Jeremaya 11:6 - Wëël Jwøk

⁶ 'Ba Wuuö Jwøk aköö jïra, ni «Caan luup moi ii bëët Jerucalem ki yïth päänye mo Juuda møga bëët, ni kööï ni Wuuö Jwøk aköö, ni ‹Wïnynyu luummi en na tuuda ki kwäyu, ni kïthu gø bäät tïïc.

Jeremaya 11:6 Iomraidhean Croise

Aydheea 58:1

Wuuö Jwøk aköö, ni «Kwöŋŋu døc ni ba wëëgu döötu jook; tïŋu döötu maal kaamar dwør tuuŋ, nou cara bääyö mar jiya ki raay moge, ge na nyïïkwaac Jeekap.

Jeremaya 19:2

Ni ciï ya agäm-kïdi mana cwøl ni Ben Inöm, na en buut dhi kiir man wø leeŋ abänni yie, ni caanï luummi ni caana jïrï en kaace,

Jeremaya 2:2

ni «Ciï ni køpï luummi ni wïnyö jï jø Jerucalem, ni kööï ni luumma caan Wuuö Jwøki beeye en, ena köö, «ni ‹Ï na Icriel ï poot lääŋŋa lääŋŋö ki mana cïpï cwïnyï jïra niï poot thiinh, ki mëër mana mëërï ki aani kaamar dhaagø thiinh, ki mana caathï køøra dï paap bäre, yi ŋöömma näk kär puurö.

Jeremaya 3:12

Ciï ni caanï dwøl man en ni nyïmï ii løø jï løø wï-piny, ni kööï ni Wuuö Jwøk aköö, «ni ‹Ï na Icriel na caal dhaagø mo cwïnye ogaa wøk en, duu baŋa. Ï ba raŋa ka agäät, kiper a na Wuuö Jwøk, a mëër ki ïïni, ni gootø mara ba ruu cwïnya na bäre bäre.

Jeremaya 7:2

na kööm aani kiper naa cuŋŋa dhi kal mar øtø mare, e na Wuuö Jwøk, ni køba luummi en kaace, ni kööa, ni «Wïnynyu luum Wuuö Jwøk, u na jø Juuda bëët mo wø dønyi ki dhøk kal moi nee Wuuö Jwøk wøørru.

Dhekaraya 7:7

?Aŋø, moøgø paa luup moa car Wuuö Jwøki ki dhøk nyïïkuk Jwøk mo acääŋŋe, kanya poode ni Jerucalem ki päänye moa en deŋŋe bëëdö ni päŋ ki jiy, ni bëëtö mar jiy jööt jaak, ni mïëri moa en jï løø tier-piny ki mïëri moa en deŋ kïte jï løø kur pänh-cäŋ ge bëëdö ni päŋ ki jiy?› »

Jøøn 13:17

Ni näk mo gïïögø ŋäyu, uuno gwïëth kany wø tïïyu geni.

Wëëlö Mana Göör Pøølli Baŋ Jø Röm 2:13

Kiper patha jø wø wïny ciik Jwøk ni wø marge beer nyïm Jwøk, 'ba beege jø wø tïïc moa en yi ciik Jwøk noo jïëc ni marge beer.

Tiet Ciik 4:1

Køøre Modhe aköö, ni «Ennø, u na jø Icriel, beerra man leŋŋu ciik ki luup ŋøl mo Wuuö Jwøk mo pwönynya uuni ki ge, kiper nee kïthu bäät tïïc, kiper nou bëëdu nou kwøw nou cou yi ŋöömmo cïp Wuuö Jwøki na näk Jwø kwäyu jïïu, nee lwørru na maru.

Tiet Ciik 4:5

«Ennø, uuna pwönynya ki ciik ki luup ŋøl kaawat mana ö Wuuö Jwøki na näk Jwøa na kööm aani, kiper nee geni kïthu bäät tïïc yi ŋöömö mano cou yie noo lwørru na maru.

Jeemeth 1:22

'Ba bëëdu ni uuna jø wø tïïc luum Jwøk, ni ba tïmu nou wïnynya luubö keere nou cøøga dëëtu.