Jeremaya 10:4 - Wëël Jwøk

⁴ Ni ŋwagi ya jiyi ni mïërö ki warkey ki gwel-bïrö, ni gurge gø piny ki mucumääre nee tïme ni ba nëëŋŋi.

Jeremaya 10:4 Iomraidhean Croise

Aydheea 44:12

Rëëmmö man wø thädhö ki nywïëny, nywïënyö wø di thäädhö ni tïïe ka maac, ni thääth gø ki nyööl na kït gïn wø lam, ni tïïe ka cere na teek. 'Ba eni thuwø wø näk käci nääö ni tïm dëëre ni jääk; ni nägi ya riewi kiper mana käre mäthö ki pïï.

Aydheea 46:6

Da jiy mo warkey wø kunyge wøk ki yïth opïri moge, ni rømge gwel-bïrö bäät gïr røm, ni cwötge ki ŋat mo waŋe riek ki tïï warkey, ni ö ŋatøgø ni tïïc gø na kït gïn wø lam. Kanyøgønø, cøŋge këëlge piny nyïme ni wøørge gø.

Aydheea 46:7

Geni, gïnögø wø jiege göökge, ni käärge gø; ni cïpge gø kare ni put bëëtö ni cuŋŋö kare kanya en yie. Eni dëëre ba tuue kare kaace. Këël dhaanhø doo jwöga baŋe, bäŋ gïn løøe, ni ba løny ki man piem ŋatøgø cer gïna leth na näk ee jwørø.

Odheea 13:2

'Ba ennø, jø dhi øt Ipariem raay atïmö ni meetge bäätge; geni, ge tïïö ki kït gïï wø lam kiper dëëtge, ni tïïcge ka gwel-bïrö, ni tïïya rëëmmö ki jöör riek waŋ. Ni ö luubö man ni caani kiperge na ennø nø, ni «Geni, ge jëëtö ki dhaanhø man cïp olämme, ni nuumge kït gïï wø lam moøgø na no otïïö ni caala nyïïrøøe.»

Abakuk 2:19

Otïmö ni raac jï ŋat wø köö jï jaath, ni ‹Päyï,› ni kööe jï kïdi ni wø bäŋ jwïëy dëëre, ni ‹Ö maal.› ?Aŋø, teeŋ gïnögø, løny jïre ki man cïpe ki pwöc? Neenï, eni dëëre olëënynyö ki warkey ki gwel-bïrö, 'ba eni bäŋ jwïëy dëëre.