Jeremaya 13:10 - Wëël Jwøk

¹⁰ Geni na jøøa reyø, ni wø kweer ki man wïnyge luup 'moa, ni wø bëëdö ni ge caatha køør teek wïc marge, ni wø caath køør juu møøk nee tïnyge ni wøørge geni, ge tïmö ni ge caala abïïnögø ni bäŋ gïn kønye këët enø.

Jeremaya 13:10 Iomraidhean Croise

Luup Dïpööy 11:9

Ï na thiinh, iï mïnne kany poodï niï thiinh en; beerra man mïn cwïnyï yïth nïr thïnhö moï, ni caathï køør jap wø many cwïnyï ki mo wø neetï ki waŋï. 'Ba wär ŋäyï ni Jwøk ï pëënynye pëënynyö kiper japøge bëët.

Aydheea 3:24

Ni ö mädhi moa wara wïïrge ni ŋwääö ni met ni wiilge rege ni ŋwääö no okwäk, ni ö käär kaae ni wiil ree baŋ käär thøøli, ni ö jïër moge na beyø ni tïmge na jïër mo øya piny, ni ö käär abïïe moa beyø ni wiil ree baŋ käär keece, ni ö dëëtge na mïërö na pøøth ni tïmge ni da pööc mäc.

Jeremaya 11:10

Jø Icriel ki jø Juuda bëët, gena døø baŋ gïïa reyø na tïïc kwäcge, jøøa kweer ki man wïnyge luup 'moa, na cäädhö køør juu møøk nee tïnyge, na kaal luumma tuuda ki kwäcge.

Jeremaya 11:18

'Ba Wuuö Jwøk gïna caar jø Anathöthi bääta acaane jïra ni jooda gø, ni nyooth tïïe moge na reyø jïra na caarge kipera.

Jeremaya 13:7

Køøre aana ci bäät Naam Upareeti ni gööla abïï wøk, ni lwøra gø kanya kana gø yie kaace. 'Ba abïïnögø ajooda no oränynyö, ni bäŋ gïn mo kønye këët.

Jeremaya 16:12

'Ba uuni thuwø, uuna tïïö ki gïï mo reyø døc mo kaala moa tïïc kwäyu, kiper ŋati man nø dïïu bëëdö ni caatha køør teek wïc mare na öö ki køør rääö mana en cwïnye, ni mara ba wïnynyu.

Jeremaya 16:4

Geni, ge thøw ki täwe mo leth døc, ni bäŋe jiy mo jwøk geni këël mo koony geni. Dëëtge tïmö kaamar wär mo oker piny. Geno 'näk käci, ni 'näk geni ri leny, ni tïm dëëtge na cam jï wec maal ki lääc paap.

Jeremaya 20:4

Kiper luumma caan Wuuö Jwøki beeye en, ena köö, ni ‹Ka adïëri møn, aani lwär mo dwøŋ jääŋŋa jääŋŋö bäätï ki bäät nyïïawäätï bëët. Geni, geno 'näk nyïïmänni moge ko opëëllö ni nëënö jïrï. Aani, jø Juuda bëët cïba cer nyeny Babiløn, ni ö eni ni 'näk møøk ko opëëllö, ni mak møøk ki tøŋ ni kïth ge Babiløn.

Jeremaya 22:21

Uuna köömma kanya bëëdu ni bëëtö maru jööt jaak, 'ba uuna köö, ni ‹Marï ba wïnywa!› Manøgø beeye bëëtö maru cøøn ki mana täge ki kanya täk paac yie, ni dwøra ba wïnynyu.

Jeremaya 23:17

Ge wø köö cooth jï jø wø kwier dëëra, ni ‹Luumma caan Wuuö Jwøki beeye nou jïtö ki bëëtö mo beer;› ni köge jï jø wø cäädhi ki køør teek wïc mana öö ki køør rääö mana en cwïnyge, ni ‹Bäŋ gïn mo leth mo pïï bäätu.›

Jeremaya 3:17

'Ba kar kaace Jerucalem ocwølge ni kar bëëtö mar Wuuö Jwøk, ni ö wïth juurre bëët ni cooŋge rege yie kiper nyeŋ Wuuö Jwøk. Ni ö geni na jø Icriel ni ba cääthge këët køør teek wïc marge mana ö ki køør rääö mana en cwïnyge.

Jeremaya 35:15

Aani thuwø, jiya ma nyïïkuk Jwøk bëët ajääŋŋa baŋu kwöre mo thööth, ni kööa, ni «Ŋati man nø dïïu luu ree ni wec jöör bëëtö mare na raac, ni tïïyu tïïe moa beyø, ni ba cäädhu køør juu møøk nou lama geni; køøre u bëëdö yi ŋöömö mana cïba jïïu ki jï kwäyu.» 'Ba ïthu käru ciiø ki dwøra, ni mara käru wïnynyö.

Jeremaya 44:16

ni «Luubö mana caanï enø jïwa ki nyeŋ Wuuö Jwøk ba wïnywa.

Jeremaya 44:5

'Ba geni, mara kärge wïnynyö, ni yïthge kärge ciiø ki mara, ki man luuge rege ni wecge gïïa reyø na tïïcge, ni beeye ki man ba cïpge ko olämme jï juu møøk.

Jeremaya 5:23

'Ba uuni, wïthu teek ni cwïnynyu da ageem; uuna gaa wøk jööra ni weyu aani.

Jeremaya 7:13

'Ba uuni, gïïögø bëët atïïyu, ni käru dwøra wïnynyö kanya köömma uuni kwöre mo thööth, ni bäŋe dwøl mo you løø jïra kanya cøøra uuni.

Jeremaya 7:6

ni juurre mo wø bëëdö dïïu ki kïïe ki määr thuunhnhi ba caaru, ni rem jiy mo bäŋ gïn mo ege baaø ba kønynyu piny kany jaak, ni ba cäädhu køør juu møøk mo käla ränynyö bäätu,

Jeremaya 8:5

?'Ba aperŋø nø na ö jøøi na jø Jerucalem ii ni gaage wøk ki gaan wøk mo bäŋ cuŋŋe en? Geni cwïnyge onieŋ køør cwøk døc, ni kweerge ki man duuge baŋa.

Jeremaya 9:13

Ni løgi ya Wuuö Jwøki, ni «Beeye kiper mana wecge ciik 'moa na cïba jïge, ni kärge dwøra wïnynyö, ni kärge cäädhö ki køør ciik 'moa,

Jeremaya 9:14

'ba ge caatha køør teek wïc marge, ni caathge køør juuga cøøri ni Baalli thuwø, na ö wëëkge na pwönyge geni ki ge.»

Jeremaya 9:6

'Ba ï na Jeremaya, kar bëëtö marï ena dï jø cwøk, ni geno kweer ki man ŋäcge aani ki køør cwøk moge.» Luummögø caana Wuuö Jwøki.

Kwään Jiy 14:11

Ni kö Wuuö Jwøki jï Modhe, «?A ki kany mo nyïëdi nø noo poot jøøi ii naa poot ege taaø? ?A ki kany mo nyïëdi ni pootge naa ba ŋääthge en, këël na bëëde ni ŋïïce mo døøŋŋø yaa tïïö dïge?

Moa Tïïc Nyïïatwieli 7:51

«U jø wïthu teek en, nou patha odaŋø ki yïth cwïnynyu ki ïthu en, cooth u wø kweeyø ki Jwïëc Jwøk na en kur keere. Keda mana kwøŋ kwäyu tïïc, beeye eni ni tïïyu en thuwø.

Ibaru 12:25

Gwøgu rou nou ba kweerru ki ŋatøgø ni cäänö enø. Kiper ni näk jøøka kär bøth kanya kwierge ŋata kööm geni piny, ø ba bøth na bäre bäre ni näk ŋat wø kööm øøni ki maal yøø kwierø.