Jeremaya 10:5 - Wëël Jwøk

⁵ Juu moge beege jenni mo otieŋø ni goori, ni ge ba løny ki luubö. Ge di käärö, kiper ge ba løny ki wääth. Käru lwäyö ki geni, kiper ba løny jïge ki man tïïcge gïn mo raac dëëtu, ni ba løny jïge ki man tïïcge gïn mo beer.»

Jeremaya 10:5 Iomraidhean Croise

1 Nyeye 18:26

Køøre, geni rwaath mana no ocïbö jïge alwørge ni jiiŋge gø; ni kwaacge Baal ki mana täge ka amöölla këël mana këët dhöör, ni ge köö, «Wui Baal, løk kwac marwa.» 'Ba bäŋ dwøl mo owïnyö ni bäŋ gïn mo oløø jïge. 'Ba ge bëëdö ni ge miel deŋ gïn wø cïp olämme bääte mana tïïcge.

2 Luup Nyeye 25:15

'Ba wëër mar Wuuö Jwøk aput liel kaamar maac bäät Amaciya, ni ö Wuuö Jwøki ni jääŋ nyikugö mare baŋ gø mo cäänna gø, na «?Aperŋø ni manynyï juu mo jiy en, juu mo jicge kärge piemø cerï?»

Aydheea 16:12

'Ba kanyo ci jø Möapi kwör lam moge moa en bäät thuuri, ki kanyo cige øt jwøge baŋ lam, geno tïmö ni ge ööla dëëtge jaak ni bäŋ køny mo jootge.

Aydheea 45:20

«Dwallu rou na aciel ni ööu! Nyänhnhu kany mo cään na aciel, u na wïth juurre moa no obøth. Jiy mo wø käär jenni na juu mo wø lam, ni wø lam juu moøgø ni ba kunyö yøø, bäŋ gïn mo ŋäcge.

Aydheea 46:1

Jwøa cwøl ni Bël cøŋŋe akëël piny, ni ö jwøa cwøl ni Nebø ni dwøk kööre piny. Kïtge moa no otieŋø akïth bäät dhäk ki lääc paac møøk, ni tïmge na tëër mo peek døc, ni duunne ki öölö mo dwøŋ bäätge.

Aydheea 46:7

Geni, gïnögø wø jiege göökge, ni käärge gø; ni cïpge gø kare ni put bëëtö ni cuŋŋö kare kanya en yie. Eni dëëre ba tuue kare kaace. Këël dhaanhø doo jwöga baŋe, bäŋ gïn løøe, ni ba løny ki man piem ŋatøgø cer gïna leth na näk ee jwørø.

Jeremaya 10:14

'Ba jiy bëët bëëdö ni wïthge bäŋ acaara, ni bäŋ gïn ŋäcge. Rëëm warkie, wïthge olää juuwi moa thiiwge, kiper juu moa thiiwge beege jap cwøk jaak, ni rege bäŋ jwïëy.

Abakuk 2:19

Otïmö ni raac jï ŋat wø köö jï jaath, ni ‹Päyï,› ni kööe jï kïdi ni wø bäŋ jwïëy dëëre, ni ‹Ö maal.› ?Aŋø, teeŋ gïnögø, løny jïre ki man cïpe ki pwöc? Neenï, eni dëëre olëënynyö ki warkey ki gwel-bïrö, 'ba eni bäŋ jwïëy dëëre.

1 Körin 12:2

Kiper ŋäyu ni kanya bëëdu ni luum Jwøk kuyu, wïthu amaaŋŋi ki uutjïëthe møøk ma teeŋi, ni wøørru gïï wø lam ni wø ba cäänö.

1 Körin 8:4

Kiper manøgønø, mar luum olämme mo wø ŋaal ni wø cïp jï gïï wø lam ni wø cam, ŋääø ni gïn wø lam patha gïn ma adïëri pinyi en, ni bäŋ Jwøk mør, 'ba beeye aciel keere.

Tiet Ciik 4:28

'Ba uuno tïmö nou tïnynya juu møøk moa tïïc jiyi ki ceŋge kaace, ni beege jenni ki kïte mo otieŋø na juu, ni juu mo ba räŋö, ni ba wïnyö, ni ba cämö, ni bäŋ gïn mo ŋwääi jïge.