Jeremaya 10:15 - Wëël Jwøk

¹⁵ Geno oballe jaak, ni gena gïï mo di päädö; kanyo tïme na cäŋ ajäla mana wäŋŋi kiperge, ge ränynyö.

Jeremaya 10:15 Iomraidhean Croise

Aydheea 41:24

'Ba uuni, uuna gïï mo bäŋ karu, ni tïïe mou bäŋ gïn duuge, ni ŋat wø jier uuni, ec raac ki gø.

Aydheea 41:29

Ka adïëri møn, ge patha adïëri, ge bëët, ni tïïe moge bäŋ tietge, ni kïtge moa no otïïö bäŋ tietge, 'ba ge caala jamø jaak.»

Aydheea 57:12

Aani, bëënynyö maru manø ni ŋääthu enø, ki tïïe mou, tïïa tïïö nee ŋäc, ki man näk mo bäŋ gïn mo kønyge dëëtu.

Jeremaya 10:11

'Ba uuni, u na jø Icriel, caannu jïge na ennø nø, ni «Juu moa näk maal ki piny ba cwääya geni, ge ränynyö bäät piny bäre.»

Jeremaya 10:8

Geni bëët wïthge bäŋ acaara ni gena bøøre, ni dïpööye moge beege juu ma jenni na gïï mo oballe jaak.

Jeremaya 14:22

?Aŋø, ki røk juu mo oballe jaak mo wïth juurre, dagø dïge mo løny ki man jääŋ køth? ?A løny ki man ö maalli keere ni pädhe ki køth? Wui Wuuö Jwøk, Jwøk marwa, aŋø, paa ï keerï ni wø jääŋ køth? Kiper manøgønø, waani, wa bëëdö ni wa ŋäätha ïïni, kiper beeye ïïni na tïïc japøgø bëët.

Jeremaya 18:15

'Ba jiya aana wecge, ni tïmge ni ge wääŋö ki gïn wø jïye ŋwääi ni met jï juu mo oballe; ni ö juugögø ni wëëk tietge cwanynyø yïth uutjïëtha cääŋŋe na cørge yïthge, ni wëëkge ge wääth yïth uutjïëthe moa näk kär ŋeth.

Jeremaya 43:12

Ni ö eni ni nyep uut juu mo jø Ijep ni waaŋ geni, ni käl juu moge. Eni ŋööm Ijep olwøre ni jööt jaak, kaawat man wø ö dïkwääc dïëki wø rïëba aleeŋŋa dëëre ni jööt jaak, ni ö eni na Nabukedenecör ni døøe ni bäŋ gïn mo tägi dëëre.

Jeremaya 50:2

ni «Gøøu piny ni køpu gø jï wïth juurre bëët; køpu, ni tïŋu ŋïï maal; kär dee gïn kannu, kööu, ni ‹Babiløn omak ki tøŋ; jwøge ma Bël ni wø cwøl ni Merödak oränynyi ni tïme na gïn mo duua lään wïc, ni ö gïïa tieŋge ni wø lamge ni ränyge ni tïmge na gïï mo duua lään wïc.›

Jeremaya 51:18

Geno oballe jaak, ni gena gïï mo di päädö; kanyo tïme na cäŋ ajäla mana wäŋŋi kiperge, ge ränynyö.

Jeremaya 8:12

?Aŋø, wïthge alääö ki gïna tïïcge na raac eci ki gø? Jïre bäär, wïthge kär lääö na bäre, ni nyeŋge kär tïmö ni law. Kiper manøgønø, kanyo jääla geni, ge puta ränynyö, ni thøwge ki jiy na aciel.

Jeremaya 8:19

Ennø, kwac mar jø powa awïnyö ki paac mo kare bäär, ni ge köö, na «?Aŋø, Wuuö Jwøk ba en pøø Dhayan? ?Aŋø, eni na nyeny Dhayan tøør paare?» 'Ba aløk Wuuö Jwøki, na «?Aŋø, aperŋø ni bëëtge ni ge raanynya cwïnya ki køør juuga näk otieŋø na näk oballe na kälge ki baŋ juurre?»

Odheea 9:7

Cäŋ ajäla oløny ni öö, cäŋo cool kwör yie dëët jiy kare acäännö; beerra man ŋäyu gïnögø, u na jø Icriel! U köö, ni «Nyikuŋ Jwøk man wïïe bäŋgø; ni ŋati ni dëëre da Jwïëc Jwøk en bøøl;» kiper raay mou atïmö ni thööth døc, ni ö männi maru ni kadhe.

Joona 2:8

«Jøøa wøør juu mo bäŋ gïn duuge, ge luua ŋäthge baŋï, ï ni wø nyooth mëër mo ba jøøl.

Dhekaraya 13:2

Wuuö Jwøk, eni na wïth jammi bëët, aköö, ni «Dïcäŋöca, juu moa näk patha adïëri raanynya raanynyø yi ŋöömö ni tïme ni wïc ba par ki nyeŋge këët. Ge raanynya raanynyø ge bëët ki nyïïkuk Jwøk moa näk patha adïëri ki jwïëc juuga reyø na näk ba waany.

Moa Tïïc Nyïïatwieli 14:15

ni «?Jaay, aŋø ni tïïyu gïnögø? Waani, waana jiy thuwø mo caala uuni, ni wa käla luumma nyään na met jïïu, kiper nee gïïö no oballe yøø nee weyu, ni løøu dëëtu baŋ Jwøa kwøw na cwääc maal ki piny, ki näm ki jammi bëët moø ni en yïthge yøø.

Tiet Ciik 32:21

Aana tïïcge naa këëya ki køør mana lamge juu mo patha adïëri, ni cwaatge yia këël mana wëëra kiper juu moge na näk oballe jaak. 'Ba ge tïïa tïïö nee këëge kiper jiy mo bäŋ karge; ni cwaada yïthge ki ri wï jur mo bäŋ gïn ŋääe.

1 Camiel 12:21

'Ba käru gaa wøk køør juu mo oballe, mo bäŋ gïn mo duuge dëër dhaanhø wala gïn mo kønyge kønyø, kiper gena juu mo oballe jaak.

1 Camiel 5:4

'Ba kanya tïme na amöölla maya cøøn na pänyge maal, ka adïëri møn, jwøge ma Dagön acäŋge jootø no opädhö ki bäp yie nyïm acanduk mar Wuuö Jwøk. 'Ba wï Dagön ki ceŋŋe oŋørø ni päthge piny bäät thudhi mar dhi øtø; ni beeye dëëre na dööŋ keere.