Jepaniya 2:8 - Wëël Jwøk

⁸ Wuuö Jwøk aköö, ni «Aani, ajaany mar jø Möap, ka ajøøŋ mar jø Amön mana tïïcge dëët jiya, ki luupa reyø na carge dëër ŋöömö mar jiya, awïnynya.»

Jepaniya 2:8 Iomraidhean Croise

Wïlöölö 19:37

Ni ö nyaana dwøŋŋi ni nywøl dhaanhø na dïcwøø, ni cak nyeŋ wääde ni Möap; ni beeye na kwar jø Möap këël dïcäŋi ennø.

Wïlöölö 19:38

Ni ö nyaana thiinhnhi ni nywøl dhaanhø mare na dïcwøø thuwø, ni cak nyeŋ wääde ni Ben-Ami; ni beeye na kwar jø Amön këël dïcäŋi ennø.

Aydheea 15:1

'Ba luumma nyooth Wuuö Jwøki kiper jø Möap beeye en: Ëër na näk pääny Möap aränynyö, araanynyi ki wäär aciel! Kir na näk pääny Möap aränynyö, araanynyi ki wäär aciel!

Aydheea 16:6

'Ba waani, atöör mar jø Möap awïnywa, ki koorrø marge, ki bëëtö marge ni dëëtge ege tïŋ maal, ki gootø marge; 'ba ŋwøc marge bäŋ tiere.

Jeremaya 12:14

Mana caan Wuuö Jwøki beeye en, ena köö, ni «Ka adïëri møn, mïëc wïth juurre moa reyø na kïïö ki jiya, na tuk paac mana cïba jï jiya ma jø Icriel, ge cööda wøk yïth ŋøøpge, ni cööda jø Juuda wøk thuwø yïthakicge.

Jeremaya 48:1

'Ba man beeye luumma caan Wuuö Jwøki, Jwø Icriel, eni na wïth jammi bëët, kiper Möap, ena köö, «Otïmö ni raac jï Nebø, kiper eno nyak. Ni ö Kiriatayimmi ni maai ki tøŋ, ni lää wïth jiy moa en yie; ni ö jø wø bëëdö kwöra näk ogeerø ni teek ni bwøk cwïnyge, ni tïm wïthge ni laay.

Jeremaya 49:1

'Ba man beeye luumma caan Wuuö Jwøki kiper jø Amön, ena köö, na «?Aŋø, Icriel bäŋ nyïïkwaaye? ?Aŋø, Icriel jïre bäŋ lwiidhi? ?Aperŋø nø na ö jø wø lam Milköm ni macge ŋööm Icriel mar jø tuuŋ Gaat en, ni bëëtge yïth päänye moe?

Wëël Kïmmö 3:61

Wui Wuuö Jwøk, ajøøŋ marge awïnynyï, ki gïïa tuutge bëët na kïthge bääta.

Edhikiel 21:28

«'Ba ï na wär dhaanhø, caan gïn ni kööï ni man bee luumma caan Kwäärö Wuuö Jwøki kiper jø Amön ka ajøøŋ mana tïïcge, ena köö, «no ‹Opëëllö anø wöth wøk kiper 'näk, ni bëëdö no othoodhø nee räänye, ni eni malli døc kaamar agaackøth.

Edhikiel 25:1

'Ba dwør Wuuö Jwøk aö bääta ni kööe,

Edhikiel 35:12

Køøre nø, ŋäyï ŋääö ni bee aani na Wuuö Jwøk na wïny japa reyø bëët na caanï dëët kïte mo Icriel, na kööï, ni «Gena nø niruuth piny ni ränyge, ni cïp geni jïwa, ni camwa geni na mowa.»

Edhikiel 36:2

Man beeye luumma caan Kwäärö Wuuö Jwøki, ena köö, ni ‹Nyïïmän mou gena ŋeethø bäätu ni buuge uuni ni köge, ni «Thuuri moa bäyö na käl ya acääŋŋe adööŋ jïwa na mowa.» ›

Amøc 1:13

Wuuö Jwøk aköö na ennø, ni «Kiper mana ö jø Amönni na kaathge bääyö marge, a ba døø ŋääa ki man jääla geni, kiper määr jø Gelät moa näk yïthge da jiy arietge ri leny mana këëlge ki jø Gelät, ni ge nyaaya nyeŋ kee moge.

Amøc 2:1

Wuuö Jwøk aköö na ennø, ni «Kiper mana ö jø Möapi na kaathge bääyö marge, a ba døø ŋääa ki man jääla geni, kiper cuu mo nyeny Ëdöm awaaŋge na bäre, këël mana tïmge na bur.

Jepaniya 2:10

Manøgø otïmö na gïno cool dëëtge na kar atöör marge, kiper gena jädö ni buuge jic Wuuö Jwøk, eni na wïth jammi bëët.

Jøcua 5:9

Køøre Wuuö Jwøk aköö jï Jøcua, ni «Dïcäŋi en, gïna raac na eel jø Ijepi bäätu aŋeela wøk.» 'Ba nyeŋ kaace aput cwøl ni Gëlgela këël dïcäŋi en.