Jeremaya 11:21 - Wëël Jwøk

²¹ Kiper manøgønø, Wuuö Jwøk mare aŋøle kiper jø Anathöth, jøøa many man 'näkge aani, na köö, ni «Kär luum Wuuö Jwøk køpï, niï ba 'näkwa.»

Jeremaya 11:21 Iomraidhean Croise

Aydheea 30:10

jø wø köö jï jø wø nyuunh Wuuö Jwøki ki luup mo wø nyooth ki yi wïc, ni ‹Kär dee gïï mo neennu;› ni wø köö jï nyïïkuk Jwøk, ni ‹Kär luup ma adïëri mo wø nyooth jïïu caannu jïwa; 'ba caru luup mo cwïnywa mïnnö ki ge, këël doo na cwøk jaak.

Jeremaya 1:1

Moi beege luup Jeremaya o Kilkiya, na en røk dïlämme moa bëëdö Anathöth yi ŋööm Benjamen.

Jeremaya 1:19

Geni, ge këëdö ki ïïni, 'ba ï ba böötge, kiper a ena buutï, naa peemma ïïni.» Luummögø caana Wuuö Jwøki.

Jeremaya 20:10

Aani, jiy mo thööth awïnynya ni ge mööŋö ki nyeŋŋa, ni «Kee ena köö, ni ‹Lwär mo dwøŋ, piny opääŋe bäre.› Jäällu eni! Beerra man jäälø eni kiree!» Këël nyïïawääta bëët moa näk yaa ŋäädhö kiree, ge manynya ränynyö mara, ni köge, ni «Kanymør wïïe di maaŋŋø, nee ø jïtö ki jöö man böötø eni ki gø, ni marø cool kwör dëëre.»

Jeremaya 26:8

'Ba kanya løny Jeremaya ki caan luupögø jï jiy bëët, ni beege luup bëët moa ö Wuuö Jwøki na kööm eni ki gø nee caane, ena mak dïlämme ki nyïïkuk Jwøk ki jiy bëët, ni köge, ni «Ï thøw kiree!

Jeremaya 32:7

ni «Ennø, Anamel o Calum cöök wäru ööa baŋï ni kööe jïrï, ni ‹Ŋeew pwödhö mara mana en ya Anathöth, kiper øøna tuuŋ ni løny jïrï ki man tïme ni ŋeewa ïïni.› »

Jeremaya 34:20

Aani, ge 'cïba ceŋ nyïïmän moge, jø wø many jwïëcge. Ni tïm rïŋ dëëtge na cam jï wec maal ki lääc paap.

Amøc 2:12

'Ba uuni jø Nadhir amaathu ki kwøk nyïïomøki, ni köömmu nyïïkuk Jwøk nee dwør Jwøk ba køpge.

Mikiya 7:6

Kiper wäädö wänni oraaŋe ni ee jarø, ni ö nyeyi ni ö maal bäät menni, ni ö cï nyeyi ni thïïŋ ree dëër waŋi mii cwøre; ni tïm dhaanhe ni nyïïmän moe beege jø wø en paare kiree.

Mathiew 10:21

'Ba cöögö coki okïth yi thøø, ni ö wuue ni kïth nyaare yi thøø. 'Ba obwöre rege othïïŋge ri jøøa nywøl ge, ni kïthge ge yi thøø.

Mathiew 21:35

'Ba jø puur moøgø laaŋe moe amakge, ni pwötge aciel ni 'näkge maya, ni këërge maya ki kïte.

Mathiew 22:6

Ni ö jiyi moa dööŋ ni makge laaŋe mo nyeya, ni caange geni ki caannø mo raac døc, ni 'näkge geni.

Luk 4:24

Ni kööe, na «Adïëri møn, a caana gø jïïu, ni bäŋ nyikuŋ Jwøk mo ojïëö dï poge.