Jeremaya 10:16 - Wëël Jwøk

¹⁶ 'Ba eni na Jwø Jeekap ba caal gïïögø, kiper bee eni na tïïc jammi bëët, ni cwääc jiye ni beege thööge ma jø Icriel. Eni nyeŋŋe beeye Wuuö Jwøk, eni na wïth jammi bëët.

Jeremaya 10:16 Iomraidhean Croise

Bwøth Wøk 19:5

'Ba ennø, ni näk mo luumma wïnynyu wïnynyö na adïëri møn, ni gwøgu gïna tuuda ki uuni, u puta tïmö ni uuna 'moa dï wïth juurre bëët, kiper piny bäre beeye mara;

Bwøth Wøk 34:9

Ni kööe, ni «Wui Kwäärö, ennø, ni näk mo yiï met ki aani, a kwaya ïïni niï cäädhï ki waani na aciel, këël na bëët jøøgø ni gena jiy mo wïthge teek. Wëën bääyö marwa ki gïïa reyø na tïïcwa, ni käärï wa ni waana jiyï.»

Pwöc Leec Wïc 16:4

Wuuö Jwøk jammi bëët ee cwääö kiper tïïe moge, ni ŋata raac cøøa yi ränynyö cäŋ gïïa leth.

Aydheea 19:25

Wuuö Jwøk, eni na wïth jammi bëët, geno gwïëdhe ni kööe, ni «Gwïëth en jï jø Ijep, ge na jiya, ki jï jø Aciria na tïïa ki cera, ki jï jø Icriel na näk yaa jierø na 'moa.»

Aydheea 45:7

Bee a na tïïc tar na tïïc muudhö, ni bee a ni wø känni ki bëëtö mo beer, ni wø wëëk bëëtö mo raac tägö, bee aani na Wuuö Jwøk ni wø tïïc gïïögø bëët.

Aydheea 47:4

Eni na wïïl øøni wøk, nyeŋŋe beeye Wuuö Jwøk, eni na wïth jammi bëët, ni beeye Jwø Icriel na en kur keere.

Aydheea 47:6

Aana bëëdö naa wëëyö ki jiya; wï jur mana näk ya jierø atïïa ni ba waany, ni cïba gø cerï; 'ba bäŋ bäth ec mo iï nyoodhø jïge. 'Ba gïna tïïyï beeye caarø mo teek mo caala tëër mo peek na kïthï bäät jäle.

Aydheea 51:15

Kiper bee aani na Wuuö Jwøk, Jwøk maru, ni wø jäŋ naama dwøŋ ni wø wëëk athaga lwör, ni nyeŋŋa bee Wuuö Jwøk, aani na wïth jammi bëët.

Aydheea 54:5

Kiper aani ni wø bëëdö kaamar cwørï bee aani na cwääc ïïni, ni nyeŋŋa beeye Wuuö Jwøk, a na wïth jammi bëët. A na Jwø Icriel na en kur keere, bee aani na wïïl ïïni wøk, ni bee a ni wø cwøl ni Jwø Bäät Piny Bäre.

Jeremaya 10:12

'Ba beeye Wuuö Jwøk na cwääc piny ki teek mare, ni tïïc gø ni teek ki køør leec wïc mare, ni peer maal ki køør acaara mare.

Jeremaya 10:6

Wui Wuuö Jwøk, bäŋ Jwøk mo caala ïïni; dwøŋŋa ïïni, ni teek marï dwøŋ døc, ni nyeŋŋï owïnyö.

Jeremaya 31:35

Man beeye luumma caan Wuuö Jwøki, eni na tïïc cäŋ nee rienye ki waŋcäŋ, na cïp dwääy ki ceer kwörge nee rienyge ki wäär, eni ni wø dhäy naama dwøŋ, ni bëët odhänynyi mare ni lwör, eni na näk nyeŋŋe beeye Wuuö Jwøk, Jwø wïth jammi bëët,

Jeremaya 32:18

Beeye ïïni ni wø nyooth mëër marï ni wø ba jøøl jï jiy ma kum kum, 'ba ïïni, gïïa reyø ni wø bac wëëe wø coolï coolø dëët obwöre moge mo wø ööi køørge. Bee ï na Jwøa dwøŋ na teek, ni nyeŋŋï beeye Wuuö Jwøk, Jwø wïth jammi bëët.

Jeremaya 33:2

ni «Man beeye luumma caan Wuuö Jwøki, eni na cwääc piny ni tïïc gø nee bëëde kare, eni na näk nyeŋŋe beeye Wuuö Jwøk, ena köö,

Jeremaya 46:18

'Ba Nyeya na näk nyeŋŋe beeye Wuuö Jwøk, eni na wïth jammi bëët, ena kööŋ, ni «Ŋëëta keera, a na Wuuö Jwøk, da ŋat mo öö mo tuga Ijep mo kare dwøŋ, mo caala Kïn Tabör ni wø dwøŋ døc yïthakic kïte, ki Kïn Karmël ni wø en deŋ naama dwøŋ.

Jeremaya 50:34

'Ba dïkunyi marge teek, ni nyeŋŋe beeye Wuuö Jwøk, eni na wïth jammi bëët. eno pïëmö døc kiperge, nee piny mooe ki jwöm; 'ba wïth jø Babiløn omooe ko okiera.

Jeremaya 51:19

'Ba eni na Jwø Jeekap ba caal gïïögø, kiper bee eni na tïïc jammi bëët, na cwääc jiye, ni beege thööge ma jø Icriel. Eni nyeŋŋe beeye Wuuö Jwøk, eni na wïth jammi bëët.

Wëël Kïmmö 3:24

'Ba jwïëya aköö, ni «Wuuö Jwøk beeye na kura; kiper manøgønø, a bëëdö naa ŋäätha gø.»

Amøc 4:13

Adïëri møn, eni na cwääc kïte, ni wø wëëk jamø kwödö, ni wø nyooth acaaye jï dhaanhø; eni ni wø løk tar mar aruunnø ni tïme ni cøl, ni wø cäädhi dï piny ni bäŋ gïn mo gëëŋ gø; bee eni na Wuuö Jwøk, eni na wïth jammi bëët.

Dhekaraya 2:12

'Ba Wuuö Jwøk ŋööm Juuda otïmö na kure yi ŋöömma en kur keere, ni cäŋ Jerucalem jierrø na pääny mare.

Tiet Ciik 32:9

Kiper kure, eni na Wuuö Jwøk, beege jiye ma jø Icriel, ni beege geni na nyïïkwaac Jeekap na dööŋ jïre na moe.