Jeremaya 13:18 - Wëël Jwøk

¹⁸ 'Ba Wuuö Jwøk aköö jïra, ni «Kööï jï nyeya ki menni ma gwanynyø, ni ‹Weyu wälu ni tïmu ni uuna jiy mo ena piny, kiper adun ajiem maru akäl wøk wïthu.›

Jeremaya 13:18 Iomraidhean Croise

2 Nyeye 24:12

Ni ö Jöakin nyeny Juuda ni cïp cere jï nyeny Babiløn, eni ki menni, ki jø kööre moe, ki kwääc jø leny moe, ki jiy moe moa kwörge døøŋŋø, ni puti ya nyeny Babiløn mak ki tøŋ ri bäc cwiiri moa beet nyeny Babiløn ni ena nyeya.

2 Nyeye 24:15

'Ba Jöakin käle ka menni na aciel, ki määre, ki jiy moe moa kwörge døøŋŋø, ki dïbwöthe mo wø käär paac, ni ge käle Jerucalem ni kïth ge Babiløn.

2 Luup Nyeye 33:12

'Ba kanya bëëde ni eni ena yïth gïï mo leth, Wuuö Jwøk, Jwøk mare, akwaae, ni dwøk dëëre piny døc nyïm Jwøk, Jwø kwäye.

2 Luup Nyeye 33:19

'Ba lam mar Maneeca, ki kanya ö Jwøki na wïny kwac mare, ki raay moa tïïe bëët, ki mana bëëde ni bääö dëër Wuuö Jwøk, ki kwör lam moa tïïe bäät thuuri, ki jenni moa no ocaa ri jwø wø cwøl na Acara na tïïe, ki gïï wø lam moa no otieŋø moa cwöth piny yïth kwör lam moøgø, kanya poode ni dëëre poot käre dwøk piny nyïm Wuuö Jwøk, ogöör piny yïth luup jø wø joot jammi ki køør man wø nyooth Jwøki jïge.

2 Luup Nyeye 33:23

'Ba Amön dëëre käre dwøk piny nyïm Wuuö Jwøk kaawat mana tïïc wänni ma Maneeca na dwøk dëëre piny, 'ba aput bëëte ni 'meeta raay moe.

Bwøth Wøk 10:3

Køøre Modhe ka Aran aci baŋ Peerø ni köge jïgø, ni «Gïna caan Wuuö Jwøki na näk Jwø jø Ibaru beeye en, ena köö, na ‹?A këël kany mo nyïëdi nø, noo bëëdï niï kweeyø ki man dwøgï dëërï piny ki aani? Wec jiya nee aacge kiper naa tïnyge.

Bwøth Wøk 39:28

ni tïïcge abïï man wø meen wïc ki lïïna mo tar mo mïërö, ni tïïcge abïïe no okwøø na cöörri mo mïërö ki lïïna mo tar mo mïërö, ni tïïcge libaae ki lïïna mo tar mo mïërö;

Pwöc Leec Wïc 27:24

kiper jap kwärö bäŋ wø bëëdö na bäre bäre, ni dööŋ kar mar dhaanhø bäŋ wø bëëdö ni nut ki yïth beenhnhe bëët.

Aydheea 3:20

ka abïïe mo wø loop wïdhi, ki tiimme mo wø twöö käät-oguudi, ki gïï wø twöö pier, ki wïlle mo riie, ko opïri mo gwïëth,

Aydheea 3:26

Dhøk kiir mo Dhayan ge göö ko oduuru ni kïmge, ni ö Dhayan ni pï piny yïth ŋøøm jaak ni eno dööŋ keere.

Aydheea 47:1

«Wui, ï na Babiløn, päänya caal nyakøø mo dëër dïcwøø poot kuue, dää piny ni pïï piny yi tør. Wui, ï na Babiløn, pï piny yïth ŋøøm jaak ni patha bäät wälu. Kiper ï ba cwøl këët niï mïërö niï jwøny.

Jeremaya 22:24

Wuuö Jwøk akööŋ ŋëëte keere, ni kööe jï Jekönaya wär Jeyöakëm, nyeny Juuda, ni «Këël doo na ï bëëdö kaamar ogut lweedø man ni pere leth ni cer cwïïa en, ï daa käla wøk.

Jeremaya 22:26

Ïïni ki meru na nywøl ïïni, u leeŋa paac mør, kany mou ba nywølla yie, ni thøwu kaace.

Jeremaya 29:2

Wëëlö manøgø ajääŋŋe ni nyeya ma Jekönaya ki menni ma gwanynyø onø mak ki tøŋ Jerucalem ni nø kïth geni Babiløn, ni bee geni ki jø kööre ki jøøa kwörge døøŋŋø mo wø bëëdö Jerucalem ki dï Juuda bäre, ki rëëmme.

Jeremaya 36:16

'Ba kanya nø wïnyge luupögø bëët, gena cäänö yïthakicge keerge ni ge lwäär, ni köge jï Baruk, ni «Ka adïëri møn, waani, luupögø bëët caanwa caanø jï nyeya.»

Wëël Kïmmö 1:6

Ajiem kwär mar Dhayan bäre aränynyö. Kwääri moe atïmö kaamar röönne mo kär jïtö ki kany cämge yie ki luum. Gena rïïŋö ni bäŋ teek dëëtge nyïm jøøa ŋwiec køørge.

Wëël Kïmmö 1:9

Gïna tïïc gø ni ba waany nëënö dëër abïïne, 'ba eni kär cädö kiper yi nyïme. Ena pädhö ki pädhö mo thääŋa ec, ni bäŋ ŋat moo cøm cwïnye. Ni kööe, ni «Wui Wuuö Jwøk, neen caarø mara, kiper nyimän mara böödö eni.»

Wëël Kïmmö 2:10

Jäle mo Dhayan gena pï piny yïth ŋøøm jaak ni geno nikïïl. Geni bur ajørge wïthge, ni røøge keece dëëtge na abïïe. Nyïïakuue mo Jerucalem ge bëëdö ni cøŋge ege këël piny ni wïthge ege këël yïth ŋøøm.

Wëël Kïmmö 5:16

Aduda apäth piny ki wïthwa. Wui, atïmö ni leth jïwa, kiper raay moa tïïcwa!

Edhikiel 16:12

ni kïtha umï ki gwelø, ni kïtha ïdhi moï ki gwet ïdhi, ni kïtha wïïï ka aduda mo mïërö.

Edhikiel 21:26

Kwäärö Wuuö Jwøk aköö, na «Abïï nyec man wø meen wïc käl wøk, ni kälï aduda wøk. Jammi ba tïmö këët kaawat mana bëëde dïkwøŋ. Jøøa kwörge therø geno tïŋ maal, ni ö jøøa kwörge døøŋŋø ni dwøk ge piny.

Edhikiel 24:17

Ŋurï ki yi cwïnyï ni ba jwöŋï kiper ŋata thøw. Abïï wïc marï bëëde ni iï meen wïïï, ni kïthï war moï tietï; kär täärnyïmï uumï, ni ba cämï ki caammi mo wø jiiŋŋi kiper jø wø kïmmi.»

Edhikiel 24:23

Nou bëëdö na abïïk wïc mou you meen wïthu, ni war mou ena tietu. Nou ba kïmmi wala u jwöŋö, 'ba uuno bëëdö ni uuno dwaalø, nou ŋurö yïthakiyu keeru.

Edhikiel 44:18

Geni, wïthge wär mëënge ka abïïk lïïna ni runyge dëëtge ki libaae mo abïïk lïïna. Kärge ruyö ki teeŋ abïï mo wëëga dëëtge cöödö ki kwäk.

Daniel 5:20

'Ba kanya tïm cwïnye ni ena maal ka atöör, ni jwïëy moe bëënna koorrø, ni töödö bäät jiy, ena käl wøk ki bäät wäl nyec mare, ni ö ajiemmi mare ni lwøri baŋe.

Joona 3:6

'Ba kanya ö dwølli na pïïe baŋ nyeny Nineba, ena put ö maal ki bäät wälu mare ni gööny abïïne wøk ni røø keeca dëëre na abïï ni pï yi bur.

Mathiew 18:4

'Ba ŋato wäro døøc dëëre mo mwöl kaamar nyilaari, beeye eni ni kare dwøŋ yi buya käl maal.

Jeemeth 4:10

Døøyu dëëtu mo mwöl nyïm Wuuö, 'ba uuno røønye.

1 Piter 5:6

Kiper manøgønø, døøyu dëëtu mo mwöl nou ena cer Jwøk na teek, kiper nee u røønye kanya näk kare.