Jeremaya 12:6 - Wëël Jwøk

⁶ Kiper këël nyïïmeru ki dhi øt wäru kiree atïïö ki gïï mo reyø dëërï ki piny, ni ge poot kwöŋŋö køørï døc ki nyeŋŋï. Ïïni, kär niï ŋäätha geni, këël ge doo cäänö ki luup mo beyø jïrï.»

Jeremaya 12:6 Iomraidhean Croise

Jööp 6:15

'Ba u na nyïïawäädi 'moa, aana cøøgu kaamar nyeŋ näm mo cøøga jiy, mo kany wø manynyi nee öömmö yïthge ki pïï, ge di cwänö no otal.

Pwöc Leec Wïc 23:8

'Ba otïmö niï para man ŋööï cam wøk mana thiinh na camï, ni ö waaci moï na met ni cami ya paapi jaak.

Pwöc Leec Wïc 26:25

Kany wø cääne ni luup ee døøc mo met, kär niï ŋäätha gø, kiper da gïïpinyi abïriiø yi cwïnye mo ec raac ki ge døc.

Aydheea 31:4

Kiper Wuuö Jwøk aköö ki aani, ni «Kaawat man wø bëëde ni ŋuu mo teek märö bäät cam mare, ni kany wø ö jø kwaathi wø cøørge dëëtge ki man cige baŋ gø na aciel, ba lwäyi ki döötge, ni ba bwøk ki dïlweel marge, aani na Wuuö Jwøk, a na wïth jammi bëët, a öö naa këëda ki jø wø bëëdö bäät Kïn Dhayan jï kuna en bäät thuur.»

Jeremaya 11:19

'Ba kanya pooda, aana bëëdö kaamar nyidiel mo mwöl mo kïtha kuna ŋaali, ni kuua ni da acaare mo reyø mo ege caarø kipera, ni ge köö, ni «Raanynyø ŋatøgø ki kare bäre; dïïrø wïïe dï jøøa kwøw bäät piny, nee nyeŋŋe put rwäänyö na bäre bäre.»

Jeremaya 11:21

Kiper manøgønø, Wuuö Jwøk mare aŋøle kiper jø Anathöth, jøøa many man 'näkge aani, na köö, ni «Kär luum Wuuö Jwøk køpï, niï ba 'näkwa.»

Jeremaya 20:10

Aani, jiy mo thööth awïnynya ni ge mööŋö ki nyeŋŋa, ni «Kee ena köö, ni ‹Lwär mo dwøŋ, piny opääŋe bäre.› Jäällu eni! Beerra man jäälø eni kiree!» Këël nyïïawääta bëët moa näk yaa ŋäädhö kiree, ge manynya ränynyö mara, ni köge, ni «Kanymør wïïe di maaŋŋø, nee ø jïtö ki jöö man böötø eni ki gø, ni marø cool kwör dëëre.»

Jeremaya 9:2

Wui, aŋø ni ba tïme ni da abïla jïra mo bëëda yie dï paap en, mo caala kany wø but jø wääthi yie, naa paanya raa buut jø powa ni wiia geni! Kiper gena jø lugi bëët, ni gena lwaa jiy mo tïïö ki gïï mo reyø ki piny.

Jeremaya 9:3

Ni kö Wuuö Jwøki, ni «Jiya rege ege jiiŋŋö ki man caange luup tööt, ni paac marge käärge ka jöör cwøk, ni patha jöör adïëri. Kiper ge wø løøŋŋa bäät gïïa reyø, ni kweerge ki man ŋäcge aani, a na Wuuö Jwøk.

Jeremaya 9:4

Beerra man ö ŋati man nø ni gwøk ree ki wati; kär dee ŋat mo ŋääth coki, kiper cöögö man nø bëëdö ni cøøga coki, ni wat man nø wïïrö jaak ni waya nyeŋ wati.

Jeremaya 9:5

Ni ö ŋati man nø ni bëëde ni cøøga wati, ni bäŋe ŋat mo cäänö ka adïëri. Lëëpge aŋiicge ki car tööt, ni öölge dëëtge ki tïïc gïï mo reyø.

Mathiew 10:21

'Ba cöögö coki okïth yi thøø, ni ö wuue ni kïth nyaare yi thøø. 'Ba obwöre rege othïïŋge ri jøøa nywøl ge, ni kïthge ge yi thøø.

Maak 12:12

Ni tïm dïbwöthe mo jø Juuth ni ge manynya man makge Jecu, 'ba ge lwäär ki lwaak. Kiper ajootge ni tier leeya caane geela geni. Køøre ena wecge ni aacge kaace.

Jøøn 7:5

'Ba eni, këël nyïïmenni kär jïëy ki eni ni ŋääthge gøøni.

Moa Tïïc Nyïïatwieli 16:22

'Ba jøøa thööth na en kaace gena dwätö ki jøøgø ni ge manynya man pwötge geni. Ni ö abïïkge ni cöödi ya kwääri wøk dëëtge, ni cïpge ki dwøl nee ge pwöt ka athøre.

Moa Tïïc Nyïïatwieli 18:12

'Ba kanya bëët Galliø na kwäärö mar Akeea, jø Juuth adwätö ni makge Pøøl ni kälge gø kar løøk.