Jeremaya 1:19 - Wëël Jwøk

¹⁹ Geni, ge këëdö ki ïïni, 'ba ï ba böötge, kiper a ena buutï, naa peemma ïïni.» Luummögø caana Wuuö Jwøki.

Jeremaya 1:19 Iomraidhean Croise

Jeremaya 1:18

'Ba ka adïëri møn, aani, ïïna tïïa kaamar pääny mo ogeerø ni teek, kaamar werø mar nywïënyö, kaamar kiir mo otïïc ka nywïënyö ma jwïël, niï ba lønyï ki böötö jï jø paani bëët, ni beege nyeye mo Juuda, ki jøøa kwörge, ki dïlämme moe, ki jø paac bëët.

Jeremaya 1:8

Kärï lwäyö ki geni, kiper a ena buutï, naa peemma ïïni.» Luummögø caana Wuuö Jwøki.

Jeremaya 11:19

'Ba kanya pooda, aana bëëdö kaamar nyidiel mo mwöl mo kïtha kuna ŋaali, ni kuua ni da acaare mo reyø mo ege caarø kipera, ni ge köö, ni «Raanynyø ŋatøgø ki kare bäre; dïïrø wïïe dï jøøa kwøw bäät piny, nee nyeŋŋe put rwäänyö na bäre bäre.»

Jeremaya 11:21

Kiper manøgønø, Wuuö Jwøk mare aŋøle kiper jø Anathöth, jøøa many man 'näkge aani, na köö, ni «Kär luum Wuuö Jwøk køpï, niï ba 'näkwa.»

Jeremaya 18:18

'Ba jø møøk aköö, ni «Ööu, nøø määnyö ki jöö man raanynyø Jeremaya ki gø. Kiper dïlämme mo wø caan ciik kee nut cøøn, ki jøøa wïthge leer ni wø cïpi ki pwöc, ki nyïïkuk Jwøk mo wø køp luum Jwøk. Ööu nø, nee eni raanynyø ki lëëpø, ni ba ciiø ïthø ki gïn wø caane.»

Jeremaya 2:1

'Ba dwør Wuuö Jwøk aö bääta, a na Jeremaya, ni kööe,

Jeremaya 20:10

Aani, jiy mo thööth awïnynya ni ge mööŋö ki nyeŋŋa, ni «Kee ena köö, ni ‹Lwär mo dwøŋ, piny opääŋe bäre.› Jäällu eni! Beerra man jäälø eni kiree!» Këël nyïïawääta bëët moa näk yaa ŋäädhö kiree, ge manynya ränynyö mara, ni köge, ni «Kanymør wïïe di maaŋŋø, nee ø jïtö ki jöö man böötø eni ki gø, ni marø cool kwör dëëre.»

Jeremaya 20:11

'Ba Wuuö Jwøk ena buuta kaamar oteen tøŋ. Kiper manøgønø, jø wø 'caan aani a ba böötge; 'ba tietge ocwanyge, ni tïm wïthge ni laay døc kiper no ba thur gïna manyge kare, ni wïc ba wïl ki lään wïc marge na bäre bäre.

Jeremaya 26:8

'Ba kanya løny Jeremaya ki caan luupögø jï jiy bëët, ni beege luup bëët moa ö Wuuö Jwøki na kööm eni ki gø nee caane, ena mak dïlämme ki nyïïkuk Jwøk ki jiy bëët, ni köge, ni «Ï thøw kiree!

Jeremaya 30:11

Kiper a na Wuuö Jwøk, a ena buutu naa peemma uuni. Aani, tiet mïëc wïth juurre bëët moa keetha uuni yïthge, raanynya raanynyø na bäre. 'Ba uuni, u ba raanynya bäre. U pwönynya pwönynyö ka ajäla mana näk kare, nou ba wiia ka ajäla.›

Jeremaya 39:17

'Ba a na Wuuö Jwøk, ï piema piemø dïcäŋöca, niï ba cïp ceŋ jøøa lwäärï ki geni.

Jeremaya 42:11

Uuni, käru bëëdö nou lwäär ki nyeny Babiløn, manø ni lwäärru ki gø enø. Käru lwäyö ki eni, kiper a ena buutu, naa peemma uuni ni käla uuni wøk cere.

Jeremaya 46:28

Wui, u na nyïïkwaac dhaanhnha ma Jeekap, käru lwäyö, kiper a nut buutu. Aani, tiet wïth juurre moo riema uuni yïthge bëët raanynya raanynyø na bäre. 'Ba uuni, u ba raanynya bäre. U pwönynya pwönynyö ka ajäla mana näk kare, nou ba wiia ka ajäla.»

Daniel 3:25

Ni dwøk gø ni kööe, ni «Neennu, jiy mo neeta ii gena aŋween mo ge kär twöö mo ge cäädhö dï maac mo bäŋ gïn mo leth mo otägö dëëtge; 'ba ŋweerge nëëni ni caala jwøk.»

Kwään Jiy 14:9

'Ba kär røgu thïïŋŋu dëër Wuuö Jwøk, ni ba lwäyu ki jø paanøgø, kiper ge böötø böötö ki jöö mo jööt jaak. Kiper gëëŋi marge onø daak, ni Wuuö Jwøk ena buutø; käru lwäyö ki geni.»

Moa Tïïc Nyïïatwieli 26:17

'Ba ïïno gwøa ceŋ jø Juuth ki ceŋ juurre, jøw ojääŋŋa ïïni baŋge en,

Jøcua 1:9

Ennø, a köömma ïïni. Mak riï ni bëëdï niï teek; ni ba bwøk cwïnyï ni ba lwäyï, kiper a na Wuuö Jwøk na näk Jwøk marï, a ena buutï kany wø ciï yie jaak.»