Jeremaya 12:7 - Wëël Jwøk

⁷ Ni cäŋ Wuuö Jwøki köö jïra, ni «Aani jiy 'moa awiia, ni kwiera geni, ge na näk thööga. Geni na mëëra ki geni ki cwïnya bäre, gena cïba ceŋ nyïïmän moge.

Jeremaya 12:7 Iomraidhean Croise

2 Nyeye 21:14

'Ba jiy 'moa moo dööŋ, ge wiia wiiø ni cïba geni ceŋ nyïïmän moge, ni mak geni ki tøŋ, ni tïmge kaamar jammi mo di twierø jï nyïïmän moge bëët,

Aydheea 2:6

Wui Wuuö Jwøk, jiyï ma jø dhi øt Jeekap aweyï, kiper mana caathge køør ajuuk mo jø kur tuul-cäŋ, ni tïmge ni ge tïïö ki jap adïëda kaamar jø Pilitin, ni dwätge ki juurre møøk.

Jeremaya 11:15

Jiy 'moa moa mëëra ki geni atïmö ni tïïö ki raay mo thööth. ?Aŋø, a teega ŋø ni en jïge ki man cääthge yi øtø mara? ?Aŋø, olämme moge mo wø cïpge, ränynyö marge dege paanya piny bäätge, nee bëëtge ni ge kanynyø?»

Jeremaya 14:19

?Wui Wuuö Jwøk, aŋø, jø Juuda akwierï møn na bäre bäre? ?Aŋø, ïïna put männö ki pääny marge ma Dhayan møn? ?Aperŋø ni caannï waani en, ni tïme ni ba løny ki man døø bëëtö marwa kare en? Waana bëëdö ni wa koora bëët-mëër, 'ba bäŋ gïn mo beer mo oöö; ni koorwa døøn paac kare, 'ba ennø, atïmö ni nuta lwär keere.

Jeremaya 17:4

Ki køør raay moa tïïyu, ŋöömö mana näk thööŋŋu na cïba jïïu, uuno käl wøk yie, ni tïïa uuni nee nyïïmän mou tïnynyu yi ŋöömö mo kuyu, kiper wëër mara na näk wääŋö kaamar maac atugu, nee bëëde ni liel na bäre bäre.»

Jeremaya 22:5

'Ba ni näk mo luumma ba wïnynyu, a na Wuuö Jwøk, a puta kööŋ ŋëëta keera, ki man räny paan dwøŋŋi man na bäre.›

Jeremaya 23:33

«'Ba kanyo ö dhaanhe acielli røk jøøi ii, wala nyikuŋ Jwøk, wala dïlämi noo pëëny ïïni, ni ‹?Da dwør Wuuö Jwøk mana caal tëër mo iï wïnynyö?› køøre wär put løk jïge, ni ‹Wuuö Jwøk aköö, ni u ki dëëtu, beeye u na tëër bääta; 'ba aani, u 'leeŋa piny.›

Jeremaya 23:39

ennø, u tïŋa maal ni riema uuni wøk nyïma, ni raanynya pääny mana cïba jïïu ki kwäyu.

Jeremaya 51:5

Kiper jø Icriel ki jø Juuda kär kwier Jwøge ma Wuuö Jwøk, eni na wïth jammi bëët, këël na bëët ŋööm Babilønni man bëëtge yie en ni päŋ ki raay mo di temmø nyïm Jwø Icriel na en kur keere.

Jeremaya 7:14

Kiper manøgønø, teeŋ gïna tïïa dëër Cëëlö otïïa dëër øtø man ni wø cwøl ri nyeŋŋa, ni ŋääthu en, ki dëër paani en na cïba jïïu ki jï kwäyu.

Jeremaya 7:29

U na jø Jerucalem, gwääru wïthu wøk ni wetu ge, ni jwöŋu bäät thuuri moa leer, kiper Wuuö Jwøk beenhnhø maru man na wëëre ki gø anø kwiere ni wec gø.› »

Edhikiel 24:21

ni ‹Caanï jï jø Icriel ni man beeye luumma caan Kwäärö Wuuö Jwøki, ena köö, Ni aani øt lam mara na en kur keere wëëga päät; ni beeye kanya teek ni wø ŋwöu kipere, nou töödö ni yïthu met ki man raŋŋu gø, ni cwïnynyu ee tïïö ni met. Ni ö wäätu ki nyïïu moa wiiu ŋäthu Jerucalem ni 'näk geni ko opëëllö.

Odheea 11:1

«Aani, kanya poot jø Icrielli na wï jur mo thiinh, a mëër ki geni, ni cwöla geni wøk ki Ijep ni caala wääda.

Odheea 9:15

'Ba Wuuö Jwøk aköö, ni «Tïï gïï mo reyø atäkge Gëlgela; ni puta männö ki geni kaace! 'Ba kiper rääö mar japa tïïcge, ge riema wøk yi ŋöömö mara, ni ba mëëya ki geni këët; kwääri moge bëët gena jø ageem.

Jool 2:15

Uuni, koothu tuuŋ yi Dhayan, ni gööyu piny ki cäŋ mo you cïp kur keere, mo jiy ba cämö yie, ni cwötu ka acooŋa mo ena kur keere,

Jool 3:2

aani wïth juurre bëët cooŋa kanya ciel, ni kïtha ge goor Jøcapath. Ni ööa ni caana luup ŋøl dëëtge kaace naa ena løø jiya ma jø Icriel na näk thööga, kiper beege na keeth jiya dï wïth juurre, ni ö geni na wïth juurre ni pääŋge ŋöömö mara yïthakicge keerge.

Luk 21:24

ni 'näk geni ko opëëlle, ni peec geni dï mïëri bëët. 'Ba Jerucalem onyak juurre ni macge gø, këël mano ö kwör juurre moa wäŋŋi noo thurge karge.

Tiet Ciik 33:12

Mana caan Modhe kiper jø tuuŋ Benjamen beeye en, ena köö, ni «Jø tuuŋ Benjamen na mëër Wuuö Jwøki ki ge, ge bëëdö ni geno gwøk Wuuö Jwøki, ni wø koor geni ki yïth nïne bëët; ni bëëtge ni ge ena cere.»