Jeremaya 12:2 - Wëël Jwøk

² Beeye ïïni na piith geni kaamar jaath, ni këëlge tietge piny; ni døøŋge ni jïtge ki nyïëdi. Gïrï wø carge carø ki dhøkge jaak, 'ba ki cwïnyge, karge bäär ki ïïni.

Jeremaya 12:2 Iomraidhean Croise

Jööp 24:12

Cooyø mar jiy moa näk manynya thøø wø wïnyö dï pääny, ni ö jiyi moa näk dëëtge da ŋwiili ni jwöŋge kiper køny; 'ba Jwøk ïthe käre ciiø ki lam marge.

Jööp 5:3

Aana jïtö ki dhaanhø mo wïïe ba leer, mo bëëtö mare cäätha maal ni beer, 'ba paare alaar cien.

Aydheea 29:13

Kanyøgø Wuuö Jwøk aköö, ni «Jøøi ii, gena ö kany mo cään ki aani ki dhøkge jaak, naa wøørge ka lëëpge, 'ba cwïnyge karge bäär ki aani, ni jöör lam marge tïïcge ka køør ciik moa tïïc jiyi.

Jeremaya 11:17

'Ba Wuuö Jwøk, eni na wïth jammi bëët, na këël tietu piny, aköö ni gïn mo leth käle ka bäätu, u na jø Icriel ki jø Juuda, kiper raay moa tïïyu ni u raanynya cwïnye ki køør mana waaŋŋu gïn wø jïye ŋwääi ni met jï Baal.

Jeremaya 3:10

'Ba këël na bëët coki ma Juuda na raac ni gïïögø bëët ŋääe, eni na Juuda kär duu baŋa ki cwïnye bäre, 'ba mare beeye cwøk keere.» Luummögø caana Wuuö Jwøki.

Jeremaya 45:4

«'Ba man beeye luumma caan Wuuö Jwøki jïra, ni ‹Ï na Jeremaya en, caanï jï Baruk ni Wuuö Jwøk aköö, ni «Ennø, gïna näk yaa tïïö ni teek raanynya raanynyø, ni gïna näk tiere yaa këël piny 'cööda wøk; ni gïnögø tägö yi ŋöömö bäre.

Edhikiel 33:31

Jiy ööa baŋï kaawat man wø tïïc dhaanhe jaak, ni pïge piny nyïmï kuna wïnyge luup moï kede gena jiya, 'ba ba kïthge bäät tïïc. Geni, ge cara luup mo beyø ki dhøkge, 'ba cwïnyge caara gïï mo reyø ki møt.

Odheea 7:14

Ge ba jwöŋi dëëra ki jwøk mo käla yïth cwïnyge kany wø gööge ko oduuru kwör niine moge. Kany wø lämge kiper caammi ki kwøk nyïïomøki, dëëtge ŋarge ŋarø, ni wecge aani.

Abakuk 1:13

Ïïni, ï tøŋ, niï ba many man neenï gïn mo raac ki waŋï, ni ba løny ki man raŋŋï gïï wø tïïc ni reyø. ?Aperŋø ni neetï jø cwøk jaak en? ?Na aperŋø ni bëëdï niï lïïŋö jaak kany wø öge, ge na jø raay, ni wø thöörge jøøa näk theemma marge ni kaala geni?

Mathiew 15:8

«ni ‹Jøøi ii a wø wøørge ka lëëpge, 'ba cwïnyge karge bäär ki aani.

Maak 7:6

Ni köö Jecu jïge, na «Gïru acaan Aydheea na kare, u na jø atade, kaa mana gööri, «ni ‹Jøøi ii a wø wøørge ka lëëpge, 'ba cwïnyge karge bäär ki aani.

Tayta 1:16

Ge wø köö ni Jwøk ŋäcge møn, 'ba ege kwierø ki køør jap wø tïïcge. Ge reyø døc, na jø adhala, ni ge ba rømi ki tïïc gïn mo beer, bäre bäre.