Jeremaya 1:11 - Wëël Jwøk

¹¹ 'Ba dwør Wuuö Jwøk acäŋ ö bääta, ni pëëny aani, ni «?Jeremaya, agïnaŋø ni nëëni jïrï enø?» Ni kööa, na «A neeta bat jaath wø cwøl ni dïkuri.»

Jeremaya 1:11 Iomraidhean Croise

Wïlöölö 30:37

Køøre Jeekap alwötö ki bäät jenni mo poot thec røk teeŋ jenni adäk, ni lør geni ni kwör møøk nëënö ni tar.

Aydheea 55:11

aani thuwø, a na Wuuö Jwøk, luubö man wø ö wøk ki dhaa ba duu baŋa jaak ni gïna manynya nee tïïe käre thöörö, ni gïna jääŋŋa gø kipere käre wëëk thur kare.

Jeremaya 24:3

Køøre Wuuö Jwøk aana pëënynye, ni kööe, ni «?Jeremaya, agïnaŋø ni neetï enø?» Ni dwøga gø jïre, ni «Beege nyïïolämmi, nyïïolämmi moa beyø, beyø døc; 'ba nyïïolämmi moa reyø, reyø døc, ni ba løny ki cam kiper mana näk mo geno kwäk.»

Edhikiel 12:25

'Ba a na Wuuö Jwøk, aano cäänö, ni ö luupi moo cara ni laarge thur karge ni ba ruu. Wui, u na jø ageem! Yïth nïne mou moo beetu nou kwøw, a cäänö ki uuni, ni ö luupi moo cara ni wëëga ge thur karge.› Luummögø caana Kwäärö Wuuö Jwøki.»

Edhikiel 12:28

Kiper manøgønø, caanï jïge ni luumma caan Kwäärö Wuuö Jwøki bee en, ena köö, ni ‹Bäŋ luup 'moa mo ruu këët ni ba laar thur karge; gïno wäro caana jaak thura kare.› Luummögø caana Kwäärö Wuuö Jwøki.»

Edhikiel 7:10

«Ka adïëri møn, cäŋöca beeye en! Ena nø öö! Cäŋ man jääl uuni yie aløny ni öö; wëër mano ö bäätu anø tägö ki man nyooth ree; atöör anø døøŋŋø bäätu.

Amøc 7:8

Ni kö Wuuö Jwøki jïra, ni «?Amøc, agïnaŋø ni nëëni jïrï enø?» Ni kööa, ni «Beeye thøøl man wø nyooth thïïŋ gïrpiny.» Køøre Wuuö Jwøk aköö, ni «Bëët jiya ma jø Icriel orøma keda man wø røm dëër øtø ki thøøl man wø nyooth thïïŋ gïrpiny. Køøre nø, ge ba wiia këët.

Amøc 8:2

Ni kööe, ni «?Amøc, agïnaŋø ni nëëni jïrï enø?» Ni kööa, ni «Beeye gupa mo päŋ ki nyïïjenni moo ciek.» Køøre Wuuö Jwøk aköö jïra, «Aŋuun nïr jiya ma jø Icriel apäŋ kaamar nïr nyïïjenni mo ociek. Ennø, ge ba wiia këët.

Dhekaraya 4:2

Ni pëëny aani ni kööe, na «?Agïnaŋø ni neetï enø?» Ni løøa gø jïre, na «A neeta gïn wø cuŋ lambae bääte mo otïïö ki warkey, ki mäc abïriiø mo liel wïïe, ni wïïe da wïl maaw ki gïï ma abïriiø mo wø jääŋ maaw baŋ mäc moa liel.

Dhekaraya 5:2

Ni kö nyïïatwiel maalli jïra, na «Agïnaŋø ni neetï en?» Ni løøa gø, na «A neeta pïën mo määdö, mo bär mare gööye ma pïërariiø, ni dööŋ yie gööye apaar.»

Kwään Jiy 17:8

'Ba na tïme na aruunnø man, Modhe adøny yo oduŋkaany wø nyooth luumma tuut Jwøki ki jiy, ni joot athøny Aran na näk mar jø tuuŋ Libay no oløth, no othiew, no ojïtö ki nyïëdi mo ociek.