Jepaniya 2:5 - Wëël Jwøk

⁵ Wui jø Kelita, otïmö ni leth jïïu, u ni wø bëëdö bäät naama dwøŋ. Wui, u ni en yi ŋööm Keenan, ni beeye ŋööm jø Pilitin, dwør Wuuö Jwøk jääla uuni. Eni u raanynye raanynyø, ni tïme ni bäŋ dhaanhø mo dööŋ mo beet ŋöömmögø.

Jepaniya 2:5 Iomraidhean Croise

Aydheea 14:29

«Wui, u na jø Pilitin u bëët, kär yïthu mïnnö kiper mana toor athøra mana pwöt uuni ki gø, kiper athøra manøgø otïmö na thwöl mo olwierø mo wïnni døc, ni ö nyi thwör olwierø manøgø ni tïme na thwöl mo määdö.

Aydheea 14:30

'Ba jiy moa näk dëëtge ba løny ki køny jïge, ge jïtö ki cam. Ni ö jiyi moa can ni bëëtge piny ni geno gwøø. 'Ba uuni, wïthu dïïra dïïrö ki käc, ni ö jiyu moa no obøth ki thøø ni thööri ya käci manøgø.

Jeremaya 47:7

?'Ba opëëllö olïŋe nidïï, ni eni yaa nø köömmö, a na Wuuö Jwøk, ki man raany jø Ackelön ki jø tiet mïëri moa bëëdö bäät naama dwøŋ?»

Edhikiel 25:16

kiper manøgønø, Kwäärö Wuuö Jwøk aköö, ni ‹Ka adïëri møn, aani, a ena bäät man tïŋa cera maal bäät jø Pilitin ki man jääla geni, ni ö jø Kelita ni raanynya geni, ni raanynya thäkge moo dööŋ deŋ naama dwøŋ.

Amøc 3:1

Uuni na jø Icriel, wïnynyu luummi en na caan Wuuö Jwøki dëëtu, na caane dëët jø dhi øt Icriel bäre moa käl wøk ki yïth ŋøøp Ijep. Ena köö,

Amøc 5:1

U na dhi øt Icriel, wïnynyu jwøk thøø man jwøa bäätu en,

Jepaniya 1:11

Wui, u ni wø bëëdö kwör gath, gööu ko oduuru! Kiper jø gath mou bëët di raanynyø, ni ö jø wø rumö ki gwet-bïrö ni ränyge.

Jepaniya 3:6

Wuuö Jwøk aköö, ni «Aani wïth juurre anø raanynya, ni wëëga kwör gwøk røk moge na teek na en gøøde mo kiir ränynyö. Nyeŋ jïëthe moge anø raanynya, ni tïme ni bäŋ ŋat mo cäädhi ki yïthge; ni wëëga päänye moge niruuth ni bäŋ dhaanhø mo obøth na bäre bäre.

Dhekaraya 1:6

?Aŋø, luup 'moa ki ciik 'moa na köömma geni ki ge ki dhøk jiya ma nyïïkuk Jwøk kärge kwierø ni jïtge ka ajäla? 'Ba køøre raacge akøpge ni köge, ni ‹Wuuö Jwøk, eni na wïth jammi bëët, gïn atïïe dëëtø ki køør uutjïëthe 'moø ki japa reyø na tïïø, ni beeye tiere ni put gø tïïc møn kaawat mana cooŋ gø.› »

Maak 12:12

Ni tïm dïbwöthe mo jø Juuth ni ge manynya man makge Jecu, 'ba ge lwäär ki lwaak. Kiper ajootge ni tier leeya caane geela geni. Køøre ena wecge ni aacge kaace.

Jøcua 13:2

Ŋøøm moa näk poot no odööŋ beege ŋööm jø Pilitin bäre ki ŋööm jø Gëcur bäre,

Jøcua 13:3

ni beeye ki mana täge ki Naam Ciör na en løø Ijep jï løø kur tuul-cäŋ, këël mana aae ni këët waŋ keew mar paana cwøl na Akarön na no okwaan røk mïëc jø Keenan moa en jï løø wï-piny; ni beege mïëc kwääri mo jø Pilitin moa näk abïïc. Ni kwääri moøgø beege mo jø Geedha, ki jø Acdöt, ki jø Ackelön, ki jø Gëth, ki jø Akarön, këël mïëc jø Awim na en jï løø tier-piny.

Pïëmme 3:3

'Ba wïth juurre moøgø beege kwääri mo jø Pilitin moa näk abïïc ki jicge, ki jø Keenan bëët, ki jø Caydan, ki jø Ëwi moa näk bëëdö buut kïnna cwøl ni Libaanø; ni jø Ëwi moøgø poge tägi ka ri kïnna cwøl ni Baal-Armön këël mana pïïe kanya cwøl ni Libø-Amath.

1 Camiel 30:14

'Ba waani, wa käla kuna twierwa mïëya en jï løø tier-piny, ni beege mïëc jø Kelita, ki mïëc jø tuuŋ Juuda, ki mïëya cïp na bëëdö na mo Kalëp; ni ciwa Ciklak ni putwa gø waaŋ.»