Jeremaya 10:7 - Wëël Jwøk

⁷ ?Wui, ï na nyeny wïth juurre bëët, aŋa ni ba lwäyi ki ïïni? Ka adïëri møn, ïïno rømø ki man lwäär ïïni! Kiper ki røk jiy bëët moa wïthge leer dï wïth juurre, këël ki moa en dï mïëri moge bëët moa døøŋŋø, bäŋ dhaanhø aciel mo caal ïïni.

Jeremaya 10:7 Iomraidhean Croise

2 Nyeye 17:39

'Ba a na Wuuö Jwøk na näk Jwøu, beeye aani noo wøørru; ni beeye aani noo piem uuni ceŋ nyïïmän mou bëët.»

1 Luup Nyeye 16:25

Kiper Wuuö Jwøk dwøŋ no orømø ki pwøc døc; eni di lwäärö ni kaala juu bëët.

Acther 1:13

Køøre nyeya jiy moa wïthge leer mo wø ŋäc gïno tïïc kiper teeŋ luummögø acooŋe; kiper beeye kööŋŋö ki baŋ nyeya ki man cääne nyïm jiy mo wø ŋäc tiet ciik ki ŋøl luup.

Bwøth Wøk 8:10

Ni kö Peerø, ni «Kwac Wuuö Jwøk jïra diøø.» Ni kö Modhe, ni «Beerra man tïme kaawat mana caanï enøgø, kiper nee putï ŋäc møn ni bäŋ jwøk mo caala Wuuö Jwøk na näk Jwøwa.

Bwøth Wøk 9:14

Kiper yie man ennø, gïï mo leth mo käla baŋa jääŋŋa jääŋŋö bäätï, ki jø kööre moï, ki jiyï bëët, kiper nee ŋäyï ni bäŋ jwøk mo caala aani bäät piny bäre.

Aydheea 2:4

'Ba eni luup ŋøle ŋølø yïthakic wïth juurre, ni ö wïth juurre mo thööth ni dwøk ge kanya ciel. Ni ö geni ni thääthge opëëlle moge na jap puur, ni thääthge tøøŋi moge na jap goor wïth jenni ki ge, ni bäŋe wï jur mo kwany tøŋ ki wï jur mør, ni ge ba pwönynyi këët ki leny.

Jeremaya 10:6

Wui Wuuö Jwøk, bäŋ Jwøk mo caala ïïni; dwøŋŋa ïïni, ni teek marï dwøŋ døc, ni nyeŋŋï owïnyö.

Jeremaya 5:22

?Aŋø, u ba lwäär ki aani? ?Aŋø, dëëtu ba kwanynyi nyïma? Aani, akwöö atïïa na keew mar naama dwøŋ, ni tïm akwöö na gëëŋi na bäre bäre, ni ba løny ki man kaali ya naammi. Këël athaga doo kwödö døc, keew manøgø ba dee raanynyø, ni këël doo öö ni lwör, ba løny ki man pääre ki bäät gø.

Daniel 2:27

Ni løgi ya Danielli jï nyeya ni kööe, ni «Gïnögø ni tiere okanø enø, gïna pëënynyï, ï na nyeya, ba løny jï jøøa wïthge leer, ki jøøa nyeŋge reegø, ka ajuuk, ki jø adïëda ki man caange tier gø jïrï, ï na nyeya en.

Daniel 2:28

'Ba da Jwøk mo ena maal ni wø nyooth tiet gïï mo okanø. Eni gïno tägi yi nyïm anyoodhe jïrï, ï na nyeya ma Nabukedenecör en. Lääk marï ki gïïa nyooth jïrï ki yi wïïï kanya bëëdï niï ena kar niine beege ii:

Abakuk 3:2

Wui Wuuö Jwøk, lïëŋ mar nyeŋŋï awïnynya, ni thäŋ yia ki gïr tïïe moï. Wui Wuuö Jwøk, tïïe moa tïïyï, cäŋ tïïyö kar kany ennø, niï tïïya geni nee ŋäc yïth cwiiri moi. Nyooth met ec këël na bëëdï ni ïïno wëër.

Dhekaraya 2:11

'Ba noo tïme na dïcäŋeca, wïth juurre mo thööth geno ö baŋ Wuuö Jwøk, ni tïmge na jiy 'moa thuwø. Ni bëëda dïïu ni putu gø ŋäc ni bee Wuuö Jwøk, eni na wïth jammi bëët, na jääŋ aani baŋu.

Milkiya 1:11

'Ba nyeŋŋa otïmö ni dwøŋ dï juurre, ni tägi ka jï løø kur tuul-cäŋ këël jï løø kur pänh-cäŋ; ni ö gïn wø jïye ŋwääi ni met ki muuce mo beel moa näk liil ni cïbi jïra ki yi piny bäre, kiper nyeŋŋa otïmö ni dwøŋ dï juurre.» Gïnögø caana Wuuö Jwøki, eni na wïth jammi bëët.

Luk 12:5

'Ba a nyutha uuni ŋata dou lwäärö. Lwäärru eni, ŋat wø nää, ni jïre da teek ki man cäŋ dhaanhø leeŋ yi maac kar ajäla. Adïëri møn, a cäänna uuni, lwäärru eni.

1 Körin 8:6

ki jïïø, beeye Jwøk aciel keere, na näk Wuuö, eni na ö jammi bëët ki baŋe, ni beeye eni ni bëënnø en, ki kwäärö aciel ma Jecu Krictø, ŋata ö jammi bëët ki køøre, ni poot na eni ni tïmø ni ø nut en ki køøre.

Jøcua 4:24

Manøgø beeye kiper nee ŋäc jø bäät pinynyi bëët ni Wuuö Jwøk jïre da teek, ni ö uuni ni putu bëëtö nou lwäär ki Wuuö Jwøk na näk Jwøu na bäre bäre.»

Mana Nyooth 11:15

Ni ö bïriet nyïïatwiet maalli ni kooth tuuŋ mare. Ni jït maalli ki dööti mo døøŋŋø, mo cäänö, ni «Buc piny atïmö na buc Kwääyø ma Jwøk, eni ki Krictø na røønye. 'Ba eno bëënni këël na bäre bäre.»

Mana Nyooth 15:4

?Aŋa noo ba lwäyi ni ba jiem nyeŋŋï, ï na Wuuö? Kiper bee ï keerï niï ena kur keerï. Mïëri bëët öö ni wøørge ïïni, kiper ŋøl marï anyooth.»