Jepaniya 1:7 - Wëël Jwøk

⁷ Bëëdu nou lïŋö nyïm Kwäärö Wuuö Jwøk! Kiper cäŋ Wuuö Jwøk kare acäännö. Kiper Wuuö Jwøk ree ee nø jiiŋŋø ki man 'näk jiy kaawat man wø 'näk lääy mo wø cïp no olämme, ni jøøa näk ee cwølø kiper 'näk manøgø ee nø jiiŋŋø.

Jepaniya 1:7 Iomraidhean Croise

Jööp 24:1

«?A yi wäne nø noo ö Jwøa en teeki jïre noo cïp cääŋŋe piny mo ŋøl luup? ?A yi wäne nø noo ö jø wø ŋäc eni noo raŋge cääŋŋe moøgø?

Aydheea 13:3

Aani jiya moa näk yaa cïp kur keerge anø köömma, ni nø cwøla jø leny 'moa na teek kiper nee wëër mara kïthge bäät tïïc, ni beege jiya mo wø ŋwöö ni ge töödö.

Aydheea 13:6

«Gööu ko oduuru, kiper cäŋ mar Wuuö Jwøk kare acäännö. Cäŋögø öö na cäŋ aranya ni käla baŋ Jwøa en teeki jïre.

Aydheea 2:12

'Ba Wuuö Jwøk, eni na wïth jammi bëët, da cäŋ ajäla mare mo ööa bäät jø atöör ki jø wø tïŋ dëëtge maal mo ge dwøge piny yie,

Aydheea 29:2

'Ba ï na Ariël, ï wëëga jwør gïï mo leth, ni wëëga ïïni kïmmö ko oduuru, ni tïmï kaamar gïn wø cïp olämme bääte mo ogääbö ki remø.

Aydheea 34:5

'Ba Wuuö Jwøk, kanyo thöör tïïc mare maalø, ka adïëri møn, opëëllö mare owëëk ööny piny bäät ŋööm Ëdöm ni jääl gø, ni beege jøøa näk ee nø jiiŋŋø ki man raany ge bëët.

Aydheea 34:6

Opëëllö mare ogääbi ki remø bäre. Ree orwødhe ki dwäle, ni rwøth ree ki rem mo caala rem mo nyïï rööm ka atëëe, ki dwäle mo caala dwäle mo røgi mo nyöök rööm. Kiper Wuuö Jwøk jiy onääe yi Bödhra, kaawat man wø 'näk lääy mo wø cïp no olämme, ni tïïc 'näk mana dwøŋ døc yi ŋööm Ëdöm bäre.

Aydheea 6:5

Køøre aana köö, «Wui, a kare kaa këët nø; aana nø ränynyö! Kiper aana dhaanhø mo dhee ba waany, naa bëëdö dï jiy mo dhøkge ba waany; kiper aani nyeya ma Wuuö Jwøk, eni na wïth jammi bëët, aneena ki waŋa.»

Jeremaya 46:10

Kiper dïcäŋöce beeye cäŋ mar Kwäärö Wuuö Jwøk, eni na wïth jammi bëët, ni beeye cäŋ mano cool kwöri yie dëët nyïïmän moe. Opëëllö ocämö rege gøøc mano jääŋe, ni mädhe ki rem moge këël mano røme. Kiper Kwäärö Wuuö Jwøk, eni na wïth jammi bëët, ge wëëge ŋaal kaamar olämme yi paano enge yie jï løø wï-piny bäät Naam Upareeti.

Edhikiel 7:10

«Ka adïëri møn, cäŋöca beeye en! Ena nø öö! Cäŋ man jääl uuni yie aløny ni öö; wëër mano ö bäätu anø tägö ki man nyooth ree; atöör anø døøŋŋø bäätu.

Edhikiel 7:7

Ajäla maru aö baŋu, u ni bëëdö yi ŋöömmi en! Kanya wäŋŋi aløny ni öö; cäŋa wäŋŋi kare cään. 'Ba otïmö ni nuta oduuru bäät kïte ni patha kwöŋŋö ki met ec.

Jool 1:15

'Ba otïmö ni raac kiper cäŋ mano ööi, kiper cäŋ mar Wuuö Jwøk kare acäännö. Cäŋögø öö na cäŋ aranya, ni käla baŋ Jwøa en teeki jïre.

Jool 2:11

Wuuö Jwøk dwøre omäri nyïm bäänyö na caal jø leny moe; ka adïëri møn, twïër marge dwøŋ døc, ni ge na jïëc dwør Wuuö Jwøk, ge teek døc. Ka adïëri møn, cäŋ Wuuö Jwøk dwøŋ, ni beeye cäŋ lwär. ?Aŋa ni løny jïre ki man jïëny gø?

Jool 2:31

Cäŋ ree di wiilø ni cøl, ni ö dwääyi ni tïme na remø, kanyo poode ni cäŋa dwøŋ mara, a na Wuuö Jwøk, cäŋo täk lwärri yie poot kär öö.

Amøc 6:10

Køøre, kanyo ö tuuŋ jøøgø no kälge dëët jiy wøk kiper nee koonyge, ŋata en yi øtø tääŋtiel opëënyge ni köge, ni «?Da dhaanhø moo dööŋ buutï këët nø?» Noo kö ŋatøgø, ni «Bäŋgø,» køøre jøøa pëëö puta köö, ni «Lïŋï nø, kiper nyeŋ Wuuö Jwøk bäŋa døø cwølø.»

Amøc 8:3

«Dïcäŋöce dudi moo wär po nyeya otïmö na mo jwøk thøø. Ni gääp pinynyi bäre ki dëët jøøa no othøw, ni tuut geni wøk ni bäŋ dwøl mo wïnyi.» Beeye Wuuö Jwøk ni cäänö enø.

Abakuk 2:20

'Ba Wuuö Jwøk bëëdö yi øt lam mare na en kur keere; beerra man ö pinynyi bäre ni neebäc nyïme.»

Jepaniya 1:14

Cäŋa dwøŋ mar Wuuö Jwøk aløny ni kare cään; aløny ni kare cään ni läädö døc ki man laar öö. Cegu ïthu, oduuru mo dwøŋ dagø mo tägö yi cäŋ mar Wuuö Jwøk! Yi cäŋ manøgø, jø leny ge kwöŋŋö ki kwöŋŋö mo leth døc.

Dhekaraya 14:1

Wui Jerucalem, ka adïëri møn, cäŋ Wuuö Jwøk aløny ni öö, ni beeye cäŋo twier ïïni yie, noo pääŋ jammi moï nyïmï ni nëënö jïrï.

Dhekaraya 2:13

Wui u na jiy bëët, noukïïl nyïm Wuuö Jwøk, kiper ena nø ö maal ki kar bëëtö mare na en kur keere.»

Milkiya 4:1

'Ba Wuuö Jwøk, eni na wïth jammi bëët, aköö, «Neennu, da dïcäŋ mo öö, ni da maac mo liel døc kaamar maa dwaar; ni ö jø atöörri ki jø raay bëët ni tïmge kaamar lethø, ni put ge waaŋ dïcäŋöce kaamar jaath mo owaaŋ ki dëëre bäre këël lweete, ni bäŋgø mo dööŋ dëëtge na bäre bäre.

Mathiew 22:4

Ni cäŋ laaŋe moe møøk jääŋŋö, ni kööe, ni ‹Caannu jï jøøa näk ocwølø kar cam nywöm, ni «Ennø, cam anø jiiŋŋa, ni rwädhe ki røøe 'moa moa no olør yaa nø 'näk, ni jammi bëët onø jiiŋŋø. Ööu kar cam nywöm.» ›

Wëëlö Mana Göör Pøølli Baŋ Jø Röm 3:19

'Ba ŋääø ni gïn mo ocaan ciik Jwøki wø cäänna jøøa bëën ciik Jwøk, kiper nee bäŋe dhaanhø mo jaal dhee këët, nee jø piny bäre ba maarge köö ni mana many Jwøki kucge.

Wëëlö Mana Göör Pøølli Baŋ Jø Röm 9:20

?'Ba ï na dhaanhø, ïïna ŋa na doo dwök baŋ Jwøk? Gïn mo ocwääö doo köö jï ŋata cwääc gø, na «?Aŋø ni cwääyï aani na ennø nø?»

Pilipay 4:5

Beerra man ö jøwi bëët man ŋäcge uuni nou mwöl, kiper Wuuö kare acäännö.

Köløcia 1:12

nou pwøya Wuuö Jwøk, ŋata tïïc øøni ni øøno rømø ki man nywaaø olaawi ki jø Jwøk yi tar.

1 Camiel 16:5

'Ba ena köö, «Yaa, mara öö jaak; aani, a ööi kaper naa cïpa ko olämi jï Wuuö Jwøk. Ennø, cïbu dëëtu kur keeru ni waany, ni ööu ni bëëdu nou nut buuta kanyo cïba olämi.» Kanyøgønø Camiel, Jeci ki wääte acïp kur keerge ni waany, ni cwøl ge nee nutge kanyo cïp olämi.

1 Camiel 20:26

'Ba dïcäŋögø, Cøøl bäŋ gïn mo ee caanø, kiper ena cädö ki cwïnye ni kööe, ni «Kanymør da gïn mo määnö mo otïïc Deebiti; ni ka adïëri møn, løny ki man tïme ni dëëre käre cïp kur keere ni waany.»