Jeremaya 1:5 - Wëël Jwøk

⁵ ni «Kanya poodï niï poot kära cwääö ec, ï yaa jierø; ni kanya poodï niï poot kär nywølø, ï yaa cïp kur keere na mara, ni tïïa ïïni na nyikuŋ Jwøk kiper tiet mïëri.»

Jeremaya 1:5 Iomraidhean Croise

Bwøth Wøk 33:12

Køøre Modhe aköö jï Wuuö Jwøk, ni «Neenï, ïïna köö ki aani, ni ‹Bwøth jøøgø.› 'Ba ïïni ŋato jääŋŋï ki aani kärï caanø jïra. Ni cäŋï köö ki aani thuwø, ni ‹Ï yaa nø ŋäc døc, ni yia met ki ïïni.›

Bwøth Wøk 33:17

'Ba Wuuö Jwøk aköö jï Modhe, ni «Aani gïna cäänï kipere enøgø tïïa tïïö møn; kiper yia met ki ïïni, ni ï yaa nø ŋäc cøøn.»

Aydheea 44:2

Man beeye dwør Wuuö Jwøk, eni na tïïc ïïni, na cwääc ïïni ec, eni noo køny ïïni, ena köö, ‹Wui, dhaanhnha ma Jeekap, ni bee ï Jecurun na näk yaa nø jier, kärï lwäyö.

Aydheea 49:1

Wui, u na jø wø bëëdö yïth mïëri moa en bäät naama dwøŋ, wïnynyu mara, ni cegu ïthu, u na wïth juurre moa kwörge bäyö. Wuuö Jwøk aana cwøle kanya pooda naa ena ec, ni cak nyeŋŋa kanya pooda naa ena yi mera.

Aydheea 49:5

'Ba ennø, man beeye dwøl mana caan Wuuö Jwøki, eni na cwääc aani ec, naa tïma ni aana dhaanhnhe, nee nyïïkwaac Jeekap duua baŋe, nee ge na jø Icriel dëëtge cooŋge ree; kiper mana näk mo aano wøørø ki nyïm Wuuö Jwøk, ni eni na Jwøk mara bee teek mara.

Jeremaya 1:10

Ni dïcäŋi, ïïna mooa ki teek ki man køpï luumma dëët akwöm mo wïth juurre, ki dëët akwöm mo nyeye, man näk mo geni cööda wøk, ni keeth geni, ni raany geni, ni nyak geni; ni cäŋ ge tïïyö ni teek, ni këël tietge piny.»

Jeremaya 1:4

'Ba dwør Wuuö Jwøk mana ö bääta, a na Jeremaya, beeye en, ena köö,

Jeremaya 20:15

Acïëni en bäät ŋata caan dwøl jï wära, na tïïc yi wära ni met, ni kööe, ni «Ïïna nyöönni ki nyilaal ma dïcwøø.»

Jeremaya 25:13

Ni ö luup moa cara bëët kiper ŋöömmögø ni käla ge bääte, ni beege luup moa no ogöör piny yi wëëlli en na car Jeremaya dëët wïth juurre bëët.

Jeremaya 36:2

ni «Lwötï ki warakata ni göörï luup yie bëët moa caana jïrï kiper jø Icriel ki jø Juuda, ki wïth juurre bëët, ki mana täge ki dïcäŋa kwøŋa cäänö ki ïïni, kanya bëët Jöcaya na nyeya, këël dïcäŋi en.

Jeremaya 50:34

'Ba dïkunyi marge teek, ni nyeŋŋe beeye Wuuö Jwøk, eni na wïth jammi bëët. eno pïëmö døc kiperge, nee piny mooe ki jwöm; 'ba wïth jø Babiløn omooe ko okiera.

Luk 1:15

Kiper eno tïmö na ŋat mo dwøŋ nyïm Wuuö Jwøk, ni eni ba mädhö ki køøŋ nyïïomøki wala køøŋø mo keec. 'Ba eno bëëdö ni päŋ ki Jwïëc Jwøk na en kur keere, ki mano täge ni ena yi menni.

Luk 1:41

'Ba na ö Ilidhabethi na wïny määdhe mar Meeri, nyilaal apäär maal yi gø. Ni ö Ilidhabethi ni pääŋe ki Jwïëc Jwøk na en kur keere.

Luk 1:76

'Ba ï na nyilaal, ïïno cwøl ni ïïna nyikuŋ Jwøa Dwøŋ ni en Maal, kiper ïïno cäädhi nyïm Wuuö niï jiiŋŋa uutjïëthe moe,

Jøøn 10:36

aŋø, u doo köö, naa jädö, a na cïp Wuue kur keere ni jääŋŋi piny, kiper na kööa, ni ‹Aana O Jwøk›?

Wëëlö Mana Göör Pøølli Baŋ Jø Röm 1:1

Aana Pøøl na laŋ Jecu Krictø ni göön baŋu ki wëëlö en. Ni aano cwølø naa tïma na nyïïatwiel, ni aano cïp kur keera kiper luumma nyään na met mar Jwøk,

Wëëlö Mana Göör Pøølli Baŋ Jø Röm 8:29

Kiper jøøa ŋääe cøøn, ee miiø thuwø ki man tïmge ni kïtge caala kït Wääde, kiper nee eni tïme na kaa dï nyïïmëëe mo thööth.

1 Körin 8:3

'Ba ni näk dhaanhø mëër ka Jwøk, eni ŋäc Jwøki.

Epeca 1:22

Ni cïp jammi bëët cer gø, ni tïïc gø ni ena wïth jammi bëët kiper acooŋ Jwøk,