Jeremaya 13:25 - Wëël Jwøk

²⁵ Ni man beeye kurï, gïno tïïa dëërï, kiper wïïï awïl ki aani, a na Wuuö Jwøk, ni bëëdï niï ŋäätha luup tööt.

Jeremaya 13:25 Iomraidhean Croise

Jööp 20:29

Gïnögø beeye gïno kïth Jwøki bäät jø raay na kurge, ni beeye gïna jier Jwøki kiperge nee cïp jïge.»

Aydheea 17:4

'Ba noo tïme na dïcäŋeca, ajiem mar nyïïkwaac Jeekap ränynyö, ni ö lørø marge ni tïme na dwadø.

Aydheea 28:15

Kiper uuna köö, ni «Waana nø tudö ki luubö ki thøø, nee wa ba gude, ni nø tutwa ki luubö ki kar bëët jwïëc jøøa no othøw, nee wa ba ciwa yie; këël jwïïö man wø räänyö ocur bäätwa, wa ba gude. Kiper tööt ewa nø tïïc ni beeye gïn gwøk waani, ni nø tïïcwa gø ni beeye kany kanwa dëëtwa yie.»

Aydheea 34:17

Wuuö Jwøk beeye na pääŋ ŋøøm jïge, ni mooc man nø ki kare, ni put tïmö na moge na bäre bäre; këël beenhnhe moge moo ööi køørge poot bëëdö yie.

Aydheea 65:7

ni beege raay moa tïïcge ki moa tïïc kwäcge. Manøgø caana aani, a na Wuuö Jwøk. 'Ba kiper mana bëëtge ni ge wääŋö ki jer wø jïcge ŋwääi ni met bäät kïte, ni ge janynya aani bäät thuuri, gïïa tïïcge coola coolø ni yaa rømø ki køør tïïe moge moa dïkwøŋ na reyø.»

Jeremaya 10:14

'Ba jiy bëët bëëdö ni wïthge bäŋ acaara, ni bäŋ gïn ŋäcge. Rëëm warkie, wïthge olää juuwi moa thiiwge, kiper juu moa thiiwge beege jap cwøk jaak, ni rege bäŋ jwïëy.

Jeremaya 18:15

'Ba jiya aana wecge, ni tïmge ni ge wääŋö ki gïn wø jïye ŋwääi ni met jï juu mo oballe; ni ö juugögø ni wëëk tietge cwanynyø yïth uutjïëtha cääŋŋe na cørge yïthge, ni wëëkge ge wääth yïth uutjïëthe moa näk kär ŋeth.

Jeremaya 2:13

Kiper jiya atïïö ki teeŋ raay ariiø; aana wecge, a na näk jøøro mar pï kwøw, ni kunyge ka aguule kiper dëëtge, na aguule mo laara cöötö ki kääk, mo bäŋ pïï mo mägi yïthge.» Luummögø caana Wuuö Jwøki.

Jeremaya 2:32

?Aŋø, nyakøø wïïe wø wïl ki jap mïërö moe? ?A dhaagø thiinh wïïe wø wïl ka abïïk nywöm moe? 'Ba jiya wïthge awïl ki aani ki nïne mo thööth mo ba kwaan.

Jeremaya 3:21

Da dwøl mo wïnyö ki yïth kwör lam moa en bäät thuuri moa leer, ni beeye oduuru ki kwac mar jø Icriel, kiper bëëtö marge adøøcge mo ba thïïŋ, ni wïl wïthge ki Wuuö Jwøk, Jwøk marge.

Edhikiel 23:35

«Kiper manøgønø, man beeye luumma caan Kwäärö Wuuö Jwøki kiperï, ena köö, ni ‹Kiper mana wïl wïïï ki aani ni leeŋï aani ŋääï, ajäla mar bëët käp marï mana gathï dëërï ki gø jwørï jwørø.› »

Mikiya 3:11

U na dïbwöthe mo päänyögø, luup wø ŋøllu ka køør gïï wø cïp jïïu ki piny, ni ö dïlämme moe ni pwönyge jiy ki ciik ni ge di cunnö ki jammi, ni ö nyïïkuk Jwøki moe ni køpge luup adïëda kany wø mooc geni ki gwel. 'Ba ge wø poot köö ni dëëtge ege jääŋö dëër Wuuö Jwøk, ni ge köö, na «?Aŋø, Wuuö Jwøk ba bëëdö ni nut yïthakicwa? Bäŋ gïn mo leth mo ö bäätwa.»

Jepaniya 3:2

Eni bäŋ dwøl mo wïnynye, ni bäŋ acaara mo jïëe. Eni Wuuö Jwøk käre ŋäädhö, ni eni ba nyiik buut Jwøk mare.

Mathiew 24:51

ni pwöt gø ki pöödö mo teek døc, ni kïth gø dï jø atade, kany wø jwöŋ jiyi yie ni ge mööta lakge.

Wëëlö Mana Göör Pøølli Baŋ Jø Röm 1:25

Kiper geni mana näk adïëri kiper Jwøk awiilge ki tööt. Ni wøørge gïna cwääc Jwøki ni tïnyge gø, ni wecge eni na näk Cwääy, eni na doo pwøø na bäre bäre. Enøgønø.