Jeremaya 12:15 - Wëël Jwøk

¹⁵ 'Ba kanyo nø bëët juurre moøgø nø ni ge yaa cööt wøk, cwïnya ocäŋ pädhö kiperge, ni dwøga geni yïth ŋøøpge, ni jøøi nø døøa yi ŋöömö marge.

Jeremaya 12:15 Iomraidhean Croise

Jeremaya 16:15

'Ba geno kööŋ, ni ‹Ŋëët Wuuö Jwøk, Jwøa kwøw, na käl jø Icriel wøk ki paana en jï løø wï-piny, ki yïth mïëri bëët moa riem geni yïthge,› kiper ge duua yi ŋöömö marge na cïba jï kwäcge.

Jeremaya 24:6

Ni neeta geni ki waŋ mo beer, ni duua geni yi ŋöömmi en, ni tïïa geni ni teek, ni ba nyaaa geni piny këët. 'Ba tietge okëëlla piny, ni ba cööda geni wøk këët.

Jeremaya 29:14

Aano jootu møn, a na Wuuö Jwøk, ni duua uuni wøk ki yi bëët laŋ, ni lema uuni yïth mïëc wïth juurre bëët kwöra riema u yïthge bëët, ni duua uuni paana riema u wøk yie nou mak ki tøŋ.» Luummögø caana Wuuö Jwøki.

Jeremaya 3:12

Ciï ni caanï dwøl man en ni nyïmï ii løø jï løø wï-piny, ni kööï ni Wuuö Jwøk aköö, «ni ‹Ï na Icriel na caal dhaagø mo cwïnye ogaa wøk en, duu baŋa. Ï ba raŋa ka agäät, kiper a na Wuuö Jwøk, a mëër ki ïïni, ni gootø mara ba ruu cwïnya na bäre bäre.

Jeremaya 3:17

'Ba kar kaace Jerucalem ocwølge ni kar bëëtö mar Wuuö Jwøk, ni ö wïth juurre bëët ni cooŋge rege yie kiper nyeŋ Wuuö Jwøk. Ni ö geni na jø Icriel ni ba cääthge këët køør teek wïc marge mana ö ki køør rääö mana en cwïnyge.

Jeremaya 4:2

ni kööŋŋu ki kööŋ ma adïëri ma kare mo thïïŋ, nou kööŋŋa ŋëëta, a na Wuuö Jwøk, Jwøa kwøw, wïth juurre rege ogwïëthge ki nyeŋŋa, ni putge jïëmö ki nyeŋŋa.»

Jeremaya 48:47

«'Ba kanyo tïme na aŋuun nïne, bëët jø Möap ocäŋa dwøk kare.» Luummögø caana Wuuö Jwøki. Ajäla manøgø beeye mana ŋøl bäät Möap.

Jeremaya 49:39

'Ba kanyo tïme na aŋuun nïne, bëët jø Ilam ocäŋa dwøk kare.» Luummögø caana Wuuö Jwøki.

Jeremaya 49:6

«'Ba køør manøce nø, jø Amön bëëtö marge ocäŋa dwøk kare.» Luummögø caana Wuuö Jwøki.

Daniel 11:4

'Ba kanyo thïïŋ dëëre ennø, akwöm nyec mare di petø ni pääŋŋi na kwöre aŋween, no odïëdö ki but piny, ni ba ci jï jø okäl dëëre, ni jø oci teeki jïge, teek marge tïmö ni ba caal teek mana en jïre dïkwøŋ. Kiper akwöm nyec mare cööda wøk ni mëëgi jø møøk ni paa jø okäl dëëre.

Amøc 9:14

Jiya ma jø Icriel moa näk omaa ri leny oduua poge, ni cäŋge wïth mïëri moa no oränynyö geerrø, ni bëëtge yïthge; ni piithge jer omøki, ni maathge kwøk gø; ni tïïge ka ajïniine ni camge nyïïjer gø.

Kwään Jiy 32:18

Wa ba duu mïëri mowa këël mano ö ŋati man nø ri jø Icriel noo lwør ŋöömö mana näk kure.

Moa Tïïc Nyïïatwieli 15:16

«ni ‹Køør man, aano duui, ni cäŋa wï po Deebit mana no opädhö geerrø, ni cäŋa gïna näk oränynyö geerrø, ni dwøga gø kare.

Tiet Ciik 3:20

'Ba jø pou okønynyu ki leny këël mano ö Wuuö Jwøki noo mooc geni ki jwöm ni tïm lenynyi ni bäŋgø, kaawat mana mooc uuni ki jwöm. 'Ba beeye këël mano kälge ŋöömö mana en løø Naam Jördan løøga noo cïp Wuuö Jwøki na näk Jwøu jïge. Køøre nø, uuno døø yi ŋöömö mana cïba jïïu, ni ö ŋati man nø ni døø kare.›

Tiet Ciik 30:3

kar kaaca Wuuö Jwøk na näk Jwøu cwïnye pädhö ki gïru, ni duu uuni ki kwöra näk uuno maa ki tøŋ yïthge, ni cooŋ uuni kanya ciel ki dï wïth juurre bëët moa keeth uuni yïthge.