Jepaniya 3:2 - Wëël Jwøk

² Eni bäŋ dwøl mo wïnynye, ni bäŋ acaara mo jïëe. Eni Wuuö Jwøk käre ŋäädhö, ni eni ba nyiik buut Jwøk mare.

Jepaniya 3:2 Iomraidhean Croise

Neemiya 9:26

«'Ba geni, luummï kärge wïnynyö; gena gëëmö ki Ïïni, ni løøge ciik moï ŋäthge. Geni nyïïkuk Jwøk moï anäkge, jøøa kööm geni ki man luuge rege baŋï, ni ö geni ni bëëtge ni marge beeye ajaany mo dwøŋ kiree.

Pwöc Leec Wïc 1:7

Ki man lwäär Wuuö Jwøk beeye täk kwänynyö, 'ba jøøa wïthge känni, ge män ki leec wïc ki pwöc.

Pwöc Leec Wïc 5:12

ni kööï, ni «Pwöc yaa kwierø kaperŋø, ni bëët cwïnya no okweer ki köömmö!

Aydheea 1:5

?Aperŋø ni poot bëëdu ni uuno nieŋ yïth raay en? ?U poot manynya man pwöt uuni? Wïthu moø bëët bëëdö no opääŋ täwi, ni ö cwïnynyu ni kwääli ya raayi;

Aydheea 29:13

Kanyøgø Wuuö Jwøk aköö, ni «Jøøi ii, gena ö kany mo cään ki aani ki dhøkge jaak, naa wøørge ka lëëpge, 'ba cwïnyge karge bäär ki aani, ni jöör lam marge tïïcge ka køør ciik moa tïïc jiyi.

Aydheea 31:1

Wui, otïmö ni leth jï jø oci Ijep kiper køny, ni beege jø wø kïth ŋäädhe marge bäät okwëënyi, ni wø ŋääth thööth mar jïëth leny mo wø tut okwëënyi, ni wø ŋääth teek mar jø leny mo wø këëdi ki bäät okwëënyi; 'ba geni, ge kär göök ri Jwø Icriel na en kur keere, ni kärge eni manynyø, eni na Wuuö Jwøk.

Aydheea 43:22

«'Ba ï na Jeekap, nyeŋŋa kärï cwølø. Wui, ï na Icriel, ïïna jøøm ki aani.

Aydheea 9:12

ni beege jø Aram moa en jï løø kur tuul-cäŋ, ki jø Pilitin mo wø bëëdö jï løø kur pänh-cäŋ, ni thöörge jø Icriel kaamar lääy mo dhee ee ŋaammø ni mare löönyö. 'Ba këël køør japøgø bëët, wëër mar Wuuö Jwøk ree poot ba paanye; cere poot bëëdö ni ee rwieø.

Jeremaya 13:25

Ni man beeye kurï, gïno tïïa dëërï, kiper wïïï awïl ki aani, a na Wuuö Jwøk, ni bëëdï niï ŋäätha luup tööt.

Jeremaya 2:30

Aana tïïö ki gïï mo leth dëëtu, 'ba bäŋ pwöc mo you wïnynyö; opëëlle mou nyïïkuk Jwøk mou athöörge kaamar ŋuu mo owär.

Jeremaya 22:21

Uuna köömma kanya bëëdu ni bëëtö maru jööt jaak, 'ba uuna köö, ni ‹Marï ba wïnywa!› Manøgø beeye bëëtö maru cøøn ki mana täge ki kanya täk paac yie, ni dwøra ba wïnynyu.

Jeremaya 32:33

Ni öge bëët ni luuge ŋäthge baŋa ni patha nyïmge; ni këël na bëëda naa pwönynya geni cooth, ïthge kärge ciiø nee pwöc wïnyge.

Jeremaya 35:13

ni «Luumma caan Wuuö Jwøki, Jwø Icriel, eni na wïth jammi bëët, beeye en: Ciï ni caanï gø jï jø wø bëëdö Jerucalem ki dï Juuda bäre, ni Wuuö Jwøk aköö, na ‹?Aŋø, luup 'moa ba wïnynyu nee pwöc kwanynyu?

Jeremaya 35:17

«Kiper manøgønø, luumma caan Wuuö Jwøki, Jwø Icriel, eni na wïth jammi bëët, beeye en: ‹Ka adïëri møn, a känna bäät jø wø bëëdö Jerucalem bëët ki dï Juuda bäre ki gïn mo leth, ni beeye gïna näk yaa nø caan ni 'käla bäätge, kiper aana cäänö ki geni, ni kärge mara wïnynyö, ni cwøla geni, ni kärge mara løø.› »

Jeremaya 5:3

Wui, ï na Wuuö Jwøk, ï manynya gïn ma adïëri. Ïïna tïïö ki gïï mo leth dëëtge, 'ba kärge lääŋŋö; gena thöörï, 'ba gena dhäthö ki man tiirge rege. Cwïnyge atïïcge ni teek ni kaala kïdi, ni kweerge ki man løkge cwïnyge.

Edhikiel 22:24

ni «Wär dhaanhø, caanï jï ŋööm Icriel, ni ‹Ïïna ŋöömö mo kär tïïö ni tøŋ, kiper bäŋ køth mo opädhö bäätï yi cäŋ wëër mara.›

Edhikiel 24:13

« ‹'Ba ennø, ï na Jerucalem, japa reyø na tïïyï, ïïna tïïcge niï ba waany. Kiper ïïna päänynya ki man penya ïïni, 'ba ï kär tïmö niï waany yïth japa reyø na enï yïthge. 'Ba ïïni, ï ba tïmö niï tøŋ këët këël kanyo ö wëërri mara noo røm riï.

Jepaniya 1:6

ni beege jøøa døø ŋäthge ki man ba cääthge køør Wuuö Jwøk, na kweer ki man manyge gø wala man pëënyge gø.»

2 Timöthi 3:16

'Ba wëël Jwøk bäre göör ka dwør Jwøk, ni beer kiper pwöc, ki jook dhaanhø, ki twieny bëëtö, ki pwöny røk ki moa beyø.

Ibaru 10:22

beerra man nyiigø kany mo cään ki cwïny ma adïëri, ni ŋäädhe päl cwïnynyø, ni cwïnynyø ojørø ni leer, ni bäŋ raay mo pär cwïnynyø ki ge, ni dëëtø olwøø ki pïï mo tøŋ.