Jeremaya 1:1 - Wëël Jwøk

¹ Moi beege luup Jeremaya o Kilkiya, na en røk dïlämme moa bëëdö Anathöth yi ŋööm Benjamen.

Jeremaya 1:1 Iomraidhean Croise

1 Nyeye 2:26

'Ba nyeya aköö jï Abiethaar na näk Kwääy Lam Mana Dwøŋ, ni «Ci ya Anathöth kanya en pwöthi moï yie. Doo na ï rømi ka thøø cøøn. 'Ba ennø, ï ba nääa, kiper ïïni acanduk man wø nyooth luumma tuut Wuuö Jwøki ki jiy atïïyï nee kääri nyïm wära ma Deebit, ni caan ïïni na aciel ki wära bëët.»

1 Luup Nyeye 6:60

'Ba päänye moa cïp jïge ki baŋ jø tuuŋ Benjamen bee Gëba ki kwör kwaath moe, ka Alemeth ki kwör kwaath moe, ka Anathöth ki kwör kwaath moe. Päänye bëët moa ci jï nyïïkwaac Aran beege päänye apaar kurdäk.

2 Luup Nyeye 35:25

'Ba Jeremaya acääö ki duut man jwøk Jöcaya ki gø; 'ba këël yïth nïne moi jø wär ki dudi moa näk cwøw ki mään bëët, kany wø wärge ki dudi mo wø wär kiper thøø, wïthge wø parge parø ki Jöcaya. 'Ba gïnögø aput tïmö na kööŋŋö ki Icriel, ni gööri piny yi wëël dudi mo wø jwøk jiy ki ge kany wø thøwge.

2 Luup Nyeye 36:12

'Ba ena bëëdö ni tïïya gïï mo nëëni ni reyø ki jï Wuuö Jwøk, Jwøk mare, ni eni bëëdö ni dëëre käre dwøk piny nyïm nyikuŋ Jwøk ma Jeremaya, ŋat wø car luup Wuuö Jwøk.

2 Luup Nyeye 36:21

Gïnögø atägö ni wëëga luum Wuuö Jwøk thur kare mana caane ki dhi Jeremaya, këël mana ö ŋöömö ni mïn yie ki yïth cwiic jwöm moe. Kiper cwiic ränynyö moe moa näk pïërabïriiø acäŋ beetø na mo jwöm.

Edhera 1:1

'Ba na tïme na yi cwiir mana dïkwøŋ mana beet Kiröci nyeny Parca yi Babiløn, Wuuö Jwøk kiper nee luubö mana caane ki dhi nyikuŋ Jwøk ma Jeremaya thur kare, eni yi Kiröc nyeny Parca atheŋe, nee jääk dï paac mare bäre ki dwøl, ni dwøl manøgø thuwø, ogöör piny na ennønø:

Edhera 2:23

jø Anathöth beege jiy ma dïpa aciel ki pïërariiø ka abära;

Aydheea 1:1

Moi beege luup mo wø nyooth ki yi wïc na nyooth Jwøki jï Aydheea wär Amöth kiper jø Juuda ki jø Jerucalem yïth nïr Udhaya, ki Jötham, ki Eeyeth, ki Edhekaya, kanya bëëtge ni gena nyeye mo Juuda.

Aydheea 10:30

Wui, u na jø Gaalim, gööu ko oduuru døc ni döötu ena maal! Wui, u na jø Laaica, ceku ïthu. Wui, u na jø Anathöth, jøllu oduuru manøgø.

Aydheea 2:1

Man beeye luubö mana nyooth jï Aydheea wär Amöth kiper jø Juuda ki jø Jerucalem.

Jeremaya 11:21

Kiper manøgønø, Wuuö Jwøk mare aŋøle kiper jø Anathöth, jøøa many man 'näkge aani, na köö, ni «Kär luum Wuuö Jwøk køpï, niï ba 'näkwa.»

Jeremaya 29:27

?'Ba ennø, aperŋø nø na ba joogï Jeremaya nyï Anathöth ni køp luup jïïu enø?

Jeremaya 30:1

Man beeye dwør Wuuö Jwøk, Jwø Icriel, mana caane jï Jeremaya, ena köö,

Jeremaya 37:12

Jeremaya atïŋŋö Jerucalem ni eni cøøa yi ŋööm jø tuuŋ Benjamen, kiper nee ŋöömö mana näk kure lwøre ni jiy nutö.

Edhikiel 1:3

dwør Wuuö Jwøk aö bääta, a na dïlämi, ni bee a Edhikiel o Buci, bäät naam Kebar manøgø na en yi ŋööm jø Kaldia. Ni ö cer Wuuö Jwøki ni ö bääta kaace.

Daniel 9:2

yi cwiir mana dïkwøŋ kanya bëëde na nyeya, a na Daniel en, da tier gïn maa kwanya yïth weet Jwøk ki køør luubö mana nyooth Wuuö Jwøki jï nyikuŋ Jwøk ma Jeremaya, ki man näk mo ränynyö mar Jerucalem thöödhö ki cwiiri ma pïërabïriiø.

Amøc 1:1

Moi beege luupa køp Amøci, na en røk dïpïïth dïëk paana cwøl ni Tëköa. Luupögø beege moa nyooth jïre ki yi wïïe kiper jø Icriel yïth nïra beet Udhaya ni ena nyeny Juuda ki yïth nïra beet Jeröbäm o Jeyöac ni ena nyeny Icriel. Gïïögø akwøŋ nyooth jïre kanya poode ni poot dööŋŋa cwiiri ariiø ki man täk dïjäŋ pinynyi.

Amøc 7:10

Køøre Amaciya, eni na kwääc lam mar Bëthël, ajääk baŋ nyeny Icriel ma Jeröbäm, ni kööe, ni «Amøc manynya man tïïe ka ageem dëërï dï pou ma Icriel, ni luupa care bëët caala baa mo peek bäät paac.

Mathiew 16:14

Ni løkge gø, ni «Møøk wø köö, ni ‹Beeye Jøøn na näk dïlööy na nyuudhi,› ni kö møøki, ni ‹Beeye Ilaaja.› 'Ba møøk wø köö, ni ‹Beeye Jeremaya wala nyikugö aciel dï nyïïkuk Jwøk.› »

Mathiew 2:17

Kanyøgønø, gïna caan nyikuŋ Jwøki ma Jeremaya athur kare, na køp,

Mathiew 27:9

Kanyøgø gïna caan nyikuŋ Jwøki ma Jeremaya athur kare, na køp, ni «Geni gweta näk pïëradäk alwørge, ni beeye gweta ö jø Icrielli na jïëcge bäät gø ni beeye gät dhaanhø,