Jeremaya 10:9 - Wëël Jwøk

⁹ Dëët juu moge wø kïthge kïthö ki gwel-bïrö mo othäädhö mo käli ki Tarcëc, ki warkey mo käli ki yo Upath, ni kïtha rëëm nywïënynyi ki rëëm warkie. Dëët juu moøgø orunynyö ka abïïe mo rege da kït mo mïërö, mo tïïya jøøa nyeŋge reegø ki cwääc abïïe.

Jeremaya 10:9 Iomraidhean Croise

1 Nyeye 10:22

'Ba nyeya jïre da baabuure mo gath, mo ena yi naam ki baabuure mo Kiram na aciel; ni kany wø tïme na køør cwiiri adäk nø, baabuure moøgø wø kännö ki warkey, ki gwel-bïrö, ki lak lïëy, ka apøønnanyare, ki bïme.

2 Luup Nyeye 9:21

'Ba nyeya jïre da baabuure mo naam mo gath mo wø cøøa Tarcëc ki jic Kiram; ni kany wø tïme na køør cwiiri adäk nø, baabuure moøgø wø kännö ki warkey ki gwel-bïrö, ki lak lïëy, ka apøønnanyare, ki bïme.

Aydheea 23:6

Wui, u ni bëëdö bäät naama dwøŋ en, gööu ko oduuru, ni bwøgu ni pööthu Tarcëc, paana bäär.

Aydheea 40:19

Kït gïn wø lam wø tïïc rëëmmö tïïö, ni ö ŋat wø lëënyö ki warkey ni lëëny dëër gø ki warkey, ni ö ŋat wø tïïö ki gwel-bïrö ni kïth dëër gø ki tiimme mo gwel-bïrö.

Edhikiel 27:12

« ‹Jø Tarcëc gena gänhnhö baŋï kiper jap kwärö moï na thööth. Gwet-bïrö moge, ki nywïëny moge moa teek, ki kørkørre moge, ki nywïëny moge moa näk eracaac agathge ki ïïni ki jap kwärö moï.

Edhikiel 27:7

Abïïk jamø moï cwääc ka waac lïïna moa tar mo Ijep mo okwøø ni mïërö, ni ge bëëdö kaamar bëëre bäätu, na abïïk gëëŋi moï, mo wø lïër kiper cäŋ, kïtge caala kït abïcøle ki dïmuur, ni beege abïïe moa käl yïth mïëc Elica moa en bäät naama dwøŋ.

Daniel 10:5

aani nyeŋŋa ataa maal ni räŋŋa, ni jooda dhaanhø mo oruyö ka abïï ma lïïna, mo piere ee töönynyö ki kaa warkey mana tøŋ mo käli ki yo Upath.

Odheea 8:6

Kiper japøgø tïïya jø Icrielli! Ni kït gïno no otïïö kaamar nyirøøa enø patha Jwøk; ena gïn mo tieŋa dhaanhe ma rëëmmö jaak. Ka adïëri møn, eni di tøyø ni put petø na thäŋi.

Joona 1:3

'Ba Joona aö maal nee reŋ Tarcëc ni kana ree ki Wuuö Jwøk. Køøre ena ci Jøpa ni joot baabuur mar naam mo cøøa Tarci, ni cude ki gwel ni ci yie kiper nee ci Tarci ki jøøa en yie, ni eni kana ree ki Wuuö Jwøk.

Abakuk 2:19

Otïmö ni raac jï ŋat wø köö jï jaath, ni ‹Päyï,› ni kööe jï kïdi ni wø bäŋ jwïëy dëëre, ni ‹Ö maal.› ?Aŋø, teeŋ gïnögø, løny jïre ki man cïpe ki pwöc? Neenï, eni dëëre olëënynyö ki warkey ki gwel-bïrö, 'ba eni bäŋ jwïëy dëëre.