Jeremaya 13:21 - Wëël Jwøk

²¹ ?Agïnaŋø no caanï kanyo ö jiyi moa dwätï ki ge noo mooa ge ki teek bäätï? ?Aŋø, ï ba rämö kaamar dhaagø mo ree da mäc lwaar?

Jeremaya 13:21 Iomraidhean Croise

2 Nyeye 16:7

Kanyøgønø, Eeyeth ajääk baŋ Tiglat-Pilëëcër nyeny Aciria, ni kööe, ni «Aani, aana dhaanhnhï ni näga wäädï; ö kuna kønyï aani cer nyeny Aram ki cer nyeny Icriel, ge ni këëdi ki aani en.»

Aydheea 10:3

?'Ba agïnaŋø noo tïïyu noo tïme na dïcäŋ ajäla, kanyo ö ränynyö no ööe ki kany mo bäär ni ööa bäätu? ?Aŋa noo reŋŋu baŋe kiper køny? ?Jap kwärö mou, owiiu ge kaa?

Aydheea 13:8

'Ba geno lwäyi døc, ni ö räämmi mo teek ki bëëtö mo leth ni put tägö dëëtge. Geni, dëëtge døøcge døøyø kaamar dhaagø mo ogøøc mäc lwaarri. Ŋati man nø rege watge oneene ni yie othäŋŋö, ni täärnyïme owïïtö ki lwär.

Aydheea 21:3

Kanya jooda gïnögø, rääm mo leth aput tägö dëëra, kaamar dhaagø mo ogøøc mäc lwaarri; Aani wïïa ree akiere døc, ni tïme ni tiet luup ba kwanya, ni lwäya døc, ni tiet luup ba jooda.

Jeremaya 2:25

Ï na Icriel, kär dëërï öölï ki wääth køør juu mo oballe, ni ba 'nägï dëërï ki riew. 'Ba ïïna köö, ni ‹Bäŋ gïn løny jïra këët na bäre bäre, kiper a bëëdö naa mëër ki juu mo path, naa poot caatha køørge.›

Jeremaya 22:23

U na jø Jerucalem, u ni wø bëëdö yïth uudi mo beyø, mo geer ka jer lur Libaanø, a teeŋ cooyø mo nyïëdi nou cooyu ki gø kanyo ö räämmi bäätu, ni beeye rääm mo caala mar dhaagø mo ree da mäc lwaar.»

Jeremaya 30:6

Pëënynyu dëëtu mø, ni raŋŋu gø døøc, nee da dïcwøø mo olwaar ki nyilaal. ?A ennø, aperŋø ni jooda cwøw bëët ni ŋati man nø piere ee maa ki ceŋŋe kaamar dhaagø mo ogøøc mäc lwaarri en? ?Na aperŋø ni nëën täärnyïm ŋati man nø no oniduk ki lwär en?

Jeremaya 38:22

Ka adïëri møn, mään bëët moa näk odööŋ paan dwøŋ mar nyeny Juuda okäl wøk ni kïthi baŋ jøøa kwörge døøŋŋø mo nyeny Babiløn. Ni ö määnni moøgø ni cäänge ni köge, «ni ‹Nyïïawäätï moa näk iï ŋäädhö ïïna cøøkge ni böötge ïïni ki luubö; 'ba ennø, kanya tïme ni tietï omwøny onøti, ïïna wecge.›

Jeremaya 4:30

?A ïïni nø, ï na Jerucalem na no oränynyö, agïnaŋø noo tïïyï? Këël na røyï abïï kït, ni døøyï dëërï mo mïërö ki warkey, ni rwøthï buny nyeŋŋï, ï døøya dëërï mo mïërö ki jaak. Cwøw mo wø many ïïni, ïïna kwierge, ni tïmge ni ge manynya man 'näkge ïïni.

Jeremaya 4:31

Da dwøl maa wïnynya mo keda dwør dhaagø mo ree da mäc lwaar, ki cooyø mo caala mar dhaagø mo lwaar ka kanynye, ni beeye Jerucalem na jwöŋö ni ŋëëte gäŋŋö, ni ceŋŋe ee thaaŋø, ni köö, «Wui, aano ränynyö; aana thøø ceŋ dïnäk jiy.»

Jeremaya 48:41

Päänye mo Möap omak ki tøŋ, ni mak kwör leny moe moa näk ogeerø ni teek. Dïcäŋöca cwïny otëëe mo Möap otïmö kaamar cwïny dhaagø mo ree da mäc lwaar.

Jeremaya 5:31

Nyïïkuk Jwøk atïmö ni køpa luup ki wïthge, ni beege luup tööt, ni ö dïlämme ni bwøthge jiy ki wïthge keerge; ni tïm yïth jiya ni met ka teeŋ gïï mo caala moøgø. ?'Ba u na jiya, agïnaŋø noo tägi dëëtu kanyo tïme na aŋuun japøgø?

Jeremaya 6:24

Waani gïna caan kiper jø leny moøgø awïnywa, ni ö bäätwa ni päthge, ni ö lwärri mo dwøŋ ni mak waani, ki rääm mo caala rääm dhaagø mo ree da mäc lwaar.

Edhikiel 28:9

?Løny ki man kööï këët, ni «Aana Jwøk», nyïm jiy moo 'näk ïïni? Ïïni, ï tïmö ni ïïna dhaanhø ceŋ jiy moo 'näk ïïni, niï patha Jwøk.

Mathiew 24:8

'Ba gïïögø bëët beege nyäät gïï mo leth moo tägi.

1 Thecalönika 5:3

Kanyo kö jiyi ni «Kawaane nuta bëët-mëër ni bäŋ thøø këët,» kanyøgø beeye kanyo ö thøøe noo neelïm bäätge kaamar dhaagø mo yie da dhaanhø mo ogøøc mäc lwaarri, ni bäŋ ŋat mo bøth.