Jeremaya 12:11 - Wëël Jwøk

¹¹ Geni ŋöömö mara oraanyge møn, ni bëët ŋöömö ni jwöŋö dëëra; ŋöömö bäre otïïcge na kany mo oränynyö, ni bäŋe ŋat mo caar gïr gø.

Jeremaya 12:11 Iomraidhean Croise

Luup Dïpööy 7:2

Beerra eni ki man lïïmmö paac mo yie da thøø ni kaala man ci paac mo yie da ajwöma, kiper thøø beeye aŋuun dhaanhø; ni jiy moa kwøw gïnögø dege kïtha cwïnyge.

Aydheea 42:25

Kiper manøgønø, wëër mare ni wø liel kaamar maac, na caal mäc leny, akøny bäätø, ø na jø Icriel, ni wëëk maac liel ki deŋ Icriel bäre; 'ba øøna bëëdö ni tier gø poot ba kwanyø. Øøna waaŋ Wuuö Jwøki ki maac, ni bëëdø ni bäŋ gïn mo caarø kiper gïna tägö.

Aydheea 57:1

Dhaanhø mo beer thøw ni bäŋ ŋat mo kwany tier thøø mare. Jiy mo bëëtge beyø di kälö ni bäŋ ŋat mo kwany tier gø ki man näk mo ge käl kaper nee ge pääge ki raay.

Jeremaya 10:22

Wïnynyu dwøri na pïï en; ennø, tiet dëëci wïnyö ni dïmmi ni öö ki wï-piny, nee päänye mo Juuda raanyge ni tïmge na kwör bëëte jï othööe.

Jeremaya 10:25

Kïth wëër marï bäät wïth juurre moa näk ï kucge, ni beege jiy moa näk nyeŋŋï ba cøørge, kiper geni, wa jø po Jeekap, waana thöörge; waana thöörge møn, ni raanyge kar bëëtö marwa.

Jeremaya 14:2

ni «Ŋööm Juuda bëëdö ni jwöŋö, ni ö päänye moe ni öölge, ni bëët jiyi ni jwöŋö kiper ŋöömö, ni ö oduuc Jerucalemmi ni tïme ni päl.

Jeremaya 19:8

Aani thuwø, pääny man tïïa tïïö nee ränynye, ni tïme na gïr abuua. Ni ö jiy bëët mo wø pöödhi ki buute ni buuge gø ni thäŋ yïthge kiper gïïo leth noo pïï dëër paani.

Jeremaya 23:10

Kiper paac päŋ ki jø luui, ni tïm ŋøømmi ni kïmmö ki køør acïëni mana pïï bääte, ni ö kwör kwaathi bëët moa en paap ni talge. Nyïïkuk Jwøk jöör bëëtö marge raac, ni teek marge tïïcge ka jöö mo patha kare.

Jeremaya 25:11

Ni ö ŋöömmi en bäre ni ränynye, ni tïme na ŋöömö mo cwïny jiy böö ki gïno tägi dëëre; ni ö wïth juurre moøgø ni tïnyge nyeny Babiløn ki cwiiri ma pïërabïriiø.

Jeremaya 4:20

Gïï mo leth tïmö ni ööa bääte, ni ö pinynyi bäre ni ränynye. Kwör bëëte 'moø laar ka raanynyø, ni ö uudi 'moø ni ränyge ki nyi kany mo thiinh.

Jeremaya 4:27

Ni manøgø beeye luumma caan Wuuö Jwøki, na kööe, ni «Ŋöömö bäre oränynyi; 'ba ba raanynya bäre.

Jeremaya 4:28

Ki køør gïïögø bëët, piny bäre okïmmi, ni ö maalli ni tïme na muudhö, kiper ni caana gø en, yaa nø caar, ni cwïnya ba wara, naa ba døøa ŋääa ki man tïïa gø.»

Jeremaya 6:8

Ï na Jerucalem, ï köömmi; 'ba ni näk miï ba köömmi, ø pääö ki ïïni, ni tïïa ïïni na paac mo owii kur keere, na ŋöömö mo ba beet.»

Jeremaya 9:10

Aani, a jwöŋö ni kïmma kiper powa bäre, këël kïte moa en yie, ni gööa ko oduuru kiper kwör kwaath na en dï paap, kiper gena ränynyö, ni bäŋe ŋat mo ci yïthge, ni bäŋe dwør dhieŋ mo wïnyi. Ni ö wenynyi ki lääy bëët ni bwøkge ni aacge.

Jeremaya 9:11

Ni kö Wuuö Jwøki, ni «Jerucalem otïïa nee neeruuth, ni tïme na kar bëëtö mar othööe; ni tïïa päänye mo Juuda nee ränyge, nee bäŋe jiy mo bëëdö yïthge.»

Jeremaya 9:9

?Aŋø, ge ba jääla gø nidïï kiper teeŋ gïïögø? ?Aŋø, gïnögø ba coola gø nidïï dëër paac mo temma teeŋ gïïögø?» Luummögø caana Wuuö Jwøki.

Jool 1:10

Pwöth aränynyö, ni bëët ŋöömö ni jwöŋö. Beel aränynyö, ni ö jer omøki ni talge, ni ö jer wø nyïïge wel na maaw ni bäpge.

Ciik Kiper Dïlämme 26:32

Aani ki dëëra kiree ŋöömö maru raanynya raanynyø, ni ö nyïïmänni mou moo ö baŋ bëëtö yie ni thäŋ yïthge ki gïr gø.

Dhekaraya 7:5

ni «Caanï jï jiy bëët moa en yi ŋööm paac, ki dïlämme, ni kööï, ni ‹Kanya bëëdu nou tïïya wödö mar kwier cam nou kïmmö ki dwää abïïc ki dwää abïriiø ki cwiiri moa näk pïërabïriiø na pöödhö, ?aŋø, wödö maru kar kaace mar kwier cam tïïyu kapera na bëëde cøøn enø?

Milkiya 2:2

Ni näk mo ïthu ba cegu, ni ba kanu gø cwïnynyu ki man wøørru nyeŋŋa, u jääla jäälö døc, ni tïïa gwïëth man wø gwïëthu jiy ki gø na acïëni. Ka adïëri møn, gwïëth maru yaa nø cien ennø, kiper ciik mara käru kan cwïnynyu.

Wëëlö Mana Göör Pøølli Baŋ Jø Röm 8:22

Ni ŋääø ni gïïo no ocwääö yi piny bäre yøø wø bëëdö ni ge cooyø ciel ki cooyø mo rööma coony mäc lwaar, këël kawaane.