Jeremaya 11:17 - Wëël Jwøk

¹⁷ 'Ba Wuuö Jwøk, eni na wïth jammi bëët, na këël tietu piny, aköö ni gïn mo leth käle ka bäätu, u na jø Icriel ki jø Juuda, kiper raay moa tïïyu ni u raanynya cwïnye ki køør mana waaŋŋu gïn wø jïye ŋwääi ni met jï Baal.

Jeremaya 11:17 Iomraidhean Croise

2 Camiel 7:10

Aani thuwø da kany mo jiera jierø kiper jiya ma jø Icriel nee tietge këëtge piny yie, ni beeye kany bëëtge yie na poge, ni tïme ni bäŋ jiy mo kiera wïthge këët, ni bäŋe jiy mo wïthge reyø mo caara ge këët kaawat mana dïkwøŋ,

2 Luup Nyeye 28:25

Ni tïïe yïth päänye bëët mo Juuda ki kwör lam mo ena maal bäät thuuri, nee wääŋe ki gïï wø jïcge ŋwääi ni met jï juu møøk, ni tïïya Wuuö Jwøk, Jwø kwäye, nee goote.

Aydheea 5:2

Eni pwödhö manøgø apuure ni kwäny kïte wøk, ni tøøk jer omøki moa beyø yie. Ni gëëde ka abïl koor dïëre, ni kunye ki buur man bii pï nyïïjenni yie. Køøre ena bëëdö ni koora nyïëdi mo beyø moo nywøl jer omøki mo pwöthögø, 'Ba atïmö ni nywøla nyïëdi mo reyø.

Aydheea 61:3

nee jøøa näk cwïnyge opädhö na en yi Dhayan, nee ge ŋada ka aduda mar ajiem na kar mana bëëtge yi bur, ki met ec na kar kïmmö, ki pwøc na kar pänh cwïny. 'Ba ki køør bëënynyö marge geno cwøl ni jenni mo teek moa tøøk Wuuö Jwøki, nee nyeŋŋe jiem ki rege.

Jeremaya 1:14

Køøre Wuuö Jwøk aköö jïra, ni «Gïn mo raac oööi ki wï-piny, ni pïïe bäät jiy bëët mo bëëdö paani en.

Jeremaya 11:11

Kiper manøgønø, mana ŋøla, a na Wuuö Jwøk, beeye ni ennø, a känna bäätge ki gïï mo leth mo ge ba maar bødhø yïthge. Ni këël ge doo jwöŋö dëëra, marge ba wïnynya.

Jeremaya 11:13

Kiper u na jø Juuda, juu mou atïmö ni thööth ni röömi ki kwään päänye mou, ni gïï wø waaŋŋu gïn wø jïye ŋwääi ni met bäätge jï Baal, jwøk mo duua lään wïc, thööth ni röömi ki kwään uutjïëthe mo Jerucalem.

Jeremaya 12:2

Beeye ïïni na piith geni kaamar jaath, ni këëlge tietge piny; ni døøŋge ni jïtge ki nyïëdi. Gïrï wø carge carø ki dhøkge jaak, 'ba ki cwïnyge, karge bäär ki ïïni.

Jeremaya 18:15

'Ba jiya aana wecge, ni tïmge ni ge wääŋö ki gïn wø jïye ŋwääi ni met jï juu mo oballe; ni ö juugögø ni wëëk tietge cwanynyø yïth uutjïëtha cääŋŋe na cørge yïthge, ni wëëkge ge wääth yïth uutjïëthe moa näk kär ŋeth.

Jeremaya 18:8

'Ba ni näk mo jøøa cääna dëëtge ki luubö, cwïnyge løkge løø ni wecge gïïa reyø, aani, cwïnya dwøga piny ki gïna leth na caara ni daa tïïö dëëtge.

Jeremaya 19:15

ni «Luumma caan Wuuö Jwøki, Jwø Icriel, eni na wïth jammi bëët, beeye en, ena köö, ni ‹Ka adïëri møn, aani, gïïa leth bëët na nø caana käla bäät pääny man ki bäät mïëri bëët moa en deŋŋe, kiper wïthge adøøcge mo teek ni kweerge ki man cekge ïthge ki luup 'moa.› »

Jeremaya 2:21

'Ba aani, ïïna pïïdha kaamar omøk mo ojierø, mo käla røk köödhi ma liil. ?Aperŋø nø na wiilï bëëtö marï mana bëëdï ki aani ki gø, ni tïmï niï raac kaamar omøk mar paap en?

Jeremaya 24:6

Ni neeta geni ki waŋ mo beer, ni duua geni yi ŋöömmi en, ni tïïa geni ni teek, ni ba nyaaa geni piny këët. 'Ba tietge okëëlla piny, ni ba cööda geni wøk këët.

Jeremaya 26:13

'Ba ennø, tiirru jöör bëëtö maru ki tïïe mou, ni wïnynyu dwør Wuuö Jwøk, Jwøk maru; køøre Wuuö Jwøk cwïnye odwøk piny, ni ba tïïc gïna leth na caane ni dee tïïö dëëtu.

Jeremaya 26:19

?Aŋø, Edhekaya nyeny Juuda ki jø Juuda bëët Mikiya anäkge na bëëde? ?Aŋø, Edhekaya kär lwäyö ki Wuuö Jwøk, ni bëëde ni kwaaya Wuuö Jwøk, ni ö Wuuö Jwøki ni dwøk cwïnye piny ki man ba tïïc gïna leth na caane ni dee tïïö dëëtge? 'Ba ennø, ø käla gïn mo raac døc bäätø.»

Jeremaya 32:29

Ni ö jø Babilønni moø ni këëdi ki päänyi en, ni dønyge yie, ni nyepge gø ki maac ni waaŋge gø. Ni waaŋge uudi bëët mo wø wääŋ jiyi bäätge ki gïn wø jïye ŋwääi ni met jï jwøa cwøl ni Baal, ni wø kunyge piny bäätge ki muuy mar køøŋø jï juu møøk, ni raanyge cwïnya.

Jeremaya 32:30

«Ka adïëri møn, jø Icriel ki jø Juuda bëëdö ni ge tïïya gïï mo nëëni ni reyø keerge ki jïra, ni tägi ki kanya täkge bëëtö cøøn; kiper geni, ge bëëdö ni ge raanynya cwïnya keere ki køør gïï wø tïïcge.

Jeremaya 35:17

«Kiper manøgønø, luumma caan Wuuö Jwøki, Jwø Icriel, eni na wïth jammi bëët, beeye en: ‹Ka adïëri møn, a känna bäät jø wø bëëdö Jerucalem bëët ki dï Juuda bäre ki gïn mo leth, ni beeye gïna näk yaa nø caan ni 'käla bäätge, kiper aana cäänö ki geni, ni kärge mara wïnynyö, ni cwøla geni, ni kärge mara løø.› »

Jeremaya 36:7

Kanymør ni Wuuö Jwøk kwacge kwaaø, ni ö ŋati man nø dïge ni luu ree ni wec jöör bëëtö mare na raac; kiper wëër mar Wuuö Jwøk, ka ajäla mana caane dëët jøøi ii dwøŋ døc.»

Jeremaya 40:2

Kanyøgø eni na kwääc jø koor Jeremaya akäle ni kööe jïgø, ni «Wuuö Jwøk, Jwøk marï, gïn ni leth en acaane ni 'käle bäät paac man.

Jeremaya 40:3

'Ba ennø, Wuuö Jwøk gïnögø akäl bäät paani en, ni tïïc gø kaawat mana caane. Gïn atägö dëëtu kiper mana tïïu ki raay dëër Wuuö Jwøk, ni käru dwøre wïnynyö.

Jeremaya 42:10

Ka adïëri møn, ni näk mou bëëdö yi ŋöömö man, u tïïa tïïö nou teek, ni ba nyaa uuni. 'Ba tietu këëla piny, ni ba cööda uuni wøk; kiper cwïnya apädhö ki gïna leth na tïïa dëëtu.

Jeremaya 44:5

'Ba geni, mara kärge wïnynyö, ni yïthge kärge ciiø ki mara, ki man luuge rege ni wecge gïïa reyø na tïïcge, ni beeye ki man ba cïpge ko olämme jï juu møøk.

Jeremaya 44:8

?Aperŋø na raanynyu cwïnya ki køør gïïa tïïyu ki ceŋŋu en, ni cïpu ko olämme mo wø waaŋ jï juu moa path Ijep, paana ööu yie kiper bëëtö? Manøgø, u thööra rou, nou tïmu ni uuna gïr acïëni, na gïr ajøøŋ dï wïth juurre bëët mo bäät piny.

Jeremaya 45:4

«'Ba man beeye luumma caan Wuuö Jwøki jïra, ni ‹Ï na Jeremaya en, caanï jï Baruk ni Wuuö Jwøk aköö, ni «Ennø, gïna näk yaa tïïö ni teek raanynya raanynyø, ni gïna näk tiere yaa këël piny 'cööda wøk; ni gïnögø tägö yi ŋöömö bäre.

Jeremaya 7:18

Obwöre wø möödö ki jenni, ni ö wëëe ni äpge mäc, ni ö määnni ni cuutge ki muunni nee tïïge ki dääpe jï jwøa cwøl ni Gwanynyø Mar Maal, ni kunyge piny ki køøŋø jï juu møøk, ni ge raanynya cwïnya.

Jeremaya 7:9

Uuni, u wø kwädö, ni nääu ki jiy, ni kännu ki lugi, ni kööŋŋu ki tööt, ni waaŋŋu gïn wø jïye ŋwääi ni met jï jwøa cwøl ni Baal, ni cäädhu køør juu møøk mo käru kwøŋ ŋäc dïkwøŋ.

Edhikiel 17:5

« ‹Eni thuwø, ena kän wøk ki kunhnhö ki yi ŋöömmögø ni piith gø yi ŋöömö mo beer, ni piith gø kaamar ageeta kany mo pïï thööth yie.

Odheea 10:1

Jø Icriel atïmö kaamar jaath omøk mo oløth, ni jïte ki nyïëdi mo thööth. 'Ba kany wø tïm jammi moge ni thööth beeye kany wø tïïge ki gïï wø cïp olämme bäätge mo thööth; ni kany wø bëëny ŋöömö marge beeye kany wø cööthge piny ki kïte mo thööth mo wø lam.