Jeremaya 11:20 - Wëël Jwøk

²⁰ 'Ba ï na Wuuö Jwøk, ï na wïth jammi bëët, ni wø ŋøl luup na adïëri, ï ni wø raŋ cwïny jiy ka acaacge bëët, wëëk a neen cool kwör marï mano tïïyï dëëtge, kiper luubö mara yaa cïp cerï.

Jeremaya 11:20 Iomraidhean Croise

Wïlöölö 18:25

Ba doo løny ki man tïïyï teeŋ gïnögø na bäre bäre, ki man 'nägï jøøa näk bëëtge beyø nyïmï ki jøøa näk tïïya raay na aciel bëët; caana gø ni jiy moa näk bëëtge beyø nyïmï ki jiy moa näk temma raay iï päärö na aciel bëët. Teeŋ gïnögø ba diï tïïö na bäre bäre. ?Aŋø, ŋat wø ŋøl luup mo bäät piny bëët, bäŋ wø ŋøl luup ma karge cooth?»

2 Nyeye 19:14

Kanyøgønø, Edhekaya wëëlö alwøre ceŋ jiy moa jääŋŋi ni kwaan gø. Ni ö eni ni ci yi Øt Wuuö Jwøk ni peer gø nyïm Wuuö Jwøk.

1 Luup Nyeye 28:9

«'Ba kiperï, ï na wääda ma Cølöman en, bëëdï ni Jwøk ŋäyï, ni beeye Jwøa näk Jwø wäru, ni tïnynyï gø ki cwïnyï bäre ka acaayï bäre; kiper Wuuö Jwøk cwïny jiy nëënö jïre bëët, ni jammi bëët mo wø caar jiyi ŋääe. Ni näk mo iï manynyø, ree nyoodhe nyoodhø jïrï; 'ba ni näk mo iï wiiø, ï kwiere kwierø na bäre bäre.

1 Luup Nyeye 29:17

Wui ï na Jwøk mara, ï ŋääa ni cwïny jiy nëënö jïrï, ni mëëyï wø nyoothï nyoodhø jï jøøa cwïnyge thïïŋ. 'Ba aani ki køør leec cwïny mara, gïïögø bëët acïba ki met ec mara. 'Ba ennø, jiyï moi ni kany ii ajooda ni ge cïpö jïrï ki muuce ki met ec.

Jööp 5:8

«'Ba ki baŋa, beeye man manynya Jwøk; aani luubö mara cïba nyïm Jwøk,

Dut Pwøc 43:1

Dut Pwøc 57:1

Jeremaya 12:1

Wui, Wuuö Jwøk, ï bëëdö ni marï adïëri kany wø lööa nyïmï; 'ba ï poot pëënynya pëënynyö kiper ŋøl marï. ?Aŋø, aperŋø ni ö gïï wø tïïc jø raayi ni thurge karge jïge en? ?Na aperŋø ni ö jiyi bëët mo wø tïïö ki gïï mo reyø ki piny ni bëëtge ni bëëtö marge jööt jaak?

Jeremaya 12:3

'Ba ï na Wuuö Jwøk, a ŋäyï; na a wø nëënö jïrï cooth, ni raŋï cwïnya man näk a bëëda nidïï ki baŋï. Wui Wuuö Jwøk, peec jøøgø niï kïtha ge baŋ ŋaal kaamar dïëk; kïth geni kur keerge kiper dïcäŋo ŋaal ge yie.

Jeremaya 15:15

Wui Wuuö Jwøk, ï ni wø ŋäc jammi bëët, lääŋ aani ni luuï wïïï baŋa; cool kwöra dëët jø wø caan aani. Ki køør cïp cwïny marï piny, kär a weyï naa käl; beerra man ŋäyï gø na ajaany wø jwøra jwørø ki køørï.

Jeremaya 17:10

«Beeye aani na Wuuö Jwøk ni wø neen cwïny dhaanhø, ni wø raŋ acaac dhaanhø thuwø, ni ŋati man nø cunna cunnö ki køør uutjïëth bëëtö moe, ki køør tïïe moe ni wø tïïe.»

Jeremaya 17:18

Beerra man lää wïth jø wø 'caan aani, 'ba beerra man ba lää wïïa; beerra man tïm dëëtge ni kwanynyi ki lwär, 'ba beerra man ba tïm dëëra ni kwanynyi. Beerra man kälï cäŋ gïï mo leth bäätge, ni raanynyï geni ka aranya mo raac døc.

Jeremaya 20:12

Wui Wuuö Jwøk, ï na wïth jammi bëët, ï ni wø raŋ jøøa marge beer, ni wø neet cwïny ka acaare, wëëk a neen cool kwör marï mano tïïyï dëëtge, kiper luubö mara yaa cïp cerï.

Wëël Kïmmö 3:58

Wui Wuuö Jwøk, aana cwagï, ni piemï jwïëya.

Wëël Kïmmö 3:59

Wui Wuuö Jwøk, gïïa leth na tïïc dëëra ajootï; beerra man ŋølï luumma.

Wëël Kïmmö 3:64

Wui Wuuö Jwøk, cool kwör dëëtge ki køør gïïa tïïcge.

Edhikiel 11:5

Køøre Jwïëc Wuuö Jwøk aö bääta ni kööe jïra, ni «Caanï jïge ni man beeye luumma caan Wuuö Jwøki jïïu, ena köö, ni ‹U na jø dhi øt Icriel, moøgø beege gïï wø caru, 'ba aani, acaara maru ŋääa.

Moa Tïïc Nyïïatwieli 17:31

Kiper da cäŋ mo ee nø jier, cäŋo ŋøl luup mo piny yie ka adïëri ki køør ŋata näk ee jierø. Ni manøgø ee nø nyuth jiy bëët nee ŋäcge na adïëri, ki køør mana tïŋ ŋatøce maal ki yi thøø.»

Pilipay 4:6

Kär dee gïn lääŋŋu ki cwïnynyu, 'ba ki yïth jammi bëët, gïn wäro manynyu wäru pëënynyu ki Jwøk nou lämö, nou kwaya eni, nou dwøga met ec baŋe.

2 Timöthi 4:14

'Ba Alekdhander na näk rëëmmö atïïö dëëra ki gïn mo leth døc. 'Ba moøgø ocool Wuue dëëre.

1 Piter 2:23

'Ba kanya janynyi bäŋ ajaany mo ee dwøgø. 'Ba kanya jwør gïï mo leth, eni kär ŋuuö. 'Ba mare awëëk ŋat wø ŋøl luup na karge.

Mana Nyooth 18:20

'Ba ï na maal, yiï mïnne nø ki gïre, ki u na jø Jwøk, ki nyïïatwieli, ki nyïïkuk Jwøk, kiper kwöri mou acool Jwøki dëër paanøgø.

Mana Nyooth 2:23

'Ba nyïïe onääa ni thøwge ki thøø mo leth. Ni ö acook Jwøki bëët ni ŋäcge gø ni beeye aani ni wø neen gïï wø en yi cwïny ki wïc. 'Ba ŋati man nø dïïu omooa ki mano rømi ki tïïe moe.

1 Camiel 16:7

'Ba Wuuö Jwøk aköö jï Camiel, ni «Kärï raŋ dëër dhaanhø jaak wala bäye, kiper eni yaa kwierø. A na Wuuö Jwøk, raŋ mara ba caal raŋ mar dhaanhø; kiper dhaanhø, raŋŋa dëër dhaanhø wøk jaak, 'ba a na Wuuö Jwøk, a raŋŋa cwïny dhaanhø.»

1 Camiel 24:15

'Ba Wuuö Jwøk na näk dïŋut luup, beerra man ŋøl luummögø yïthakiyø ki ïïni; ni ö eni ni neen tier luubö, ni ŋun aani, ni piem aani cerï.»