Jeremaya 10:10 - Wëël Jwøk

¹⁰ 'Ba Wuuö Jwøk beeye Jwøk mana näk adïëri; ena Jwøa kwøw, ni eni bëëdö na nyeya na bäre bäre. Piny wø tïmö ni kwanynyi kany wø wëëre, ni wëër mare bäŋ wø løny ki jïëny jï wïth juurre.

Jeremaya 10:10 Iomraidhean Croise

Wïlöölö 21:33

Køøre Eeberam apïïdhö ki jaath mo cwøl ni temïr Bëërcïïba, ni wøør nyeŋ Wuuö Jwøk kaace, na näk Jwø wø bëëdö na bäre bäre.

1 Nyeye 18:39

'Ba kanya ö jiyi bëët na jootge gø, dëëtge aputge gøø piny, ni köge, ni «Wuuö Jwøk beeye Jwøk møn! Wuuö Jwøk, ena Jwøk møn!»

1 Nyeye 8:60

kiper nee ŋäc jø bäät pinynyi bëët ni Wuuö Jwøk beeye Jwøk, ni bäŋ Jwøk mør këët.

1 Luup Nyeye 29:11

Wui Wuuö Jwøk, teek, ki dööŋö, ka ajiem, ki böödö, ki wödö en jïrï, kiper jammi bëët moa en maalø ki moa en piny beege moï. Wui Wuuö Jwøk, bura beeye marï, ni bee ï na wïth jammi bëët.

2 Luup Nyeye 15:3

Ki yïth nïne moa pöödhö, jø Icriel abëëdö jaak ni ge tøør ri Jwøk mana na adïëri, ni bäŋ dïlämme mo pwöny geni, ni bäŋ ciik mo ŋäcge.

Jööp 9:6

Eni tier piny di nëëŋö ni jäŋ gø, ni tïïc were mo gø ni kwanynyi.

Aydheea 37:17

Wui, Wuuö Jwøk, cek ïthï, ni wïnynyï lam mara. Wui, Wuuö Jwøk, jap nyeŋŋï ni räŋŋï; ni wïnynyï luup bëët mo Cenakerëp nyeny Aciria, na jääŋ jiy nee ï pääde, ï na Jwøa kwøw.

Aydheea 37:4

'Ba kiper manøgønø, beerra man lämï jï Wuuö Jwøk, Jwøk marï, kiper jiy moa no odööŋ ni kwøw. Kanymør ni Wuuö Jwøk, Jwøk marï, luup bëët moa caan kwääy lwaa leny wïnynye wïnynyö, ni beeye ŋata jääŋ nyeny Aciria nee eni na Jwøa kwøw pääde, ni ö eni na Wuuö Jwøk ni jook luupa wïnynye na car ŋatøgø.› »

Aydheea 40:15

Ka adïëri møn, wïth juurre caala ŋïnh pïï mo töön piny ka tier agwäy, ni ge bëëdö kaamar tør mo thiinh mo ena bäät gïr røm. Raŋŋu, Wuuö Jwøk wïth juurre mo wø bëëdö yïth mïëri moa en bäät naama dwøŋ tïŋe maal ni jööt jaak kaamar tør mo otwäät.

Aydheea 40:28

?Aŋø, gïn kuyu? ?Käru wïnynyö? Wuuö Jwøk beeye Jwøk man wø bëëdö na bäre bäre, ni bee eni na cwääc piny bäre; eni dëëre ba øc piny ni eni ba ööl. Ena Jwøk mo tier leec wïc mare ba løny ki kwany.

Aydheea 57:15

Kiper Wuuö Jwøk, eni na en maal na kare dwøŋ, ni wø bëëdö na bäre bäre, ni wø nyeŋŋe en kur keere, ena köö, ni «Aani, a bëëdö maal kany mo ena kur keere, naa bëëdö thuwø ni kara cään ki jiy moa näk cwïnyge opädhö kiper raay moge, ki jiy moa näk cwïnyge opädhö ki køør japa leth na pïï bäätge, nee jiy moa näk cwïnyge opädhö nee cwïnyge cøma, ni mooa jiy moa no ocaarø ki jwöm ki yïth cwïnyge.

Aydheea 65:16

'Ba ŋat wø gwëëdhö yi ŋöömö, wø gwëëdhö ka nyeŋŋa, a na Jwø adïëri, ni ö ŋat wø kööŋ yi ŋöömö, ni kööŋ raa, a na Jwø adïëri. Kiper gïïa leth na no opöödhö, wïc wïl ki geni, ni putge rwäänyö nyïma.

Jeremaya 23:36

'Ba u tïmö nou ba cäänö këët kiper dwør Wuuö Jwøk mana caal tëër, kiper ŋato cäänö, luubö mare otïmö na tëër bääte, kiper mana daaŋŋu luup Jwøa kwøw, Jwøk maru, eni na wïth jammi bëët.

Jeremaya 4:2

ni kööŋŋu ki kööŋ ma adïëri ma kare mo thïïŋ, nou kööŋŋa ŋëëta, a na Wuuö Jwøk, Jwøa kwøw, wïth juurre rege ogwïëthge ki nyeŋŋa, ni putge jïëmö ki nyeŋŋa.»

Jeremaya 4:24

Kanya raŋa kïte, ka adïëri møn, gena jooda ni ge jäŋŋi, ni jooda thuuri bëët ni dëëtge kwanynyi.

Jeremaya 50:46

Kanyo kwöŋ jiyi, ni ‹Babiløn amak ki tøŋ,› piny puta tïmö ni kwanynyi, no oduuru mano gøøcge puta wïnyö yïth mïëc wïth juurre.»

Jeremaya 51:29

Piny otïmö ni kwanynyi ni jäŋŋi, kiper Wuuö Jwøk, gïna näk ee caarø ni tïïe tïïö dëër Babiløn bëëdö kare, ni beeye ki man raany ŋööm Babiløn, nee bäŋe jiy mo bëëdö yie.

Daniel 4:3

A teeŋ dööŋö mo nyïëdi na døøŋ nyuuthe moe ki gø! Naa teeŋ dööŋö mo nyïëdi mar gïïa tïïe na näk rëëma ec! Buc nyec mare beeye bura mo bëëdö na bäre bäre; ni teek mare këëta yïth beenhnhe bëët.

Daniel 4:34

'Ba kanya thum cwiiri moøgø na abïriiø yøø, a na Nabukedenecör, nyeŋŋa ataa maal, ni ö acaara mara ni put duu baŋa, ni ö Jwøa dwøŋŋi ni en maal ni puta gø pwøc, ni wøøra eni, ni jiema eni, eni ni wø bëëdö na bäre bäre. Teek mare bëëdö na bäre bäre, ni buc nyec mare këëta yïth beenhnhe bëët,

Daniel 6:26

«Ennø, aana kän wøk ki ciik: Jiy bëët moa en ya akwöm nyec mara bëëtge ni ge lwäära Jwø Daniel ni dëëtge kwanynyi nyïme.» «Kiper beeye Jwøa kwøw ni wø bëëdö na bäre bäre, ni buc nyec mare beeye man wø bëëdö ni ba ränynyi, ni teek mare bëëdö na bäre bäre.

Daniel 6:27

Eni jiy di piemø ni køny geni, ni tïïe ki nyuuthe ki gïï mo rëëma ec maal ki piny, eni na piem Daniel ceŋ ŋuuwe.»

Daniel 7:14

Ni cïp teek jïre ka ajiem ki nyec kiper nee wïth jiy bëët ki wïth juurre, ki wïth dhøgi bëët tïmge ni tïnynya eni. Teek mare mar käär jiy beeye teek mo bëëdö na bäre bäre, mo bäŋ cuŋŋe, ni buc nyec mare ba ränynyi.

Jool 2:11

Wuuö Jwøk dwøre omäri nyïm bäänyö na caal jø leny moe; ka adïëri møn, twïër marge dwøŋ døc, ni ge na jïëc dwør Wuuö Jwøk, ge teek døc. Ka adïëri møn, cäŋ Wuuö Jwøk dwøŋ, ni beeye cäŋ lwär. ?Aŋa ni løny jïre ki man jïëny gø?

Mikiya 1:4

Ni ö kïte kwöra nyøre ni leenyge kaawat man wø leeny gage ki maac, ni løøcge piny ki yïth agäm-kïte kaawat man wø løøc pïïyi piny ki kany mo ree ee lääŋö.

Neeyam 1:5

Kïte atïmö ni jäŋŋi nyïme, ni ö thuuri ni nigemwøny piny. Piny tïmö ni kwanynyi nyïme, këël ki jiy moa en bäät piny bëët.

Neeyam 1:6

?Aŋa ni løny jïre ki man cuŋŋe ki wëër mare? ?Na aŋa ni løny jïre ki man jïëny wëër mare ni wø liel kaamar maac? Wëër mare liela nyïme kaamar maac, ni ö kïte ni piinge nyïme.

Abakuk 3:10

Kïte ïïna jootge ni putge tïmö ni jäŋŋi, ni ö jwïëö ni pänhnhe, ni ö kanya päŋ ni lwöre ko odhäny, no odhäny mare puta ö maal døc.

Abakuk 3:6

Ena cuŋŋö ni ree ee jiiø ni nëëk piny, ni räŋŋe ni jäŋ wïth juurre, ni ö kïte na käl piny cøøn ni øcge piny, ni ö thuuri na nut cøøn ni nigemwøny piny. Eni uutjïëth tïïe moe nut ki mana cääŋŋe.

Milkiya 3:2

?'Ba aŋa noo løny jïre ki man jïëny gïïo tägi dïcäŋo ööe? ?Na aŋa noo cuŋŋi kanyo pïïe? Kiper eni caala maac mo twøna warkey nee tïme ni tøŋ, ni caala caabuun man wø tïïc abïï ni tar.

Mathiew 16:16

Ni dwøgi ya Cayman Piter, ni «Ïïna Krictø, O Jwøa kwøw.»

Mathiew 26:63

'Ba Jecu alïŋö jaak. Ni ö Kwääy Lammi Mana Dwøŋ ni kööe jïgø, na «A köömma ïïni ki nyeŋ Jwøa kwøw, caanï jïwa ki man näk mo bee ï na Krictø, na näk O Jwøk.»

Jøøn 17:3

Ni man en beeye kwøw mana näk adïëri mo bäŋ cuŋŋe, niï ŋäcge, ï na näk Jwøk mana näk adïëri keere, ki Jecu Krictø na jääŋŋï.

Moa Tïïc Nyïïatwieli 14:15

ni «?Jaay, aŋø ni tïïyu gïnögø? Waani, waana jiy thuwø mo caala uuni, ni wa käla luumma nyään na met jïïu, kiper nee gïïö no oballe yøø nee weyu, ni løøu dëëtu baŋ Jwøa kwøw na cwääc maal ki piny, ki näm ki jammi bëët moø ni en yïthge yøø.

Tiet Ciik 32:4

Wuuö Jwøk na näk Jwøø teek, ni tïïe moe beege karge; ni uutjïëthe moe bëët tiir. Ena Jwøk mo mare di ŋäädhö, ni bäŋ gïn mo raac jïre; eni beer ni mare thïïŋ.

Tiet Ciik 5:26

?Aŋø, a ŋata ŋa dëët jø bäät piny bëët na wïny dwør Jwøa kwøw ni cäänö ki dï maac, kaamar waani na wïny gø, ni poot bëëdö ni kwøw?

1 Thecalönika 1:9

Kiper geni ki dëëtge ge wø cäänö kiperwa, ni waana pänhnhu døc kanya bëëtwa dïïu, na ö uuni na løøu rou baŋ Jwøk, ni weyu juu, ni tïmu nou tïnynya Jwøk mana kwøw, na näk adïëri,

1 Timöthi 1:17

'Ba wödö ka ajiem en jï Nyeny beenhnhe bëët këël na bäre bäre, ŋata näk ba thøw na näk ba neen, ni beeye Jwøk keere. Enøgønø.

1 Timöthi 6:17

'Ba jøøgø no okwär yi piny man en, kööm geni nee ba töötge, ni ba ŋääthge jap kwärö moge. 'Ba beerra man ŋääthge Jwøk, eni ni wø cïp jammi bëët jïïø nee yïthø mïnge.

Ibaru 10:31

Beeye gïn mo di lwäärö døc ki man päth dhaanhe cer Jwøa kwøw.

Jøcua 3:10

Ni cäŋ Jøcua köö, ni «Ki ri mano tal naammi en nø, oŋäyu ni Jwøa kwøw ena dïïu, ni ŋäyu gø thuwø ni eni jø Keenan, ki jø Këth, ki jø Ëwi, ki jø Përec, ki jø Gërgëca, ki jø Amör, ki jø Jeebuc rieme wøk nyïmmu.

1 Jøøn 5:20

'Ba ŋääø ni O Jwøk anø öö, ni mooc øøni ka acaara ki man ŋääø ŋata näk adïëri. Ni ø ena ri ŋata näk adïëri ki køør Wääde ma Jecu Krictø. Manøgø beeye Jwøk mana näk adïëri ni näk kwøw mana näk adïëri mo bäŋ cuŋŋe.

Mana Nyooth 20:11

Kanyøgø wälu mo tar mo dwøŋ døc ajooda ki ŋata en bääte. Ni ö maalli ki piny ni reŋge ki eni, ni bäŋe kany mo ojoodø kiperge.

Pïëmme 5:4

«Awuuö Jwøk, kanya lwönnï wøk ki yi ŋööm Cëër, kanya cäädhï niï leeŋŋa bäätï niï lwönnï ka yi ŋööm jø Ëdöm, piny aput tïmö ni jäŋŋi, ni ö køthi ni lwöre, këël pøøl aløy ni tïmge na pïï.

1 Camiel 17:26

Køøre Deebit acäänö ki jøøa cuŋŋö buute kaagø, ni kööe, na «?Agïnaŋø noo tïïc jï ŋato käl ajøøŋ wøk bäät jø Icriel ki køør mano 'näk nyï Pilitin manøgø? ?Aŋø, nyï Pilitin manøgø ni kär daŋø enø aŋa, ni ŋwöö bäät jø leny mo Jwøa kwøw en?»

1 Camiel 17:36

Aani, a na dhaanhnhï, aano nääö ki teeŋ lääy moøgø; 'ba nyï Pilitin manøgø ni kär daŋø enø, nääa nääö kaawat mana nääa teeŋ lääyögø, kiper mana ŋwöe bäät jø leny mo Jwøa kwøw.»