Jeremaya 13:23 - Wëël Jwøk

²³ ?Aŋø, løny jï dhaanhø mo cøl ki man wiil kït dëëre? ?A løny jï kwac ki man wiil kït moe? Ni näk moøgø løny, løny jïïu thuwø ki man tïïyu gïn mo beer, u na no oŋïyö ki tïïc gïï mo reyø.

Jeremaya 13:23 Iomraidhean Croise

2 Nyeye 17:40

'Ba jøøa bëëdö Cameria luummögø kärge wïnynyö; 'ba gena bëëdö ni ge tïïö ki raay ki køør kööŋŋe moge moa dïkwøŋ.

Pwöc Leec Wïc 27:22

Ŋat dïkät wïc këël diï wälö ki leek yi pany kaamar beel, bëët bøøl mare bäŋ doo aay dëëre.

Luup Dïpööy 1:15

Gïn mo omeenø ba døø kare; ni gïn mo bäŋgø ba løny ki kwaan.

Aydheea 1:5

?Aperŋø ni poot bëëdu ni uuno nieŋ yïth raay en? ?U poot manynya man pwöt uuni? Wïthu moø bëët bëëdö no opääŋ täwi, ni ö cwïnynyu ni kwääli ya raayi;

Jeremaya 17:9

Cwïny dhaanhø yie da cwøk mo kaala jammi bëët, ni rääye okadhø døc; ?Aŋa noo ŋäc acaac gø?

Jeremaya 2:22

Ennø, këël dëërï diï lwøø ko olew, ni røtï dëërï ki caabuun, bääyö marï poot nëënö jïra kaamar kïdö.

Jeremaya 2:30

Aana tïïö ki gïï mo leth dëëtu, 'ba bäŋ pwöc mo you wïnynyö; opëëlle mou nyïïkuk Jwøk mou athöörge kaamar ŋuu mo owär.

Jeremaya 4:22

'Ba Wuuö Jwøk aköö, ni «Jiya bëëdö ni wïthge teek, ni ge bëëdö naa kucge, ni ge caala obwöre ma bøøre, ni wïthge bäŋ acaara. Nyeŋge reegø ka tïïc gïï mo reyø, 'ba tïïc gïn mo beer kucge.»

Jeremaya 5:3

Wui, ï na Wuuö Jwøk, ï manynya gïn ma adïëri. Ïïna tïïö ki gïï mo leth dëëtge, 'ba kärge lääŋŋö; gena thöörï, 'ba gena dhäthö ki man tiirge rege. Cwïnyge atïïcge ni teek ni kaala kïdi, ni kweerge ki man løkge cwïnyge.

Jeremaya 9:5

Ni ö ŋati man nø ni bëëde ni cøøga wati, ni bäŋe ŋat mo cäänö ka adïëri. Lëëpge aŋiicge ki car tööt, ni öölge dëëtge ki tïïc gïï mo reyø.

1 Camiel 19:21

'Ba kanya caan luummögø jï Cøøl, Cøøl ajäägö ki jiy møøk, ni ö jøøgø ni cige ni cäŋge tïmö ni ge pwøya Jwøk. Køøre Cøøl acäŋ jäägö ki jiy ri dääge, ni ö jøøgø thuwø ni cige ni cäŋge tïmö ni ge pwøya Jwøk.