Jeremaya 12:1 - Wëël Jwøk

¹ Wui, Wuuö Jwøk, ï bëëdö ni marï adïëri kany wø lööa nyïmï; 'ba ï poot pëënynya pëënynyö kiper ŋøl marï. ?Aŋø, aperŋø ni ö gïï wø tïïc jø raayi ni thurge karge jïge en? ?Na aperŋø ni ö jiyi bëët mo wø tïïö ki gïï mo reyø ki piny ni bëëtge ni bëëtö marge jööt jaak?

Jeremaya 12:1 Iomraidhean Croise

Wïlöölö 18:25

Ba doo løny ki man tïïyï teeŋ gïnögø na bäre bäre, ki man 'nägï jøøa näk bëëtge beyø nyïmï ki jøøa näk tïïya raay na aciel bëët; caana gø ni jiy moa näk bëëtge beyø nyïmï ki jiy moa näk temma raay iï päärö na aciel bëët. Teeŋ gïnögø ba diï tïïö na bäre bäre. ?Aŋø, ŋat wø ŋøl luup mo bäät piny bëët, bäŋ wø ŋøl luup ma karge cooth?»

Edhera 9:15

Wui Wuuö Jwøk, Jwø Icriel, ïïni, ï beer; kiper waani, waana wec na mo dööŋ ni kwøw, kaawat man bëëde dïcäŋi en. Ennø, raay mowa ena nyïmï; ni bäŋ dhaanhø rewa mo maar cuŋŋö nyïmï ki køør raay mowa.»

Neemiya 9:33

'Ba ïïni, marï adïëri ki røk gïïa tägö dëëtwa bëët, kiper ï bëëdö niï tïïya adïëri; ba waani, waana bëëdö ni wa tïïya gïï mo reyø.

Jööp 12:6

Kwör bëëte mo dïräänynye wø bëëdö ni beyø, ni ö jø wø raany cwïny Jwøk ni bëëtge ni geno gwøø, ni beege jø wø käär jwøk marge ki ceŋge.

Jööp 13:3

'Ba gïna manynya beeye ki man cääna ki Jwøk na en teeki jïre, naa pëënynya luup 'moa ki gø.

Jööp 24:12

Cooyø mar jiy moa näk manynya thøø wø wïnyö dï pääny, ni ö jiyi moa näk dëëtge da ŋwiili ni jwöŋge kiper køny; 'ba Jwøk ïthe käre ciiø ki lam marge.

Jööp 24:23

Eni ge wëëge jwöm ni bëëtge no ogwøø, 'ba waŋe ena uutjïëthe moge.

Jööp 8:17

ni lweedi moe tuya yïthakic kïte, ni ge rïïö ki karge yïth kïte.

Dut Pwøc 37:1

Pwöc Leec Wïc 1:32

Kiper jøøa näk acaara marge thiinh geno 'näk gaan wøki marge, ni ö jøøa wïthge känni ni nägi ya ataa marge.

Luup Dïpööy 8:14

'Ba da gïn mør thuwø mo bäŋ tiere mo wø tägö bäät piny kany en, ni gïnaca bee en. Da jiy mo bëëtge beyø mo gïïa doo tägö dëët jøøa bëëtge reyø tïmö ni täga dëëtge, ni ö gïïa doo rømø ki man täkge dëët jøøa bëëtge reyø ni tïme ni täga dëët jøøa bëëtge beyø. 'Ba manøgø thuwø a caana ni poot na gïn mo bäŋ tiere.

Aydheea 41:21

Wuuö Jwøk, eni na nyeny nyïïkwaac Jeekap, aköö, ni «Caannu luubö maru, ni kälu gïïa näk cwïnynyu päŋ ki ge nyïm.

Aydheea 48:8

'Ba gïïögø käru wïnynyö, ni tietge kuyu. Ki kany mo bäär cøøn, ïthu poot kär jäpö, kiper ŋääa møn nou doo tïïö ki riek waŋ mo raac døc. Uuni, u ŋäc ki man näk mo uuna jø ageem ki mana nywöl uuni.

Jeremaya 11:20

'Ba ï na Wuuö Jwøk, ï na wïth jammi bëët, ni wø ŋøl luup na adïëri, ï ni wø raŋ cwïny jiy ka acaacge bëët, wëëk a neen cool kwör marï mano tïïyï dëëtge, kiper luubö mara yaa cïp cerï.

Jeremaya 12:6

Kiper këël nyïïmeru ki dhi øt wäru kiree atïïö ki gïï mo reyø dëërï ki piny, ni ge poot kwöŋŋö køørï døc ki nyeŋŋï. Ïïni, kär niï ŋäätha geni, këël ge doo cäänö ki luup mo beyø jïrï.»

Jeremaya 3:20

'Ba ka adïëri møn, kaawat man wø ö dhaage mo cwïnye ogaa wøk ki cwøre ni wec cwøre, uuni, u na jø Icriel, uuna bëëdö ni cwïnynyu ogaa wøk ki aani.» Luummögø caana Wuuö Jwøki.

Jeremaya 3:7

'Ba aana cädö ni kanyo nø tïïc gïïögø bëët, eni duua baŋa na bëëde, 'ba eni kär duuö; ni ö bääyö mare ni jooti ya coki ma Juuda na raac.

Jeremaya 32:16

'Ba kanya nø cïba wëël ŋïëw jï Baruk o Neriya, aana lämö jï Wuuö Jwøk, ni kööa,

Jeremaya 5:11

kiper jø Icriel ki jø Juuda gena tïïö ki gïï mo reyø døc dëëra.

Jeremaya 9:2

Wui, aŋø ni ba tïme ni da abïla jïra mo bëëda yie dï paap en, mo caala kany wø but jø wääthi yie, naa paanya raa buut jø powa ni wiia geni! Kiper gena jø lugi bëët, ni gena lwaa jiy mo tïïö ki gïï mo reyø ki piny.

Wëël Kïmmö 1:18

«Wuuö Jwøk mare beeye adïëri, kiper aana bëëdö naa gëëmö ki ciik moe. U na wïth jiy bëët, ennø, wïnynyu, ni neennu gïïa leth na jwøra. Jø leny 'moa moa dëëtge teek ki nyïïakuue 'moa, amak ki tøŋ.

Edhikiel 18:25

«'Ba kanymør u poot köö, ni ‹Jöö man tïï Kwäärö Wuuö Jwøki ki gø en ba tiir.› 'Ba ennø, wïnynyu, u na jø Icriel! ?Aŋø, jöö mara ba tiir? ?Aŋø, paa uuni na näk jïëthe mou ba tiir?

Daniel 9:14

Kiper manøgønø, ï na Wuuö Jwøk, ï kär dwiil ki man kälï gïna leth bäätwa, kiper ï na Wuuö Jwøk, Jwøk marwa, marï beer ki yïth jammi bëët mo wø tïïyï; 'ba waani dwørï kärwa wïnynyö.

Daniel 9:7

«Wui Kwäärö Wuuö Jwøk, ïïni bee ï wää bëënynyö, 'ba waani marwa beeye lään wïc, kaawat man bëëde dïcäŋi en, ni bee wa jø Juuda ki jø wø bëëdö Jerucalem, ki jø Icriel bëët moa en kwör mo cärö ki moa en kwör mo bäyö yïth mïëri bëët moa riemï ge yïthge, kiper ageeme moa tïïcge dëërï.

Odheea 6:7

«'Ba kaawat mana tïïc kanya cwøl na Adam, geni luumma tuuda ki kwäcge akwierge, ni ge bëëdö ni nyeŋge ege døøc mo reegø ki aani, a na Jwøk.

Abakuk 1:4

Kiper manøgø nø, ciik atïmö ni ba tïïö, ni tïm ŋøl luup ni ba thur karge. Jø raay jøøa marge beer acielge dïër, ni tïm ŋøl luup ni di wellø.

Jepaniya 3:5

'Ba Wuuö Jwøk na en yi Jerucalem, mare beeye adïëri, ni eni ba ŋudö ki luup mo patha karge. Ka amöölla cooth adïëri mare wø käle yi tar, ni eni ba døø ŋääe ki gø ki yïth nïne bëët. 'Ba jøøa reyø ge poot temma raay ni wïthge ba lääy.

Milkiya 2:17

Uuni, Wuuö Jwøk aööllu ki luup mou. 'Ba uuna köö, ni «?Eni ewa öölö nidïï?» Beeye kiper mana kööu, ni «Ŋat wø tïïc gïn mo raac poot beer ki nyïm Wuuö Jwøk, ni Wuuö Jwøk yie met ki ŋatøgø.» Wala u köö, ni «?Jwøk ni wø ŋøl luup na karge en kaa?»

Milkiya 3:15

'Ba ennø, ki baŋwa jø atöör beege ni yïthge met. Jø wø tïïc gïï mo reyø tïmö ni kwärra geni, ni ö geni ni päänyge Jwøk ni bäŋ gïn mo tägi dëëtge.› »

Tiet Ciik 32:4

Wuuö Jwøk na näk Jwøø teek, ni tïïe moe beege karge; ni uutjïëthe moe bëët tiir. Ena Jwøk mo mare di ŋäädhö, ni bäŋ gïn mo raac jïre; eni beer ni mare thïïŋ.