Jeremaya 10:21 - Wëël Jwøk

²¹ Kiper dïbwöthe atïmö ni wïthge bäŋ acaara, ni Wuuö Jwøk ba pëënyge. Kiper manøgønø, bëëtö marge kär bëënynyö, ni ö jiyi moge bëët ni keethge.

Jeremaya 10:21 Iomraidhean Croise

Jeremaya 10:14

'Ba jiy bëët bëëdö ni wïthge bäŋ acaara, ni bäŋ gïn ŋäcge. Rëëm warkie, wïthge olää juuwi moa thiiwge, kiper juu moa thiiwge beege jap cwøk jaak, ni rege bäŋ jwïëy.

Jeremaya 10:8

Geni bëët wïthge bäŋ acaara ni gena bøøre, ni dïpööye moge beege juu ma jenni na gïï mo oballe jaak.

Jeremaya 12:10

Kwääc tiet mïëri mo thööth paac mara na beer kaamar pwöth omøki oraanyge, ni nyørge gø ki tietge; ŋöömmögø na mara enø, na mëëra ki gø, oraanyge ni tïme kaamar paap.

Jeremaya 2:8

Këël dïlämme thuwø, ge kär pëëö, ni ‹?Wuuö Jwøk en kaa?› Jø wø caan tiet ciik a kärge ŋääö, ni ö dïbwöthe ni bääcge dëëra, ni ö nyïïkuk Jwøki ni køpge luup ki nyeŋ jwøa cwøl ni Baal, ni caathge køør juu mo bäŋ gïn duuge.

Jeremaya 22:30

Mana caan Wuuö Jwøki beeye en, ena köö, «Göör nyeŋ Jekönaya piny na dhaanhø mo kee bäŋ wïïe mo ee nywølø, na dhaanhø mo bëëtö mare ba bëënynyi ki yïth nïr kwøw moe; kiper ki røk jiy moo käl dëëre, bäŋ dhaanhø mo bëënynyi, ni bäŋ dhaanhø mo pï piny bäät wäl Deebit, ni bäŋ dhaanhø mo käär jø Juuda.»

Jeremaya 49:32

Athïrööle moge otwier, ni käl pïïth dhäk moge. 'Ba aani na Wuuö Jwøk, geni ni wø køc jïëc wïthge, ge keetha keethø kwör mo bäyö, ni känna bäätge ki gïï mo leth ki løøi ki løøi.

Jeremaya 5:31

Nyïïkuk Jwøk atïmö ni køpa luup ki wïthge, ni beege luup tööt, ni ö dïlämme ni bwøthge jiy ki wïthge keerge; ni tïm yïth jiya ni met ka teeŋ gïï mo caala moøgø. ?'Ba u na jiya, agïnaŋø noo tägi dëëtu kanyo tïme na aŋuun japøgø?

Jeremaya 50:17

«Jø Icriel akeeth nyïïmänni, kaamar dïëk moo keeth ŋuuwi. Ŋata kwøŋ geni raanynyø beeye nyeny Aciria, ni ŋata näk aŋuudi na tøc cuuge beeye Nabukedenecör nyeny Babiløn.

Jeremaya 8:9

Jøøa köö ni wïthge leer, wïthge olääy; cwïnyge obwøk ni mak geni. Neenï, gena kweer ki luum Wuuö Jwøk. ?'Ba a teeŋ leec wïc mo nyïëdi nø ni en jïge?

Edhikiel 34:12

Kaawat man wø ö dïkwääyi wø gwøk pïïth dïëk moe ki dïcäŋ ni ena yïthakic dïëk mo okeethø, aani thuwø dïëk 'moa gwøa gwøø, ni piema geni kwöra enge yïthge na näk geno keethø yïthge dïcäŋo näk cäŋ jwør gïï mo leth mano caal pöölö ki muudhö.

Dhekaraya 10:3

'Ba Wuuö Jwøk aköö, ni «Aani, gootø mara liel kaamar maac bäät dïbwöthe. Dïbwöthe jääla jäälö; kiper a na Wuuö Jwøk na en wïth jammi bëët, pïïth mara gwøa gwøø, ni beege jø dhi øt Juuda, ni tïïa ge kaamar okweeny leny man wø ŋwöö ki gø ri leny.

Dhekaraya 13:7

Wuuö Jwøk, eni na wïth jammi bëët, aköö, «Wui, opëëllö! Ö maal ni 'nägï dïkwääy mar dïëk 'moa; 'näk eni, eni na kare cään ki aani; 'näk dïkwääy nee dïëk keethge; 'ba aani cera ocäŋa løø bäät obwöre moa therø.»