Jeremaya 11:14 - Wëël Jwøk

¹⁴ «Kiper manøgønø, ï na Jeremaya en, kärï lämö kiper jøøi ii, ni ba tïŋï dwørï maal niï jwöŋö niï lämö kiperge, kiper ïtha ba ciia kanyo cøørge aani kiper gïïo leth noo pïï dëëtge.

Jeremaya 11:14 Iomraidhean Croise

Bwøth Wøk 32:10

'Ba ennø, wec aani, nee wëër mara jääŋŋa bäätge, nee ge raanynya; 'ba ïïni, ïïno tïïa na wï jur mo päl.»

Jeremaya 11:11

Kiper manøgønø, mana ŋøla, a na Wuuö Jwøk, beeye ni ennø, a känna bäätge ki gïï mo leth mo ge ba maar bødhø yïthge. Ni këël ge doo jwöŋö dëëra, marge ba wïnynya.

Jeremaya 14:11

Ni kö Wuuö Jwøki jïra, ni «Kär niï lämö kiper jööt dëël mar jøøi ii.

Jeremaya 14:12

Këël ge doo wödö ki cam, oduuc kwac marge ba daa wïnynyö, ni këël ge doo cïpö ko olämme mo wø waaŋ bäre, ki muuce mo beel, ge ba daa jïëö; 'ba beeye ki man dïïra wïthge ri leny, ki käc, ki täwe mo leth.»

Jeremaya 15:1

'Ba Wuuö Jwøk aköö jïra, a na Jeremaya, ni «Këël Modhe ki Camiel doo cuŋŋö nyïma ni kwaacge aani kiper jøøi ii, cwïnya ba daa løøa baŋge. Riem geni wøk nyïma, nee aacge.

Jeremaya 7:16

'Ba Wuuö Jwøk aköö jïra, ni «Ï na Jeremaya en, kärï lämö kiper jøøi ii, ni ba tïŋï dwørï maal niï jwöŋö niï lämö kiperge; kär a kwaayï kiperge, kiper lam marï ba wïnynya.

Odheea 5:6

'Ba këël ge doo aay ni ge käädö ki dïëk ki dhäk, ni ge manynya Wuuö Jwøk, eni ba jootge, kiper ree ee nø paany dïge.

Dhekaraya 7:13

«Køøre Wuuö Jwøk, eni na wïth jammi bëët, aköö, ni ‹Kar kaagø, aput tïmö ni kany wø cwøla geni dwøra ba wïnyge; ni kany wø cwølge aani döötge ba wïnynya thuwø.

Milkiya 2:13

Gïn mør maa cäŋu tïïyö thuwø beeye en; u jwöŋö lak gïn wø cïp olämme bääte, ni tïm pï nyeŋŋu ni øya piny bääte, nou kïmmö kiper mana ö Wuuö Jwøki na ba neen jï muuce mou, ni ba jïëc geni baŋu, ni yie ba met ki geni.

1 Jøøn 5:16

'Ba ni näk da ŋat mo neena coki no obääyö ni patha bääyö man wø cööp ri thøø, Jwøk opëënynye, ni ö Jwøki ni wëëk eni kwøw, ni beeye teeŋ jøø ni bääyö marge patha bääyö man wø cööp ri thøø enø. Kiper da raay mo wø cööpa ri thøø. Naa ba caan gø ni dhaanhø doo lämö kiper manøgø.