Jeremaya 12:13 - Wëël Jwøk

¹³ Jiya, geno piidhø ki beel, 'ba gïïo jootge beege koodhi keerge. Dëëtge oöölge døc, 'ba bäŋ gïn mo jootge. 'Ba wïthge olää gïno jootge, ki køør wëër mara, a na Wuuö Jwøk, noo liel kaamar maac bäätge.»

Jeremaya 12:13 Iomraidhean Croise

Aydheea 55:2

?Aŋø ni raanynyu gwetu jaak en ki ŋïëw gïï mo patha caammi? ?Aŋø ni wø kälu gwetu wøk moa jootu ki køør kwäk maru nou ŋeewa gïï mo u ba jäŋ ki ge en? Ennø, cegu ïthu na kare ki dwøra, ni cammu cam mana beer, ni mïn yïthu ki cam mana beer na kaal caammi bëët.

Jeremaya 17:10

«Beeye aani na Wuuö Jwøk ni wø neen cwïny dhaanhø, ni wø raŋ acaac dhaanhø thuwø, ni ŋati man nø cunna cunnö ki køør uutjïëth bëëtö moe, ki køør tïïe moe ni wø tïïe.»

Jeremaya 4:26

Kanya rääŋa, ka adïëri møn, ŋöömma beer ni wø ciek ki cam mo päl ajooda no otïmö na dïtëën, ni jooda päänye moe bëët no onyaa piny ki køør wëër mar Wuuö Jwøk ni wø liel kaamar maac.

Jeremaya 9:5

Ni ö ŋati man nø ni bëëde ni cøøga wati, ni bäŋe ŋat mo cäänö ka adïëri. Lëëpge aŋiicge ki car tööt, ni öölge dëëtge ki tïïc gïï mo reyø.

Odheea 8:7

Jø Icriel apïïdhö ni tïme kede ge piitha jamø, ni ö gïïa kacge ni tïme kede apwøyaweerø. Beel moa näk cuŋŋö yi pwödhö atïmö na adibøøye, ni bäŋe nyeŋ mo ege joodø. 'Ba këël møøk doo jïtö, jiy mo path puta öö ni thöörge gø.

Ciik Kiper Dïlämme 26:16

aani thuwø, gïï ii tïïa tïïö dëëtu: a känna bäätu ki lwär mo cwöba dëëtu, ki täwe mo leth, ki teeŋ adïrïgi mo tïïya nyeŋŋu ni ba nëënö, mo cama dëëtu. Caammi mou opiithu ki jaak, kiper nyïïmän mou öö ni camge caammi moøgø.

Ciik Kiper Dïlämme 26:20

Öölö maru oaay jaak, kiper ŋöömö maru tïmö ni ba ciek ki caammi, ni ö jenni mo ŋöömö maru ni ba nywølge ki nyïëdi.

Mikiya 6:15

Uuni, uuno pïïdhö, 'ba ba kayu. Ni wellu nyïïjaath man wø nyïïe wel na maaw, 'ba dëëtu ba wïïrru ki gø. Nyïïomøki obiiyu na køøŋø, 'ba køøŋŋe ba maathu.

Abakuk 2:13

?Neennu, aŋø, Wuuö Jwøk, eni na wïth jammi bëët, paa eni na caan gø ki man näk mo beeye maac noo pwøc öölö mar jiy, ni ö öölö mar wïth juurre ni cami paapi?

Agëë 1:6

Uuna bëëdö nou pïïdhö ki gïï mo thööth, 'ba atïmö ni duua mo nøk. U bëëdö nou cämö, 'ba u ba jäŋ. U bëëdö nou mädhö, 'ba u ba røm. U ruuö ka abïïe, 'ba dëëtu ba murri. U mägö ki jap kwäk mou, 'ba kïïce mou bëëdö kede otuc.»

Agëë 1:9

U cädö nou jïtö ki mo thööth, 'ba tïmö nou joota mo nøk. 'Ba kany wø kïthu ge paac, puta ka kooth ki jam dhaa.» Køøre Wuuö Jwøk, eni na wïth jammi bëët, aköö, na «?Aperŋø ni wø täk gïïögø? Beeye kiper na weyu øtø mara no oränynyö, ni tïm ŋati man nø ni lääŋŋa øde keere ki man jiiŋ gø.

Wëëlö Mana Göör Pøølli Baŋ Jø Röm 6:21

?'Ba kanyøca nø, agïnaŋø na duu japøka ni wïthu olää ki ge kawaane yøø? Cuŋ japøgø beeye thøø.

Tiet Ciik 28:38

«Uuno pïïdhö ki köödhi mo thööth yïth pwöth mou; 'ba mo nøk keerge beege noo kayu, kiper ge cam bäänyö camø.