Jepaniya 3:7 - Wëël Jwøk

⁷ Kanyøgø aana cädö ni jø Jerucalem doo løny ki man lwäcge ki aani, ni wïnyge pwöc 'moa. Køøre ŋöömö marge daa wiiø ni ba raanynya këët, ni ö ajäla mara bäre mana näk yaa cïp piny kipere ni ba kïtha gø bääte këët. 'Ba geni, ge poot pänynya maal kuna tïïcge japa reyø ki yïth tïïe moge bëët.»

Jepaniya 3:7 Iomraidhean Croise

Wïlöölö 6:12

Ni ö Jwøki ni neen bäät piny, ni joot gø ni päŋ ki raay; kiper jiy bëët jöör bëëtö marge ege raanynyø bäät piny.

2 Luup Nyeye 33:11

Kiper manøgø, Wuuö Jwøk kwääc lwaae mo leny mo nyeny Aciria akäl bäätge, ni makge Maneeca, ni gänge um gø ki gïn mo caala obïth, ni twöcge gø ki tiimme mo tïïc ka nywïënyö ma jwïël, ni kïthge gø Babiløn.

Jööp 36:10

Eni ge wø tïïe tïïö nee ïthge cekge ki pwöc, ni kööm geni ki man løkge cwïnyge yïth raay moge.

Pwöc Leec Wïc 19:20

Wïny köömmö ni jïëyï pwöc, niï bëëdï ni wïïï leer yïth nïr kwøw moï.

Aydheea 5:4

?Agïnaŋø mør këët nø, noo tïïa mo odööŋ ni kära tïïö kiper pwöth jer omøki mara? ?Kanya bëëda naa koora nyïëdi mo beyø ki man nywøl gø, aperŋø ni tïme ni nywøla nyïëdi mo reyø?

Aydheea 63:8

Kiper Wuuö Jwøk aköö, ni «Ka adïëri møn, gena jiy 'moa, ni beege obwöre mo ba løny ki man cäänge ki tööt jïra.» Kiper manøgønø, Wuuö Jwøk atïmö na pïëmi marge.

Jeremaya 17:23

'Ba kwäyu, mara kärge wïnynyö, ni kärge ïthge ciiø ki dwøra. 'Ba wïthge adøøcge mo teek, ni kärge pwöc mara wïnynyö ni kärge gø jïëö.

Jeremaya 25:5

Ni mana køpge beeye, ni ‹Løgu rou ennø, ni weyu uutjïëth raay mou ki tïïe mou na reyø; køøre u bëëdö yi ŋöömö man na cïp Wuuö Jwøki jïïu ki kwäyu na bäre bäre.

Jeremaya 36:3

Kiper kanymør ni jø Juuda gïna leth na caara kiperge ni 'käla bäätge wïnyge wïnynyö, ni ö ŋati man nø dïge ni luu ree ni wec jöör bëëtö mare na raac; køøre nø, gïïa bacge ki raay moge wëënna wëënnö.»

Jeremaya 38:17

Køøre Jeremaya aköö jï Cëdëkiya, ni «Luumma caan Wuuö Jwøki, Jwø Icriel, eni na wïth jammi bëët, beeye en: Ni näk cerï cïpï cïbö møn jï jøøa kwörge døøŋŋø mo nyeny Babiløn, ï bëëdö niï kwøw, ni pääny man ba waaŋ, ni ö ïïni ki jø paarï ni bëëdu nou kwøw.

Jeremaya 6:8

Ï na Jerucalem, ï köömmi; 'ba ni näk miï ba köömmi, ø pääö ki ïïni, ni tïïa ïïni na paac mo owii kur keere, na ŋöömö mo ba beet.»

Jeremaya 7:7

aani, u wëëga bëëtö kany yi ŋöömö mana cïba jï kwäyu cøøn nee bëëde na marge na bäre bäre.

Jeremaya 8:6

Aani, ïtha aciia ni wïnynya luup moge, 'ba ge cara luup mo patha adïëri. Bäŋ ŋat mo cwïnye opädhö ki bääyö mare, mo wïïe ee parø ki gïna raac na tïïe. ŋati man nø atïmö ni lääta køør gïï wø manynye kaamar okweeny mo lääta baŋ leny.

Odheea 9:9

Uuna døny yïth raay døc, ni caala mana tïïc yi Giba; 'ba Jwøk wïïe opare ki rääö maru, ni jääl uuni kiper raay mou.

Jepaniya 3:2

Eni bäŋ dwøl mo wïnynye, ni bäŋ acaara mo jïëe. Eni Wuuö Jwøk käre ŋäädhö, ni eni ba nyiik buut Jwøk mare.

Tiet Ciik 4:16

kiper nou ba tïïu ki gïï mo kännö ki raay, ni beeye ki man tëëŋŋu dëëtu ki kït gïrpiny jaak mo kïte caala kït dïcwøø wala kït dhaagø, nee lammu;

1 Timöthi 1:5

'Ba tier pwöc marø beeye mëër mo käla yi cwïny mo tar, ki bëëtö ma adïëri, ki ŋäädhe ma adïëri.

2 Piter 3:9

Kiper Wuuö ba dwiil ki mana buue, keda man wø caan jø møøki ni dwiil, 'ba eni poot koora uuni ni cwïnye ee cïp piny, ni bäŋ ŋat manynye nee ränynye, 'ba eni manynya jiy bëët nee thumge ri løk cwïny.