Jeremaya 11:7 - Wëël Jwøk

⁷ Kiper kwäyu aköömma døc kanya käla geni wøk ki Ijep, ni bëëda naa köömma geni cooth këël dïcäŋi en, naa wø köö, ni «Wïnynyu dwøra.»

Jeremaya 11:7 Iomraidhean Croise

2 Nyeye 17:13

'Ba jø Icriel ki jø Juuda ge wø kööm Wuuö Jwøki köömmö ki dhøk nyïïkuk Jwøk bëët ki dhøk jø wø joot jammi ki køør man wø nyooth Jwøki jïge, ni kööe, ni «Weyu uutjïëth raay mou ni gwøgu gïïa cema ki ciik 'moa na en ri pwöc 'moa bëët moa köömma kwäyu ki gø, ni beege na jääŋŋa baŋu ki dhøk jiya ma nyïïkuk Jwøk.»

2 Luup Nyeye 36:15

'Ba Wuuö Jwøk, Jwø kwäcge, dwøl mare jääŋŋe jääŋŋö baŋge cooth ki dhøk nyïïkuk moe, kiper pänh cwïny mare kiper jiye ki kar bëëtö mare.

Bwøth Wøk 15:26

Ni kö Wuuö Jwøki, ni «Ni näk mo dwøra leŋŋu leŋø, a na Wuuö Jwøk na näk Jwøu, ni tïïyu gïna beer nyïma, ni cegu ïthu ki gïïa cema, ni gwøgu ciik 'moa bëët, täwe moa kïtha bäät jø Ijep ba kïtha bäätu; kiper beeye aani na Wuuö Jwøk ni wø køny uuni.»

Jeremaya 11:4

na köömma kwäyu ki gø kanya käla geni wøk ki Ijep, na caal këën thäth mo liel.› Ni kööe jïge, ni ‹Cegu ïthu ki dwøra, ni kïthu ciik moa cïba jïïu bëët bäät tïïc; 'ba uuno bëëdö ni uuna jiya, ni bëëda ni aana Jwøk maru;

Jeremaya 25:3

ni «Ki yïth cwiiri moi na pïërariiø kurdäk ii, ki mana täge ki ra aŋuun cwiiri apaar kurdäk moa beet Jöcaya wär Amön ni ena nyeny Juuda, këël dïcäŋi en, dwør Wuuö Jwøk abëëdö ni öa bääta, ni cara gø jïïu cooth, 'ba dwøre käru wïnynyö.

Jeremaya 25:4

«Ni ö Wuuö Jwøki ni bëëde ni jääŋŋa jiy moe ma nyïïkuk Jwøk baŋu cooth, 'ba dwøre käru wïnynyö ni ïthu käru ciiø.

Jeremaya 31:32

mo ba caal luubö mana kwøŋa tuut ki kwäcge kanya maa ceŋge ni käla geni wøk ki Ijep, ni beeye luumma tuuda ki geni na dhalge, këël na bëëda jïge naa bëëdö kaamar dïcwøø ki cïïe.

Jeremaya 32:23

Ni öge yie ni macge gø, 'ba dwørï kärge wïnynyö, ni kärge cäädhö køør ciik moï. Ni bäŋ gïn mo ege tïïö kiper gïïa köömmï geni ki ge bëët nee kïthge bäät tïïc, ni beeye tiere gø na jääŋŋï gïï na leth bëët ii bäätge.

Jeremaya 34:14

ni ‹Kany wø tïme na aŋuun bïriet cwiiri, ŋati man nø dïïu coki ma ŋat Ibaru mo dëëre ee biel baŋ gø, mo otïïö jïre ki cwiiri abïciel, dee wiiø nee aae.› 'Ba kwäyu, mara kärge wïnynyö, ni ïthge kärge ciiø ki mara.

Jeremaya 35:14

'Ba luup Jönadap o Rëkap na kööm wääte ki geni, nee geni ba mäthge ki køøŋø, agwøkge; ni ge kär mädhö ki køøŋø këël dïcäŋi en, kiper gïna ö kwarge na kööm geni ki gø atïïcge na kare. 'Ba aani, aana cäänö ki uuni kwöre mo thööth, 'ba uuni, mara käru wïnynyö.

Jeremaya 35:15

Aani thuwø, jiya ma nyïïkuk Jwøk bëët ajääŋŋa baŋu kwöre mo thööth, ni kööa, ni «Ŋati man nø dïïu luu ree ni wec jöör bëëtö mare na raac, ni tïïyu tïïe moa beyø, ni ba cäädhu køør juu møøk nou lama geni; køøre u bëëdö yi ŋöömö mana cïba jïïu ki jï kwäyu.» 'Ba ïthu käru ciiø ki dwøra, ni mara käru wïnynyö.

Jeremaya 7:13

'Ba uuni, gïïögø bëët atïïyu, ni käru dwøra wïnynyö kanya köömma uuni kwöre mo thööth, ni bäŋe dwøl mo you løø jïra kanya cøøra uuni.

Odheea 4:1

Wui jø Icriel, cegu ïthu ki dwør Wuuö Jwøk, kiper Wuuö Jwøk jïre da løøk ki uuni, u ni bëëdö yi ŋöömö man en, ni luummaca bee en, ena köö, na «Atïmö ni bäŋ jø ŋäädhe, ni bäŋ mëër, ni bäŋ acaara ki man ŋäc Jwøk yi ŋöömö man.

Odheea 5:1

Wuuö Jwøk aköö, ni «U na dïlämme, wïnynyu gïn! U na jø Icriel, cegu ïthu! U na jø paan dwøŋ, cegu ïthu! Ajäla man bee maru, kiper u caala abëëbe bäät jø Micpa, ni bëëdu kaamar ajääpi mo opeerø bäät Kïn Tabör.

Dhekaraya 1:4

Käru tïmö kaamar kwäyu. Kwäyu luup 'moa ajääŋŋa baŋge kar kaaca ki dhøk nyïïkuk Jwøk 'moa mo acääŋŋe ni kööa, ni ‹Man beeye dwøra, a na Wuuö Jwøk na en wïth jammi bëët: «Ennø, weyu uutjïëthe mou na reyø ki tïïe mou na reyø.» › 'Ba gena kweer ki man cekge ïthge wala ki man wïnyge luumma. 'Ba luummögø caana aani, a na Wuuö Jwøk.

Epeca 4:17

Kiper manøgønø, a cäänna uuni ni mara køba ka nyeŋ Wuuö, ni kär nou bëëdö këët kaawat man wø bëët juurre ni wø bäŋ gïn mo ŋäcge.

Tiet Ciik 12:32

«'Ba gïï köömma uuni ki ge bëët ii, beerra man gwøgu ge, ni kïthu ge bäät tïïc, ni ba meetu ge, ni ba kännu wøk rege.

Tiet Ciik 30:20

'Ba gïna dou tïïö kiree beeye ki man mëërru ki Wuuö Jwøk na näk Jwøu, ni leŋŋu dwøre, ni göögu ree, kiper beeye gïno jïtu ki kwøw ki køøre, noo døøc nïr kwøw mou mo thööth, kiper nou bëëdu yi ŋöömma kööŋ Wuuö Jwøki kipere ni cïbe cïbö jï kwäyu, ni beege Eeberam ki Aydhak ki Jeekap.»

Tiet Ciik 4:6

Beerra man gwøgu geni ni kïthu geni bäät tïïc, kiper gïnögø tïmö na gïn mo nyootha leec wïc maru ki ŋäc acaara jï jiy bëët. Ni kanyo ö jiyi noo wïnyge gïr ciik moi, geno kööi, ni ‹Ka adïëri møn, wï juni ni dwøŋ en beege jiy mo wïthge leer ni wïthge da acaara.›

Tiet Ciik 5:29

'Ba doo na ge puta bëëtö ki cwïny ma enøgønø na bëëde, ni ge lwäär ki aani ni ciik 'moa gwøkge gwøø cooth, doo beer; køøre geni ko obwöre moge ge doo jïtö ki bëëtö mo beer na bäre bäre.

Tiet Ciik 6:2

kiper nee uuni ki wäätu ki nyïïkwaayu nee Wuuö Jwøk na näk Jwøu nee lwääru, ni ö ciiki moe moa köömma uuni ki geni ni gwøgu geni ki yïth nïr kwøw mou bëët, kiper nee nïr kwøw mou tïmge ni thööth.

Tiet Ciik 8:6

«Kiper manøgønø, gwøgu ciik Wuuö Jwøk na näk Jwøu, ni cäädhu køøre, ni lwäärru eni.

2 Thecalönika 3:12

Teeŋ jøøgø nø, wa köömma geni ni wa jooga geni ki nyeŋ Kwäärö ma Jecu Krictø, ki man tïïcge tïïe moge ni cwïnyge ege cïp piny, nee cam marge jootge keerge.

1 Camiel 8:9

Ennø møn, cek ïthï ki marge; 'ba ge diï köömmö døc ni caanï jöör tïïc mar nyeya jïge, ni beeye nyeya manøgø ni manyge nee bëëtge tiere enø.»