Jepaniya 2:9 - Wëël Jwøk

⁹ Kiper manøgønø, Wuuö Jwøk, Jwø Icriel, eni na wïth jammi bëët, aköö, ni «Ka adïëri møn, kaa man bëëda naa kwøw en, jø Möap, poge tïmö kaamar Cødam, ni ö jø Amönni ni tïm poge kaamar Gømöra; ni ö luummi mo raac ni put tuuö yïth ŋøøpge, ni tïm ŋøømmi moge na buri mo acäbö, ni put ŋöömö ränynyö na bäre bäre. Jiy 'moa moa dööŋ ni kwøw, jap jøøgø otwierge, ni putge bëëtö yi ŋöömö mar jøøgø ni tïme na marge.»

Jepaniya 2:9 Iomraidhean Croise

Aydheea 11:14

'Ba geni bëët geno løøc piny baŋ jø Pilitin, ni läätge bäätge jï løø kur pänh-cäŋ. Dëëtge odwalge ni twierge jiy mo wø en jï løø kur tuul-cäŋ, ni tïm jø Ëdömmi ki jø Möap ni ena tietge, ni tïm jø Amönni ni bëënna geni.

Aydheea 25:10

Kiper Wuuö Jwøk cere ocïp bäät kïdi man, 'ba jø Möap onyøri kar bëëtö marge, kaaman wø nyør wär mo ojääbö ki juu ki pïï.

Aydheea 49:18

Tïŋu wïthu maal ni lwïthu; jø pou bëët rege acooŋge ni ge ööa baŋu.» Ni kö Wuuö Jwøki, ni «Ka teeŋ man bëëda naa kwøw en, geni ge kïthu dëëtu kaamar jap mïërö, ni meenu ge dëëtu kaamar jap nywöm.

Jeremaya 46:18

'Ba Nyeya na näk nyeŋŋe beeye Wuuö Jwøk, eni na wïth jammi bëët, ena kööŋ, ni «Ŋëëta keera, a na Wuuö Jwøk, da ŋat mo öö mo tuga Ijep mo kare dwøŋ, mo caala Kïn Tabör ni wø dwøŋ døc yïthakic kïte, ki Kïn Karmël ni wø en deŋ naama dwøŋ.

Jeremaya 48:1

'Ba man beeye luumma caan Wuuö Jwøki, Jwø Icriel, eni na wïth jammi bëët, kiper Möap, ena köö, «Otïmö ni raac jï Nebø, kiper eno nyak. Ni ö Kiriatayimmi ni maai ki tøŋ, ni lää wïth jiy moa en yie; ni ö jø wø bëëdö kwöra näk ogeerø ni teek ni bwøk cwïnyge, ni tïm wïthge ni laay.

Jeremaya 49:1

'Ba man beeye luumma caan Wuuö Jwøki kiper jø Amön, ena köö, na «?Aŋø, Icriel bäŋ nyïïkwaaye? ?Aŋø, Icriel jïre bäŋ lwiidhi? ?Aperŋø nø na ö jø wø lam Milköm ni macge ŋööm Icriel mar jø tuuŋ Gaat en, ni bëëtge yïth päänye moe?

Jeremaya 49:18

Teeŋ gïna tägö dëër Cødam ki Gømöra, ni ränyge ki mïëri moa kwörge cärö ki geni, tägö dëër Ëdöm, ni bäŋ ŋat mo bëëdö yie, ni bäŋ ŋat mo joot kaace.

Jeremaya 49:33

Adhör otïmö na kar bëëtö mar othööe, ni bëëde noo ränynyö na bäre bäre, ni bäŋ ŋat mo bëëdö yie, ni bäŋ ŋat mo joot kaace.»

Jeremaya 50:40

Teeŋ gïna tïïc Wuuö Jwøki dëër Cødam ki Gømöra, ni ränyge ki mïëri moa kwörge cärö ki geni, tägö dëër Babiløn; ni bäŋ ŋat mo bëëdö yie, ni bäŋ ŋat mo joot kaace. Luummögø caana Wuuö Jwøki.

Amøc 1:13

Wuuö Jwøk aköö na ennø, ni «Kiper mana ö jø Amönni na kaathge bääyö marge, a ba døø ŋääa ki man jääla geni, kiper määr jø Gelät moa näk yïthge da jiy arietge ri leny mana këëlge ki jø Gelät, ni ge nyaaya nyeŋ kee moge.

Amøc 2:1

Wuuö Jwøk aköö na ennø, ni «Kiper mana ö jø Möapi na kaathge bääyö marge, a ba døø ŋääa ki man jääla geni, kiper cuu mo nyeny Ëdöm awaaŋge na bäre, këël mana tïmge na bur.

Jepaniya 2:14

'Ba oput tïmö na kar rïc jï pïïth dïëk ki pïïth dhäk, na kany bëët wïth lääy ma teeŋi yie. Tule ki teeŋ wec wäär møga bëët geno noor wïth were mo uudi moe. Weny otïmö ni ge jwöŋi ka dhøk awëërnyeŋŋi mo uudi moe, ni dhøk uudi moe bëëdö no otøyø piny jaak, ni gute mo uudi nëënö wøk jaak.

Jepaniya 2:7

Ni put ŋöömmögø tïmö na mar jø dhi øt Juuda moa no odööŋ ni kwøw, ni tïme ni dïëk moge kwaacge yie. 'Ba wø tïme na abøøya, geno wäro ci yïth uut jø Ackelön kuna butge yïthge; kiper geno gwøk Wuuö Jwøki, Jwøk marge; ni ö eni na Wuuö Jwøk ni cäŋ bëëtö marge dwøk kare.

Jepaniya 3:13

'Ba jø Icriel moo dööŋ ni kwøw ge ba bääö këët, ni ge ba cäänö ki tööt këët, ni bäŋ luup cwøk mo wïnynyi dhøkge këët. 'Ba geno cämö ni butge jaak, ni bäŋ ŋat wëëk geni lwär.»

Dhekaraya 2:13

Wui u na jiy bëët, noukïïl nyïm Wuuö Jwøk, kiper ena nø ö maal ki kar bëëtö mare na en kur keere.»

Kwään Jiy 14:21

'Ba ka adïëri møn, kaawat man bëëda naa kwøw en, a na Wuuö Jwøk, ajiem mara bäät piny bäre opääŋe.

Wëëlö Mana Göör Pøølli Baŋ Jø Röm 14:11

Kiper ogöörö, ni «Wuuö Jwøk aköö, ni ‹Kaawat man kwøa en, cøŋŋi bëët okëël piny nyïma, ni ö lëëpi bëët ni pwøcge aani na Jwøk.› »

Tiet Ciik 29:22

«'Ba beenhnhø mano ööi cään, ki juurre mo käla kany mo bäär, kanyo jootge täwe ki gïïa leth na tägö yi ŋöömmu, na tïïc Wuuö Jwøki, ge köö,

Tiet Ciik 29:23

ni ‹Ŋöömö bäre awaaŋ ni ränynye, ni tïme na bur ni caala acäbö, ni bäŋ gïn mo pïïth yie, ni bäŋ gïn mo ciek yie, ni bäŋe luum mo tuy yie, kaawat gïna tägö dëët päänye moa cwøl ni Cødam ki Gømöra ka Adama ki Dheböym, na raany Wuuö Jwøki ki køør wëër mare.›