Jepaniya 2:3 - Wëël Jwøk

³ Manynyu Wuuö Jwøk, u na mwöl bëët bäät piny, ni wø gwøk ciik Wuuö Jwøk. Manynyu bëënynyö, ni manynyu bëët mööl; kanymør u gwøe gwøø cäŋ wëër mare.

Jepaniya 2:3 Iomraidhean Croise

2 Camiel 12:22

'Ba aløk Deebiti ni kööe, ni «Kanya bëëde ni nyilaal poot kwøw, aana kweer ki cam ni jwöŋa møn; kiper aana cädö, ni kööa, no ‹Oŋäya ŋa, kanymør Wuuö Jwøk met ec mare nyoodhe nyoodhø jïra, ni wec nyilaal nee put bëëtö ni kwøw.›

Dut Pwøc 57:1

Dut Pwøc 91:1

Bwøth Wøk 12:27

u doo köö jïge, ni ‹Beeye olämi mar cäŋ Cäŋa Pööth Thøøe Yie jï Wuuö Jwøk, kiper kanya 'näk jø Ijep, ena pöödhö ki buut uut jø Icriel, ni wec mïëri moø.› » Ni ö jiyi bëët ni këëlge cøŋge piny ni wøørge Wuuö Jwøk.

Pwöc Leec Wïc 18:10

Wuuö Jwøk beeye kiir mo teek, ni ŋata mare beer wø reŋŋa yie ni bëëde no ogwøø.

Aydheea 1:17

ni kwänynyu ki man tïïyu jammi moa beyø. Bëëdu nou tïïya ŋøl ma kare, ni joogu jøøa no ogäy. Cuŋŋu løø kïïe ki määr thuunhnhi.»

Aydheea 11:4

'Ba eni luup jøøa can oŋøle ki køør adïëri; luup jøøa no othiel piny moa en bäät piny oŋøle na kare. Eni piny ojääle ki luup moo ööi ki dhee, ni 'näk jøøa reyø ki jam dhee.

Aydheea 61:1

Jwïëc Kwäärö Wuuö Jwøk ena bääta, kiper Wuuö Jwøk aana jiere nee luubö mo nyään mo met caana jï jøøa can. Ni jääŋ aani nee jiy moa näk cwïnyge opädhö nee cwïnyge cøma, nee luum pät mar jøøa no omaa ki tøŋ ki jøøa no otwöö nee køba jïge,

Jeremaya 39:18

Kiper ka adïëri møn, ï piema piemø, niï ba 'näk. 'Ba jwïëy moï bøth, kiper ï bëëdö niï ŋäätha aani. Luummögø caana Wuuö Jwøki.»

Jeremaya 45:5

?'Ba ï na Baruk, aŋø, ï manynya gø niï bëëdï ni karï dwøŋ? Kär manynyï. Kiper ennø, a na Wuuö Jwøk, da gïn mo leth mo 'käla bäät jiy bëët; 'ba ï wëëga bødhø ki thøø kwöro cäädhï yïthge bëët.» › Luummögø caana Wuuö Jwøki.»

Edhikiel 13:5

Ge kär ci kuna koorge kwöra ŋaam dëër kiir, ni bäŋe gïn mo ege tïïö ki man cäŋge kiir geerrø deŋ Icriel, nee jø Icriel cuŋge ri leny mar cäŋ Wuuö Jwøk.

Odheea 10:12

Piithu bëënynyö kiper dëëtu, ni kayu nyïëdi mo mëër mana näk ba jøøl, ni cäŋu pwöth mou puurru na akamme, kiper beeye kare ennø ki man many Wuuö Jwøk, këël kanyo ööe noo tïïc bëënynyö nee pädhe bäätu kaamar køth.

Odheea 7:10

'Ba këël na bëët jø Icrielli na atöör marge okännö ka ajäla bäätge, ge kär jïëy ki man duuge baŋa, a na Wuuö Jwøk, Jwøk marge; naa kärge manynyø, këël na täk japøge bëët.

Joona 3:9

Aŋa ni ŋäc gø, kanymør Jwøk dëëre di luuö ni war cwïnye, ni paany wëër mare bäätø ni wø liel kaamar maac, kiper nøø ba thøø.› »

Dhekaraya 8:19

ni «A na Wuuö Jwøk na en wïth jammi bëët, dwøra mana caana bee en: ‹Wödö mar kwier cam man wø tïïyu ki dwää aŋween, ki dwää abïïc, ki dwää abïriiø, ki man wø tïïyu ki dwää apaar, tïmö na mar met ec ki kanynyø, na kany wøør ajwöm-cam yie kiper dhi øt Juuda. Kiper manøgønø, mëërru ka adïëri ni mëërru ki bëët-mëër.› »

Mathiew 5:5

«Gwïëth en bäät jø wø mwöl, kiper piny owëëk geni.

1 Thecalönika 4:1

'Ba nyïïmera, mana dööŋ keere nø, wa kwaya uuni ni wa köömma uuni ki ri Kwäärö ma Jecu, nou bëëdu ki bëëtö mana dou bëëdö ki gøøni, ni tïïyu gïïa met yi Jwøki ki ge, kaawat mana kwanynyu gø baŋwa. Ni putu gø tïïc ni cäätha nyïm kaawat man tïïyu gø enøgø.

1 Thecalönika 4:10

Ni näk adïëri møn, nou wø mëër ki nyïïmëëe bëët moa en dï Macedönia bäre. 'Ba wa köömma uuni, nyïïmera, nee putu tïïc ni cäätha nyïm.

1 Piter 1:22

'Ba na tïme ni cwïnynyu you døøc mo tar kiper mana leŋŋu adïëri ni jït cwïnynyu ki mëëc nyïïmëëe ma adïëri, putu bëëtö nou mëër ki røgu ki cwïnynyu bäre.

1 Piter 3:4

'Ba wøp maru wär tïme na mööl ki lïŋŋe ni en cwïnynyu ni wø ba ränynyi, ni beege ni mïërö ki waŋ Jwøk.

2 Piter 3:18

'Ba cääthu nyïm nou ŋäya met ec ki ŋäc man ŋäyu Kwääyø na näk Pïëmi ma Jecu Krictø. 'Ba ajiem en jïre en nø, këël na bäre bäre. Enøgønø.