Jeremaya 11:11 - Wëël Jwøk

¹¹ Kiper manøgønø, mana ŋøla, a na Wuuö Jwøk, beeye ni ennø, a känna bäätge ki gïï mo leth mo ge ba maar bødhø yïthge. Ni këël ge doo jwöŋö dëëra, marge ba wïnynya.

Jeremaya 11:11 Iomraidhean Croise

2 Nyeye 22:16

ni Wuuö Jwøk aköö, ni ‹Ka adïëri møn, gïn mo raac kïtha bäät Jerucalem ki bäät jiy mo wø bëëdö yie, ki køør luup bëët moa no ogöörö yi wëëlö mana kwaane, eni na nyeny Juuda.

2 Luup Nyeye 34:24

ni Wuuö Jwøk aköö, ni ‹Ka adïëri møn, gïn mo raac kïtha bäät Jerucalem ki bäät jiy mo wø bëëdö yie; këël acëënne bëët moa näk ogöörö yi wëël ciik mana kwaan nyïm nyeny Juuda kïtha bäätge.

Jööp 35:13

'Ba ka adïëri møn, Jwøk ïthe ba ciie ko oduuru mo bäŋ tiere; ni eni na en teeki jïre bäŋ gïn caare kiper teeŋ gïnögø.

Pwöc Leec Wïc 1:28

'Ba kar kaace jøøgø aano cøørge, 'ba bäŋ gïn mo løøa jïge, ni manyge aani døc, 'ba a ba jootge,

Pwöc Leec Wïc 29:1

Ŋat wø jøgi cooth, ni luup poot di dhalø, ränynyö ocwöp dëëre, ni bäŋ gïn køny gø.

Aydheea 1:15

Kiper manøgønø, kany wø thaaŋu ceŋŋu maal nou lämö, waŋa kana kanø ki uuni. U këël doo lämö ki lam mo dwøŋ døc, aani, ïtha ba ciia; Kiper uuna jiy mo uuno kuny piny ki rem jiy.

Aydheea 24:17

Wui, u jø bäät piny, gïï mo di lwäärö, ki buur mo bäär, ka abïëp ena nyïmmu.

Jeremaya 11:14

«Kiper manøgønø, ï na Jeremaya en, kärï lämö kiper jøøi ii, ni ba tïŋï dwørï maal niï jwöŋö niï lämö kiperge, kiper ïtha ba ciia kanyo cøørge aani kiper gïïo leth noo pïï dëëtge.

Jeremaya 11:17

'Ba Wuuö Jwøk, eni na wïth jammi bëët, na këël tietu piny, aköö ni gïn mo leth käle ka bäätu, u na jø Icriel ki jø Juuda, kiper raay moa tïïyu ni u raanynya cwïnye ki køør mana waaŋŋu gïn wø jïye ŋwääi ni met jï Baal.

Jeremaya 14:12

Këël ge doo wödö ki cam, oduuc kwac marge ba daa wïnynyö, ni këël ge doo cïpö ko olämme mo wø waaŋ bäre, ki muuce mo beel, ge ba daa jïëö; 'ba beeye ki man dïïra wïthge ri leny, ki käc, ki täwe mo leth.»

Jeremaya 14:2

ni «Ŋööm Juuda bëëdö ni jwöŋö, ni ö päänye moe ni öölge, ni bëët jiyi ni jwöŋö kiper ŋöömö, ni ö oduuc Jerucalemmi ni tïme ni päl.

Jeremaya 15:2

'Ba kanyo pëënyge ïïni, ni ‹?Wa ciwa kaa ŋø?› wär caanï jïge ni mana ŋøl Wuuö Jwøki beeye en, ena köö, «ni ‹Jøøa näk marge thøø, othøw; ni jøøa näk marge ŋaal, oŋaal; ni jøøa näk marge käc, onäk käci; ni jøøa näk marge mäk ki tøŋ, omak ki tøŋ.›

Jeremaya 18:11

«'Ba ennø, ï na Jeremaya en, caan gïn jï jø wø bëëdö Jerucalem, ki jï jø wø bëëdö dï Juuda bäre, ni kööï, ni ‹Mana caan Wuuö Jwøki beeye en: Ka adïëri møn, aani, a kännö bäätu ki gïn mo leth døc, ni beeye acaay ajäla mo teek døc kiperu. 'Ba ennø, ŋati man nø dïïu luu ree ni wec jöör bëëtö mare na raac, ni tïïyu uutjïëth bëëtö mou ki tïïe mou ni beyø.›

Jeremaya 19:15

ni «Luumma caan Wuuö Jwøki, Jwø Icriel, eni na wïth jammi bëët, beeye en, ena köö, ni ‹Ka adïëri møn, aani, gïïa leth bëët na nø caana käla bäät pääny man ki bäät mïëri bëët moa en deŋŋe, kiper wïthge adøøcge mo teek ni kweerge ki man cekge ïthge ki luup 'moa.› »

Jeremaya 19:3

ni caanï gø nee wïny nyec Juuda, ki jø wø bëëdö Jerucalem, ni kööï, ni ‹Wïnynyu luum Wuuö Jwøk. Mana caan Wuuö Jwøki, Jwø Icriel, eni na wïth jammi bëët, beeye en: Ka adïëri møn, aani, a känna bäät paani ki gïn mo leth, ni ŋat wø wïny gø, cwïnye puta bwøk.

Jeremaya 23:12

«Kiper manøgønø, jöörge otïmö ni da adipøødha yie mo ceeya tietge, ni cöör geni wøk yi muudhö, ni päthge yie; kiper a kännö bäätge ki gïn mo leth yi cwiino jääla geni yie.» Luummögø caana aani, a na Wuuö Jwøk.

Jeremaya 25:35

Dïkwääye bäŋ kany mo reŋge yie nee bøthge, ni bäŋ kany mo päär jøøa kwörge døøŋŋø wøk ki yie.

Jeremaya 35:17

«Kiper manøgønø, luumma caan Wuuö Jwøki, Jwø Icriel, eni na wïth jammi bëët, beeye en: ‹Ka adïëri møn, a känna bäät jø wø bëëdö Jerucalem bëët ki dï Juuda bäre ki gïn mo leth, ni beeye gïna näk yaa nø caan ni 'käla bäätge, kiper aana cäänö ki geni, ni kärge mara wïnynyö, ni cwøla geni, ni kärge mara løø.› »

Jeremaya 36:31

Aani, eni ki jø wø käl dëëre ki jø kööre moe jääla jäälö kiper raay moge, ni ö gïïa lethi bëët na caana kiperge ni kïtha geni bäätge, ki bäät jø wø bëëdö Jerucalem ki dï Juuda bäre, kiper mara kärge wïnynyö.»

Jeremaya 6:19

Wui, ï na piny, wïny gïn: Ka adïëri møn, a känna bäät jøøi ii ki gïn mo leth, ni beeye gïno duu acaare moge na reyø, kiper ïthge kärge ciiø ki luup 'moa, ni kweerge ki ciik 'moa thuwø.

Wëël Kïmmö 2:22

Ïïni jiy acwølï kipera kaawat man wø cwøl jiy cäŋ ajwöma, ni ö lwärri mo dwøŋ ni ciel aani dïër. Yi cäŋ wëër mar Wuuö Jwøk bäŋ ŋat mo obøth wala mo okwøw. Jiy moa gwøa na piidha, wïthge adïïr nyimänni mara.

Edhikiel 14:3

ni «Wär dhaanhø, jiy moi cwïnyge acïpge køør kït gïï wø lam ni cïpge nyïmge ki gïï mo reyø mo cwanynya tiel mo wëëga ge pädhö. ?Aŋø, pïëc moge mo wø pëënyge aani ki ge løny ki man dwøga gø jïge këët?

Edhikiel 7:5

«'Ba man beeye luumma caan Kwäärö Wuuö Jwøki, ena köö: Gïn mo leth aöö! Gïn mo leth mo poot kär wïnyö cøøn aöö!

Edhikiel 8:18

Kiper manøgønø, a wëër ki geni. Cwïnya ba pädhi ki gïrge këët, ni ba wara cwïnya ki geni. Ge këël doo jwöŋö deŋ ïtha ni döötge ena maal, aani ïtha ba ciia ko oduuru marge.»

Amøc 5:19

Otïmö keda dhaanhø mo ŋwieya ŋuu, ni røømme ki cwieny; køøre noo døny yi øde ni këël cere ri øtø, eni put thwölli ka cam.

Mikiya 3:4

'Ba da kany mo öö mou jwöŋö dëër Wuuö Jwøk, ni ö eni ni ba løk maru jïïu. 'Ba kar kaace, eni täärnyïme okane ki uuni kiper gïïa tïïyu na reyø.

Dhekaraya 7:13

«Køøre Wuuö Jwøk, eni na wïth jammi bëët, aköö, ni ‹Kar kaagø, aput tïmö ni kany wø cwøla geni dwøra ba wïnyge; ni kany wø cwølge aani döötge ba wïnynya thuwø.

1 Thecalönika 5:3

Kanyo kö jiyi ni «Kawaane nuta bëët-mëër ni bäŋ thøø këët,» kanyøgø beeye kanyo ö thøøe noo neelïm bäätge kaamar dhaagø mo yie da dhaanhø mo ogøøc mäc lwaarri, ni bäŋ ŋat mo bøth.

Ibaru 1:3

ŋata joot ajiem Jwøk dëëre, ni kït Jwøk kiree ena dëëre, ŋata bëën jammi bëët ki dwøre na teek. 'Ba eni, kanya nø wëën ajäl raay, ena pï piny bäät cwïï Kwääya dwøŋ ni en maalø.