Jeremaya 1:18 - Wëël Jwøk

¹⁸ 'Ba ka adïëri møn, aani, ïïna tïïa kaamar pääny mo ogeerø ni teek, kaamar werø mar nywïënyö, kaamar kiir mo otïïc ka nywïënyö ma jwïël, niï ba lønyï ki böötö jï jø paani bëët, ni beege nyeye mo Juuda, ki jøøa kwörge, ki dïlämme moe, ki jø paac bëët.

Jeremaya 1:18 Iomraidhean Croise

Aydheea 50:7

Kiper Kwäärö Wuuö Jwøk a wø kønye kønyø, kiper manøgønø, wïïa ba lääy. Cwïnya amaa ki man jïënya gïïögø, ni puta gø ŋäc møn ni wïïa ba lääy.

Jeremaya 1:17

«'Ba ennø, ï na Jeremaya en, jiiŋ riï ni ööï maal, ni caanï gïïo caana jïrï bëët jïge. Kärï lwäyö ki geni, niï ba døøya mo lwäär nyïmge.

Jeremaya 1:19

Geni, ge këëdö ki ïïni, 'ba ï ba böötge, kiper a ena buutï, naa peemma ïïni.» Luummögø caana Wuuö Jwøki.

Jeremaya 15:10

?Wui, aŋø ni ö mera ni nywøl aani yi pinyi en, ni tïma ni aana ŋat pïëm yi paani bäre en? Bäŋ ŋat mo omäyö baŋa ki jammi maa pïïdö ki gø, ni bäŋ ŋat mo aano mäyö baŋe ki jammi mo pïïdö ki aani, 'ba jiy bëët, ge bëëdö ni ceenna aani.

Jeremaya 15:20

'Ba aani, ï tïïa tïïö kaamar kiir mo teek mo tïïc ka nywïënyö ma jwïël ki jï jøøgø. Ni këël ge doo këëdö ki ïïni, ï ba böötge, kiper a ena buutï naa peemma ïïni, ni käla ï wøk ceŋge.

Jeremaya 20:11

'Ba Wuuö Jwøk ena buuta kaamar oteen tøŋ. Kiper manøgønø, jø wø 'caan aani a ba böötge; 'ba tietge ocwanyge, ni tïm wïthge ni laay døc kiper no ba thur gïna manyge kare, ni wïc ba wïl ki lään wïc marge na bäre bäre.

Jeremaya 21:4

ni ‹Luumma caan Wuuö Jwøki, Jwø Icriel, beeye en: Ennø, aani, tøøŋi moø ni en ceŋŋu yøø 'dwøga dëëtu, ni beege tøøŋi moøgø ni këëdu ki nyeny Babiløn ki ge yøø ki jø leny moe, ni bëëdö ni kiir maru ege ciel dïër yøø; aani, ge käla ka yi pääny man.

Jeremaya 26:24

'Ba gïna tägö kiper Jeremaya, Akikam o Capan odwätö ki Jeremaya; køøre Jeremaya kär cïp ceŋ jiy nee 'näk.

Jeremaya 34:3

'Ba ïïni, ï ba bøth cere, kiper ka adïëri møn, ï di maaø ki tøŋ, ni cïp ïïni cere. Ni jootï nyeny Babiløn, ni put nyeŋŋe kem dëërï, ni cääne ki ïïni nou neeta täärnyïmmu, ni putï ci Babiløn.›

Jeremaya 37:7

ni «Luumma caan Wuuö Jwøki, Jwø Icriel, beeye en: Wär caannu jï nyeny Juuda, ŋata jääŋ uuni baŋa naa pëënynye, ni kööu jïre, ni ‹Neenï, jø leny mo Peerø moa nø tïŋŋö, ni ge ööa kuna kønyge ïïni, ge døøa poge Ijep.

Jeremaya 38:18

'Ba ni näk cerï ba cïpï jï jøøa kwörge døøŋŋø mo nyeny Babiløn, pääny man cïba ceŋ jø Babiløn, ni waaŋge gø, ni ïïni ki dëërï, ï ba bøth ceŋge.»

Jeremaya 38:2

ni «Luumma caan Wuuö Jwøki beeye en: Ŋato bëëdö yi pääny man thøw ki käc ki täw mo leth, ni nääi ko opëëllö, 'ba ŋato aa wøk ni cïp cere jï jø Babiløn, eni kwøw; ni bøth jwïëyi moe, ni bëëde ni kwøw.

Jeremaya 42:22

Kiper manøgønø, wär putu ŋäc ennø nou di nääö ko opëëllö, ni thøwu ki käc ki täw mo leth, kanyo manynyu nou cøøa yie enø nou bëëdu yie.»

Jeremaya 6:27

Wuuö Jwøk aköö, ni «Ï na Jeremaya en, ïïna cïba dï jiya nee röökge raŋï kaamar ŋat wø päär nywïënyö ki maac, kiper nee jöör bëëtö marge ŋäyï.

Jøøn 1:42

Ni ööe ni käl gø baŋ Jecu. 'Ba na ö Jecu na neen gø, ena köö, ni «Bee ï, Cayman wär Jøøn. Beer, ïïno cwøl ni Ciipa, wala Piter;» na näk tiere beeye Kïdi.

Mana Nyooth 3:12

'Ba ŋato böödö, eno tïïa na werø yi Øt Jwøk Mana Dwøŋ mar Jwøa. Ni ba ö wøk yi gø bäre bäre. 'Ba nyeŋ Jwøa ogööra dëëre, ki nyeŋ pääny Jwøa, ni beeye Jerucalem mana nyään noo ööi ki maal ki baŋ Jwøa, ni gööra nyeŋŋa mo nyään dëëre.