Jeremaya 1:17 - Wëël Jwøk

¹⁷ «'Ba ennø, ï na Jeremaya en, jiiŋ riï ni ööï maal, ni caanï gïïo caana jïrï bëët jïge. Kärï lwäyö ki geni, niï ba døøya mo lwäär nyïmge.

Jeremaya 1:17 Iomraidhean Croise

1 Nyeye 18:46

Kanyøgønø, teek Wuuö Jwøk aput ö bäät Ilaaja, ni ö Ilaaja ni twöö abïïne piere, ni put reŋ maal nyïm Akap ni reŋ Jedhriel.

2 Nyeye 1:15

'Ba nyïïatwiel maal mar Wuuö Jwøk aköö jï Ilaaja, ni «Ci piny kunece ki eni; kär niï lwäyö ki eni.» Kanyøgø, Ilaaja aput ö maal ni ci piny baŋ nyeya ki eni na aciel.

2 Nyeye 4:29

'Ba Ilaaca aköö jï Gaadhi, ni «Twöö abïïnï pierï ni lwørï athøra mara, ni aayï. 'Ba ni näk miï røømmø ki dhaanhø mør, kär eni määthï; ni näk mo da ŋat mo määtha ïïni, kär niï dwøga gø jïre. 'Ba athøra mara wär cïp täärnyïm nyilaal.»

2 Nyeye 9:1

'Ba nyikuŋ Jwøk ma Ilaaca acwötö ki dhaanhø aciel røk lwaa nyïïkuk Jwøk moa therø, ni kööe jïgø, ni «Lwør wïl maaw en, ni twöï abïïnï pierï, ni ci Ramöth-Gelät.

Jööp 38:3

'Ba ennø, jek riï kaawat man wø tïïc dïcwøø. Aani, ï pëënynya pëënynyö ki pïëc nee løgï jïra.

Bwøth Wøk 3:12

Ni kö Jwøki, ni «Ka adïëri møn, aano en buutï; 'ba gïno ŋäyï gø ki gø ni beeye aani na jääŋ ïïni beeye en, kanyo nø kälï jiy wøk ki yi Ijep, aano wøørru ni aana Jwøk maru bäät kïdi man en.»

Bwøth Wøk 7:2

Luup bëët moo caana jïrï ocaanï jï coku ma Aran, ni ö eni ni caan gø jï Peerø, kiper nee jø Icriel wiie nee aacge yi ŋöömö mare.

Jeremaya 1:18

'Ba ka adïëri møn, aani, ïïna tïïa kaamar pääny mo ogeerø ni teek, kaamar werø mar nywïënyö, kaamar kiir mo otïïc ka nywïënyö ma jwïël, niï ba lønyï ki böötö jï jø paani bëët, ni beege nyeye mo Juuda, ki jøøa kwörge, ki dïlämme moe, ki jø paac bëët.

Jeremaya 17:18

Beerra man lää wïth jø wø 'caan aani, 'ba beerra man ba lää wïïa; beerra man tïm dëëtge ni kwanynyi ki lwär, 'ba beerra man ba tïm dëëra ni kwanynyi. Beerra man kälï cäŋ gïï mo leth bäätge, ni raanynyï geni ka aranya mo raac døc.

Jeremaya 23:28

Beerra man ö nyikuŋ Jwøki mana lägö ni caan gø ni beeye lääk mare keere, 'ba beerra man ö nyikuŋ Jwøki mano wïny luumma ni caan gø na kare. ?Aŋø, lethø pere wø leth kaamar beel?

Jeremaya 26:12

'Ba Jeremaya acäänö ki jøøa kwörge døøŋŋø bëët ki jiy bëët, ni kööe, ni «Wuuö Jwøk aana jääŋŋe nee luup moa wïnynyu bëët yøø køba dëër Øt Wuuö Jwøk man en ki päänyi en.

Jeremaya 26:2

Wuuö Jwøk aköö, ni «Cuŋŋï dï kal mar øtø mara, ni caanï luummi en jï jiy bëët mo wø bëëdö yïth päänye mo Juuda, mo wø ö baŋ lam yi øtø mara, ni beege luup moa caana jïrï bëët nee caanï jïge, ni bäŋ luubö aciel mo weyï.

Jeremaya 36:8

Ni ö Baruki o Neriya ni tïïc gïnögø na kare ki køør moa caan nyikuŋ Jwøki ma Jeremaya bëët jïre, nee luup Wuuö Jwøk kwaane yi wëëlö yi øt Wuuö Jwøk.

Wëël Kïmmö 3:57

'Ba kanya cwøla ïïni, ïïna nyänh kany mo cään, ni kööï, ni «Kärï lwäyö!»

Joona 3:2

ni «Ö maal ni ciï Nineba, päänya dwøŋ, ni køpï dwøro caana jïrï yie.»

Luk 12:35

«Bëëdu na abïïgu you kïth dëëtu, ni lambae mou liel,

Moa Tïïc Nyïïatwieli 20:20

Ni kära lwäyö ki man køba jammi bëët jïïu moa doo beyø kiperu ki man wïnynyu gø. Ni pwönynya uuni nyïm jiy bëët, ni cäŋa pöö naa cøøa yi ødi nø ki ødi nø,

Moa Tïïc Nyïïatwieli 20:27

Kiper a kär lwäyö ki man caana luup Jwøk bëët jïïu.

1 Körin 9:16

'Ba ni näk maa køpa luumma nyään na met, doo bäŋ gïn maa doo töödö kipere. Kiper køp luummögø ba maara wec. Ni doo tïmö ni raac jïra ni näk maa ba køp luumma nyään na met.

1 Thecalönika 2:2

'Ba waani, këël na jwørwa gïï mo leth ni caan wa døc yi Pilipay, kaawat mana ŋäyu gø, cwïnywa amakwa ki ri Jwøk marwa ki man køpwa luumma nyään na met na näk mar Jwøk jïïu, ni waano mänö døc ki man caanwa gø.

1 Piter 1:13

Kiper manøgønø, caarru wïthu døøc ni magu wïthu, ni ŋääthu met ec ki cwïnynyu bäre, mano jootu yi cäŋo nyooth Jecu Krictø yie.