bëëde ni tïïya tïï käp kwöreke.

Edhikiel 16:23

« ‹'Ba a na Kwäärö Wuuö Jwøk, a cäänna ïïni, «Otïmö ni leth kiperï! Otïmö ni leth jïrï!» Japa reyø bëët na tïïyï, bäätge acäŋï mëënnö ki møøk.

Edhikiel 2:10

'Ba na peer gø nyïma, aputa joot no ogöörö ki yie ki ŋääe; ni luup moa no ogöörö bääte beege luup kïmmö, ko oduuru, ki cooyø.

Edhikiel 20:28

Kanya kïtha ge yi ŋöömö mana kööŋa kipere ni cïba cïbö jïge, thuuri moa bäyö bëët ki jenni bëët moa no onigïït piny aneenge, ni ö geni ni cïpge ko olämme kaace ge bëët, ni wëëkge aani gootø ko olämme moge. Ni öge thuwø ni wääŋge ki gïï wø jïcge ŋwääi ni met kaace, ni kunyge piny ki kwøŋ na muuce.

Edhikiel 24:12

'Ba eni, aana ööle ki tïïc jaak, ni gïïa reyø na en yie kär ö wøk. Ennø, kïtha yi maac.

Edhikiel 24:13

« ‹'Ba ennø, ï na Jerucalem, japa reyø na tïïyï, ïïna tïïcge niï ba waany. Kiper ïïna päänynya ki man penya ïïni, 'ba ï kär tïmö niï waany yïth japa reyø na enï yïthge. 'Ba ïïni, ï ba tïmö niï tøŋ këët këël kanyo ö wëërri mara noo røm riï.

Edhikiel 24:6

«Kiper man beeye luumma caan Kwäärö Wuuö Jwøki, ena köö, « ‹Wui, otïmö ni leth jï pääny man wø kuny piny ki rem jiy, ki jï dhiithi mana näk gïïa reyø na en dëëre poot kär ö wøk. Rïŋö mana no othemø na en yie kwäny wøk na aciel aciel, ni bäŋgø mo jier.

Edhikiel 36:25

Aani, dëëtu jøra jørø ki pïï mo tøŋ ni tïmu nou waany; aani, u penya penyø yïth japa reyø bëët na enu yïthge, ki yïth kït gïï wø lammu bëët.

Edhikiel 36:37

«'Ba man beeye luumma cäŋ Kwäärö Wuuö Jwøki caannø, ena köö, ‹Aani thuwø, jø Icriel ge tïïa tïïö naa pëënyge kiper nee gïn tïïa jïge: Jiy moge meeda meedø nee tïmge kaamar pïïth dïëk,

Edhikiel 6:13

Køøre nø, oŋäcge ni bee aani na Wuuö Jwøk kanyo jootge jiy moge no othøw yïthakic kït gïï wø lamge, deŋ gïï wø cïp olämme moge bäätge, ki bäät thuuri moa bäyö, ki wïth kïte bëët, ki tiet jenni moa no onigïït piny, ki tiet jera teek bëët na bäyö, ni beege kwöra wara wääŋge yie ki jer wø jïcge ŋwääi ni met jï kït gïï wø lamge bëët.

Odheea 1:2

'Ba kanya ö Wuuö Jwøki na täge ki cäänö ki ri Odheea, ena köö jï gø, ni «Ciï ni määnynyï riï ki dhaagø ma kääbi ni jïtï ko obwöre mo nywøl ka køør bëët käp, kiper jiy atïmö ni ge bëëdö ka bëët käp mo raac døc yi ŋöömö man, ni wecge aani, a na Wuuö Jwøk.»

Odheea 4:2

'Ba atïmö ni nuta acëënne, ki bëët tööt, ki 'näk jiy, ki bëët käw, ki bëët lugi. Jiy atïmö ni ge tïïya okiera, ni bëët remø ni øya piny cooth bäät rem møga.

Odheea 8:5

Wui, jø Cameria, kït gïn wø lam na näk otieŋø na nyirøøa yaa kwierø. Wëër mara liel bäät jiy kaamar maac. ?Aŋø, a këël yi wäne nø noo bëët jiyi ni dëëtge ba tïïcge ni waany?

Jepaniya 3:1

Otïmö ni leth jï pääny Jerucalem ni wø caar jiy, ni wø gëëmö ni bëëdö ni ba waany!

Mathiew 11:21

Ni kööe, no «Otïmö ni raac jïrï, ï na Köradhin. Noo tïmö ni raac jïrï, ï na Betheeda. Kiper doo naa tïïe moa døøŋŋø na tïïc dïïu, tïïca yi Tayar ki Caydan, cwïnyge doo na ege nø løk cøøn, ni ge käära keece na abïïe ni ge bëëdö yi bur.

2 Körin 12:21

A lwäär kiper kanyo cäŋa duu baŋu, Jwøk mara waŋa odøøc mo law nyïmmu, ni kïmma ki gïr jøø ni thööth no obääyö yøø, ni ge poot bëëdö ni cwïnyge ba løkge ki man wecge rääö, ki käp, ki jap laac wïc na tïïcge.

2 Körin 7:1

'Ba omëëya, kiper mana tïme ni gïïögø buuka jïïø nø, beerra man døøyø dëëtø mo waany ki gïï wø raany dëël ki jwïëy, ni tïïø bëëtö mana en kur keere no othur kare ni ø lwäära Jwøk.

Jeemeth 4:4

?Nyie, u ni wø kwier luum Jwøk en, kuyu ni ŋat wø näk nyïïawäädi ki piny, mare män ki Jwøk? Kiper manøgønø, ŋat wø many piny nee tïme na nyawatge, wø tïïya ree ni ena nyimän Jwøk.

Mana Nyooth 8:13

Kanyøgø aana nëënnö, ni wïnynya dwør coor mo määdö maal ni rëëdö ki dwøl mo päl, no «Oraac, oraac, oraac, jï jø oen bäät piny kiper dööt tuŋi møga moo cäŋ nyïïatwiet maalli moa na adäk koothø kawaane.»