Jeremaya 10:20 - Wëël Jwøk

²⁰ Powa ma Jerucalem oränynyi kaamar oduŋkaara mo opädhö, mo thøøli moe ocöötö bëët; ni ö jø powa ni aacge yie, ni ge ba joot këët. Bäŋ dhaanhø mo powa cäŋe dwøk kare, ni bäŋe ŋat mo geer gø.

Jeremaya 10:20 Iomraidhean Croise

Jööp 7:8

Jiy mo wø raŋ aani a ba cäŋge neennø këët; ïïni, a manynyï manynyø, 'ba a ba jootï këët.

Pwöc Leec Wïc 12:7

Jøøa reyø di raanynyø ni tïmge ni bäŋgø këët, 'ba mïëc jøøa marge beer bëëdö karge ni teek.

Aydheea 51:16

Aani, luup 'moa akïtha dhøgu, ni rïëba uuni ki tïpö mar cera. Bee aani na cïp maal kare, na wëëk tier piny këët piny ni teek, na köö ki jø Dhayan, ni ‹Uuna jiy 'moa.› »

Aydheea 51:18

Ki røk jiy moa nywølï bëët, tïmö ni bäŋgø mo piec ïïni, ni tïmge bëët, ge na piithï, ni bäŋgø mo mak cerï.

Aydheea 54:2

Tïïc kar oduŋkaara marï ni laac, ni ö abïïe moa näk gëëŋŋe mo kwör bëëte moï ni twöï ge piny ni yïthge iï peerø ni døøŋŋø, ni ba lwagï ge; ni tïïyï thøøth oduŋkaara marï ni bäyö, ni cwödhï teegi moe piny ni teek.

Jeremaya 30:17

'Ba a na Wuuö Jwøk, a caana gø ni bëëtö maru na raac dwøga kare ni beer, ni beeye bëëtö maru ni caal atwøda, kiper uuna cwøl jiyi ni u ege jarø jaak, ni köge, ni «Jø Dhayan, bäŋ ŋat many geni.» ›

Jeremaya 31:15

Man beeye mana caan Wuuö Jwøki, ena köö, ni «Da dwøl mo wïnyö yi Reema, ni jiy göö ko oduuru ni yïthge ege keeyø, ni beeye Reecal ni jwöŋi kiper obwöre moe, ni kweere ki man cïp cwïnye piny kiper obwöre moe, kiper na bäŋe nyilaal mo odööŋ.»

Jeremaya 4:20

Gïï mo leth tïmö ni ööa bääte, ni ö pinynyi bäre ni ränynye. Kwör bëëte 'moø laar ka raanynyø, ni ö uudi 'moø ni ränyge ki nyi kany mo thiinh.

Wëël Kïmmö 1:5

Nyïïmän moe atïmö na kwääri bääte, ni tïm nyïïmänni moøgø ni bëëtö marge jööt jaak. Kiper Wuuö Jwøk beeye na tïïc caarø mar gø kiper raay moe na thööth. Obwöre moe amak ki tøŋ, ni bëëtge na laaŋe jï nyïïmän.

Mikiya 2:9

Uuni, määr jiya ariemu wøk, ni ŋati man nø riemu wøk ka yi paare na met yie ki gø, ni kälu ajiem mara wøk bäät obwöre moge na bäre bäre.