Jeremaya 13:22 - Wëël Jwøk

²² 'Ba ni näk miï köö ki cwïnyï, na ‹?Aperŋø na ö gïnni ni leth en bääta?› beeye kiper raay moï na thööth na tïmï kaamar dhaagø ma abïïne okäl wøk dëëre, ni dööŋe ki dëëre.

Jeremaya 13:22 Iomraidhean Croise

Aydheea 20:4

Kiper nyeny Aciria jø Ijep ki jø Kuuc moa näk ee maa ki tøŋ 'okäle ni aae ki geni, ni beege obwöre ki jø døøŋŋø, ni ge käl ni ge cäädhi ka dëëtge ni thääthge ena wøk, ni bäŋ war tietge, ni put tïmö na lään wïc mo dwøŋ døc jï jø Ijep.

Aydheea 3:17

Kiper manøgønø, Kwäärö Wuuö Jwøk wïth mään mo Dhayan mooe mooø ki täw gwøny, ni ö Wuuö Jwøki ni wëëk jïëcge pøtø.»

Aydheea 47:8

«'Ba ennø, wïny mara, ï ni wø mëër ki jammi mo dëël, ï ni wø bëëdö ni ba lwäär ki gïn mo raac. Ï wø cäänö ki cwïnyï ni kööï, ni ‹Bee aani keera, ni bäŋ ŋat mør këët mo kaala aani. Aani, a ba tïmö ni aana cï thøø, ni bäŋ gïn mo tägi dëët obwöre 'moa.›

Jeremaya 13:26

Kiper manøgønø, aani, ï tïïa tïïö kaamar dhaagø ma abïïne okäl wøk dëëre, ni dööŋe ki dëëre, ni ö laac wïci mare ni joodi.

Jeremaya 14:16

Ni ö jø wø køpge luup jïge ni thøwge ri leny ki käc, ni leeŋ dëëtge wøk dï uutjïëthe mo Jerucalem, ni beege geni ki dëëtge, ki määrge, ki wäätge, ki nyïïge bëët, ni bäŋe ŋat mo koony geni, naa dwøga raay moge wïthge.

Jeremaya 5:19

'Ba kanyo kö jø pou, na ‹?Aperŋø na ö Wuuö Jwøki, Jwøk marø, ni tïïc gïïo ni leth bëët yøø dëëtø?›, ï na Jeremaya en, wärï kööï jïge ni Wuuö Jwøk aköö, ni ‹Kaawat mana weyu aani ni tïnynyu juu moa path yi ŋöömö maru, jiy mo path otïnynyu thuwø yi ŋöömö mo patha maru.› »

Wëël Kïmmö 1:8

Jerucalem atïïö ki raay mo døøŋŋø døc ni put tïmö ni ba waany. Ena jar jøøa wøør eni bëët, kiper mana jootge gø ni bëëdö ka dëëre. Këël eni ki dëëre, ena cooyø ni wïïe ee løø wøk.

Edhikiel 23:26

Geni thuwø abïïgï pwöthge wøk dëërï, ni ö jap mïërö moa en dëërï ni kälge ge.

Odheea 12:8

Jø tuuŋ Ipariem ge töödö ni ge köö, ni «Waana jiy mo okwär; waana jïtö ki jammi kiper dëëtwa. 'Ba jammi bëët moa jootwa ki køør öölö marwa, bäŋ gïn mo nyoothge bäätwa ni waana jø raay.»

Odheea 2:10

'Ba aani, lään wïc mare wëëga nëënne jï omëërri moe, ni bäŋ ŋat mo piema gø cera.

Odheea 2:3

'Ba ni näk mo ba tïïe, eni wëëga wääth ki dëëre, ni put tïmö ni bëëdö ka dëëre ni caala dïcäŋa lwaarø ki gø. Eni tïïa tïïö ni caala paap mo otal, ni tïïa gø ni caala ŋöömö ma tëën, ni puta eni 'näk ki riew.

Odheea 2:5

Kiper miige bëëdö ni gatha dëëre, ni eni jayi ka jöö mo määnö. Kiper ena köö, na ‹A cäädhö køør omëërri 'moa, ni wø cïp cam jïra, ki pïï, ka abïï ma cuup, ka abïï ma lïïna, ki maaw, ki gïn maadha.›

Neeyam 3:5

Neennu, mana caan Wuuö Jwøki, eni na wïth jammi bëët, bee en, ena köö, ni «Aani, a tïïö dëërï ki gïrpiny. Aani, abïïnï jaara maal ni pïïe wïïï, naa nyootha dëërï jï wïth juurre, ni ö akwöp nyec ni jootge lään wïc marï.

Jepaniya 1:12

Dïcäŋöca, yi Jerucalem meenya meenyø ki lambae, ni jääla jø wø bëëdö jaak ni wø cäänö ki cwïnyge, ni ‹Wuuö Jwøk bäŋ gïn mo beer wala gïn mo raac mo tïïe!›

Tiet Ciik 18:21

«'Ba kanymør u köö ki cwïnynyu, ni ‹?Luubö mo ba caana Wuuö Jwøki oŋäcwa gø nidïï?›

Tiet Ciik 7:17

«'Ba kanymør u köö ki cwïnynyu, ni ‹Wïth juurre moi thöötha geni ki øøni. ?Olønye jïïø nidïï ki man böötø geni ni lwørø ŋöömö marge?›

Tiet Ciik 8:17

Kanymør u köö ki cwïnynyu, ni ‹Beeye riek waŋ marwa ki teek bäätwa na tïïc japi ni thööth ii jïwa.›