Jeremaya 1:16 - Wëël Jwøk

¹⁶ naa jääla geni kiper rääö marge na wecge aani ni cïpge ko olämme jï juu møøk, ni wøørge gïïa tïïcge ki ceŋge.

Jeremaya 1:16 Iomraidhean Croise

2 Nyeye 22:17

Kiper aana kwierge, ni wääŋge ki jer wø jïcge ŋwääi ni met jï juu møøk ni ge tïïya aani naa goota ki køør tïïe bëët moa temge ki ceŋge. Kiper manøgønø, wëër mara liel bäät paani kaamar maac, ni bëëde ni ba cuŋ.›

2 Luup Nyeye 15:2

ni ci wøk kuna røømge ki nyeya ma Aca, ni kööe jïgø, ni «Cek ïthï baŋa, ï na nyeya ma Aca, ki uuni bëët, u na jø tuuŋ Juuda ki jø tuuŋ Benjamen. Wuuö Jwøk, kany wø bëëdu dëëre, bëëdö ki uuni. Ni näk mo eni manynyu manynyø, eni jootu joodø; 'Ba ni näk eni you wiiø, u wiie wiiø thuwø.

2 Luup Nyeye 28:2

'Ba ena bëëdö ni caatha køør tïïe moa tïïc nyeye mo Icriel, ni lëënye ki kït gïï wø lam kiper juu mo wø cøøri ni Baal.

2 Luup Nyeye 34:25

Kiper aana wecge ni wääŋge ki jer wø jïcge ŋwääi ni met jï juu møøk, ni ge tïïya aani naa goota ki køør tïïe bëët moa temge ki ceŋge. Kiper manøgønø, wëër mara kïtha bäät Jerucalem, ni bëëde ni ba cuŋ.›

2 Luup Nyeye 7:19

«'Ba ni näk mo ïïni ki jø Icriel nyïmmu you løø wøk ni weyu luup 'moa ki ciik 'moa na köömma uuni ki ge, ni cou ni tïnynyu juu møøk ni lammu geni,

Aydheea 2:8

Ŋöömö marge bëëdö no opäŋ ki gïï wø lam na tïïcge ki ceŋge, ni ge wøøra gïïögø na tïïcge ki lweetge.

Aydheea 37:19

ni nø leeŋge juu mo jøøgø yi maac, kiper ge paa juu cøøn, 'ba gena gïï mo tïïc jiyi ka ceŋge, ni beege jen ki kïte jaak. 'Ba gena put nyeye mo Aciria raanynyø møn.

Aydheea 44:15

Køøre nø, tïmö na jer maac jï dhaanhø. Møøk wø lwøre lwørø ni juŋe ki ge, ni äp møga ni thaal cam ki ge; ni tieŋ mør na kït gïn wø lam, ni wøør gø. Eni kït gïn wø lam wø di tieŋø møn, ni këël cøŋŋe piny nyïm gø.

Aydheea 65:3

Ni beege jø wø tïïc aani cooth naa goota, ni wø cïp olämme moge jï juu møøk yïth ajïniine, ni wø wääŋö ki gïï wø jïcge ŋwääi ni met bäät thuube,

Jeremaya 10:15

Geno oballe jaak, ni gena gïï mo di päädö; kanyo tïme na cäŋ ajäla mana wäŋŋi kiperge, ge ränynyö.

Jeremaya 10:3

Kiper gïï wø lam juurre ki køør kööŋŋe moge beege oballe jaak. Kiper geni jaath wø ŋøtge ŋødø paap, ni tieŋi ya rëëmme ki kweey dïnöök.

Jeremaya 11:12

Køøre geni ni wø bëëdö Jerucalem ki yïth päänye mo Juuda bëët, geno cii ni jwöŋge dëët juuga path ni wø wääŋge jïge ki gïn wø jïye ŋwääi ni met; 'ba ka adïëri møn, ge ba piem juugögø kanyo enge yïth gïï mo leth.

Jeremaya 11:17

'Ba Wuuö Jwøk, eni na wïth jammi bëët, na këël tietu piny, aköö ni gïn mo leth käle ka bäätu, u na jø Icriel ki jø Juuda, kiper raay moa tïïyu ni u raanynya cwïnye ki køør mana waaŋŋu gïn wø jïye ŋwääi ni met jï Baal.

Jeremaya 15:6

Uuni, aana weyu, a na Wuuö Jwøk, ni bëëdu nou døøa ŋäthu. Kiper manøgønø, u jääla jäälö ni raanynya uuni; aana jøøm ni cwïnya ba wara ki uuni këët.

Jeremaya 16:11

køøre oløgï jïge ni Wuuö Jwøk aköö, ni ‹Beeye kiper mana ö kwäyu na wecge aani, ni caathge køør juu møøk, ni tïnyge geni ni wøørge geni; ni wecge aani møn, ni kärge ciik 'moa gwøø.

Jeremaya 17:13

Wui Wuuö Jwøk, ï ni wø ŋääth jø Icrielli, jiy bëët mo wø wec ïïni wïthge olääy. Ni jiy mo wø gaa wøk ki øtjöörï nyeŋge ogöör piny yi tør, kiper na wecge ï na Wuuö Jwøk, ï na näk jøøro mar pï kwøw.

Jeremaya 18:15

'Ba jiya aana wecge, ni tïmge ni ge wääŋö ki gïn wø jïye ŋwääi ni met jï juu mo oballe; ni ö juugögø ni wëëk tietge cwanynyø yïth uutjïëtha cääŋŋe na cørge yïthge, ni wëëkge ge wääth yïth uutjïëthe moa näk kär ŋeth.

Jeremaya 19:4

Kiper jiy 'moa aana wecge, ni tïïcge kany na kany wø lamge juu mo wïth juurre yie, ni waaŋge gïn wø jïye ŋwääi ni met jï juu moøgø mo kucge, mo kuc kwäcge, këël nyeye mo Juuda; ni pääŋge kany ki rem jiy mo bäŋ gïn mo ege baaø.

Jeremaya 2:13

Kiper jiya atïïö ki teeŋ raay ariiø; aana wecge, a na näk jøøro mar pï kwøw, ni kunyge ka aguule kiper dëëtge, na aguule mo laara cöötö ki kääk, mo bäŋ pïï mo mägi yïthge.» Luummögø caana Wuuö Jwøki.

Jeremaya 2:17

?Aŋø, ï na Icriel, gïnögø ba käla ï bäätï keerï ki køør mana weyï aani, a na Wuuö Jwøk, Jwøk marï, kanya bwødha ïïni øtjöö?

Jeremaya 2:19

Rääö marï otïmö ni pwöc jïrï, ni gaan wøk marï ïïno jwøe. 'Ba ennø, neenï døøc, ni ŋäyï gø, ni ki man weyï aani, a na Wuuö Jwøk, Jwøk marï, ni bëëdï niï ba lwär ki aani beeye gïn mo raac, mo duunnö ki räny cwïny.» Luummögø caana Wuuö Jwøki, eni na wïth jammi bëët.

Jeremaya 2:28

?'Ba u na jø Juuda, age juu mou moa tïïyu kiper dëëtu? Beerra man öge maal, ni näk mo løny jïge ki man piemge uuni kany wø enu yïth gïï mo leth; kiper juu mou thööth ni röömi ki kwään päänye mou.

Jeremaya 4:12

'ba beeye jamø mo käla baŋa mo teek mo kaala cer jamø manøgø. 'Ba ennø, aani, a caana luum ajäla manøgø jïïu.»

Jeremaya 4:28

Ki køør gïïögø bëët, piny bäre okïmmi, ni ö maalli ni tïme na muudhö, kiper ni caana gø en, yaa nø caar, ni cwïnya ba wara, naa ba døøa ŋääa ki man tïïa gø.»

Jeremaya 44:17

'Ba ka adïëri møn, waani, gïna nø ö wøk ki dhøkwa tïïcwa tïïö, ni beeye ki man cïpwa ko olämme jï jwøa cwøl ni Gwanynyø Mar Maal, ni kunywa piny ki køøŋø jïre, ni caala mana wara tïïcwa, ki mana wara tïïc kwäcwa ki nyeye mowa ki jøøa kwörge døøŋŋø mowa dï Jerucalem ki yïth päänye mo Juuda bëët; ni kar kaace jïwa da cam mo päl, ni bëëtö marwa beer, ni bäŋ gïn mo raac mo otägö dëëtwa.

Jeremaya 5:29

?Aŋø, ge ba jääla gø nidïï kiper teeŋ gïïögø? ?Aŋø, gïnögø ba coola gø nidïï dëër paac mo temma teeŋ gïïögø?› » Luummögø caana Wuuö Jwøki.

Jeremaya 5:9

?Aŋø, ge ba jääla gø nidïï kiper teeŋ gïïögø? ?Aŋø, gïnögø ba coola gø nidïï dëër paac mo temma teeŋ gïïögø?» Luummögø caana Wuuö Jwøki.

Jeremaya 51:17

'Ba jiy bëët bëëdö ni wïthge bäŋ acaare, ni bäŋ gïn ŋäcge. Rëëm warkie, wïthge olää juuwi moa thiiwge, kiper juu moa thiiwge beege jap cwøk jaak, ni rege bäŋ jwïëy.

Jeremaya 7:17

?Aŋø, gïï wø tïïcge dï päänye mo Juuda ki dï uutjïëthe mo Jerucalem kärï joodø?

Jeremaya 7:18

Obwöre wø möödö ki jenni, ni ö wëëe ni äpge mäc, ni ö määnni ni cuutge ki muunni nee tïïge ki dääpe jï jwøa cwøl ni Gwanynyø Mar Maal, ni kunyge piny ki køøŋø jï juu møøk, ni ge raanynya cwïnya.

Jeremaya 7:9

Uuni, u wø kwädö, ni nääu ki jiy, ni kännu ki lugi, ni kööŋŋu ki tööt, ni waaŋŋu gïn wø jïye ŋwääi ni met jï jwøa cwøl ni Baal, ni cäädhu køør juu møøk mo käru kwøŋ ŋäc dïkwøŋ.

Edhikiel 16:18

Ni ö abïïga beyø moï ni kälï ge ni rïëbï ge dëëtge, ni ö maawi mara ki gïï wø jïcge ŋwääi ni met 'moa ni cïbï ge nyïmge na muuy.

Edhikiel 24:14

A na Wuuö Jwøk, luubö mara anø caana. Cäŋ man tïïa yie aløny ni öö. Aani cwïnya ba wara, ni bäŋ bäth ec mo nyoodha jïrï, wala ki man päth cwïnya ki gïrï. Aani ï jääla jäälö ki køør uutjïëthe moï ki japa reyø na tïïyï.› Luummögø caana aani, a na Kwäärö Wuuö Jwøk.»

Odheea 11:2

'Ba kanya cwøla ge naa manynya geni døc, aputge tïïc ni beeye man wecge aani døc. Geni, ge poot cïpö ko olämme jï juu mo wø cøøri ni Baal, ni ge wääŋö ki gïï wø jïcge ŋwääi ni met jï kït gïï wø lam.

Odheea 8:6

Kiper japøgø tïïya jø Icrielli! Ni kït gïno no otïïö kaamar nyirøøa enø patha Jwøk; ena gïn mo tieŋa dhaanhe ma rëëmmö jaak. Ka adïëri møn, eni di tøyø ni put petø na thäŋi.

Jool 2:11

Wuuö Jwøk dwøre omäri nyïm bäänyö na caal jø leny moe; ka adïëri møn, twïër marge dwøŋ døc, ni ge na jïëc dwør Wuuö Jwøk, ge teek døc. Ka adïëri møn, cäŋ Wuuö Jwøk dwøŋ, ni beeye cäŋ lwär. ?Aŋa ni løny jïre ki man jïëny gø?

Moa Tïïc Nyïïatwieli 7:41

Ni tïmge ki kït gïn wø lam mo caala nyirøøa yïth nïrögø ni cïpge ko olämme jïgø, ni mïn yïthge kiper gïïa tïïcge ki ceŋge.

Tiet Ciik 28:20

«Wuuö Jwøk acïëni, ki kier wïc mo päl, ka ajäla, jääŋŋe jääŋŋö bäätu ki bäät tïïe bëët mo wø tïïyu, këël mano ränynyu ni laaru thumö ki køør gïïa reyø noo tïïyu kanyo weyu eni.

Tiet Ciik 31:16

Ni kö Wuuö Jwøki jï Modhe, ni «Neenï, ï thøw ni läpï køør kwäyu. 'Ba jøøi ii, kanyo pïïcge yi ŋöömö mano cige yie enø, ge gëëmö ki aani ni tïm cwïnyge no onieŋ køør juu møøk, kaawat man wø tïïc dhaaŋ paaci mo rïïŋö køør käp; ni wecge aani, ni kwierge luubö mana tuuda ki geni.

Jøcua 24:20

Ni näk Wuuö Jwøk weyu wiiø ni tïnynyu juuga path, eni acaara mare di wiilø ni tïïe ki gïn mo raac dëëtu ni dïïr wïthu, këël na bëëde ni gïn mo beer ee nø tïïc jïïu.»

Mana Nyooth 9:20

'Ba jøøa dööŋ, na näk kär thøw ki jap räny piny moøgø, cwïnyge kärge løø ki man wecge wøør gïïa tïïcge ki ceŋge, ni ba wecge wøør anäge, ki gïï wø lam mo warkey, ki gwet-bïrö, ki jwëëlli, ki kïdi, ki jaath, gïï wø bäŋ gïn mo maarge raŋ, ni ge ba wïnyö, ni ge ba cäädhi.