Jepaniya 1:5 - Wëël Jwøk

⁵ Ni beege jø wø këël cøŋge piny bäät uudi, ni wø løø wïthge maal kuna lamge cäŋ ki dwääy ki ceer, ni wø këël cøŋge piny ni kööŋge ri Wuuö Jwøk, ni ge cäŋa kööŋ ri jwø wø cwøl ni Milköm;

Jepaniya 1:5 Iomraidhean Croise

1 Nyeye 11:33

'Ba nyec okäla wøk cer Cølöman, kiper geni aana nø wecge, ni nø wøørge Actaröth jwø jø Caydan, ki Kemöc jwø jø Möap, ki Milköm jwø jø Amön; ni kärge køøra caadhø, ni kärge tïïö ki gïï mo nëëni ni beyø ki jïra, ni kärge ciik 'moa ki luup ŋøl 'moa gwøø, kaawat mana ö Deebiti wää Cølömanni na gwøk gïïögø.

1 Nyeye 11:5

Kiper Cølöman atïmö ni caatha køør Actaröth, jwø jø Caydan, ki Milköm, gïna no otieŋø ni wø lam jø Amönni, ni wø raac yi Wuuö Jwøki ki gø.

1 Nyeye 18:21

Køøre Ilaaja aö baŋ jiy ni kööe, na «?A këël kany mo nyïëdi noo bëëdu nou wïdö yïthakic acaare ariiø? Ni näk Wuuö Jwøk beeye Jwøka eni, caathu køøre; 'ba ni näk Baal beeye Jwøka eni, putu køøre caath.» 'Ba bäŋ dhaanhø mo odwögö jïgø ki luubö.

2 Nyeye 17:32

'Ba jøøgø, gena tïmö ni Wuuö Jwøk wøørge wøørø thuwø, ni röönyge ki dïlämme yïthakicge mo tïïö jïge yïth uudi kwör lam moa en bäät thuuri.

2 Nyeye 17:33

'Ba geni, gena tïmö ni Wuuö Jwøk wøørge wøørø, ni wø cäŋge juu moge tïnynyö ki køør kööŋŋe mo wïth juurre moa kälge rege.

2 Nyeye 17:41

'Ba këël na bëët wïth juurre moøgø ni Wuuö Jwøk wøørge wøørø, ge poot bëëdö ni ge tïnynya juu moge, këël mana këët ri wäätge ki nyïïkwaacge, këël dïcäŋi en.

2 Nyeye 23:12

'Ba gïï wø cïp olämme bäätge moa tïïc nyeye mo Juuda wï thääŋ øtø mana geer Eeyethi wï øtø maal, ki moa tïïc Maneeca yïth käälle moa na ariiø mo Øt Wuuö Jwøk, akäl nyeya ma Jöcaya wøk ni tøc ge na thäŋi, ni leeŋ thäŋi moge yi waŋ Naam Kidaran.

Aydheea 22:1

'Ba luumma nyooth Wuuö Jwøki kiper jøøa bëëdö goor wø nyooth luup yie bee en: «?Aŋø, agïnaŋø na tägö rou ennø, ni tïme ni u bëët, u puta eth wïth uudi maal en?

Aydheea 44:5

'Ba ki dï jøøgø, ŋat mør köö, ni ‹Aana mar Wuuö Jwøk;› ni ö maya ni cwøl nyeŋŋe ri Jeekap; ni ö mørri ni gööt cere, ni ‹Manna mar Wuuö Jwøk,› ni cak nyeŋ Icriel na nyeŋ mo owøørø.»

Aydheea 45:23

Aana kööŋ ŋëëta keera; luubö manøgø anø duny wøk ki dhaa na adïëri, ni ba løny ki man døøe këët. Cøŋŋi bëët këëlla piny nyïma, ni ö lëëpi bëët ni kööŋge nyïma.

Aydheea 48:1

«Wui, jø dhi øt Jeekap, wïnynyu gïn, u na no ocaaø ri Icriel, na käl ri tuuŋ Juuda, ni wø kööŋ ki nyeŋ Wuuö Jwøk, ni wø cwøl nyeŋ Jwø Icriel, 'ba wø cwøllu ka jöö mo patha adïëri mo ba tiir.

Jeremaya 12:16

'Ba ni näk mo jöör bëëtö mar jiya kwanyge kwanyø møn, ni bëëtge ni ge kööŋŋa ri nyeŋŋa, ni ‹Ŋëët Wuuö Jwøk, Jwøa kwøw,› kaawat mana kwøŋge jiya pwönynyø ki man kööŋge ri Baal, aani tietge këëlla piny yïthakic jiya.

Jeremaya 19:13

Uudi mo Jerucalem, ki mo nyeye mo Juuda, otïmö ni ba waany kaamar Töpeth, ni beege uudi bëët moa näk jiy wääŋö bäätge ki gïn wø jïye ŋwääi ni met ni ge lama cäŋ ki dwääy ki ceer, ni kunyge piny bäätge ki muuy mar køøŋø jï juu møøk.› »

Jeremaya 32:29

Ni ö jø Babilønni moø ni këëdi ki päänyi en, ni dønyge yie, ni nyepge gø ki maac ni waaŋge gø. Ni waaŋge uudi bëët mo wø wääŋ jiyi bäätge ki gïn wø jïye ŋwääi ni met jï jwøa cwøl ni Baal, ni wø kunyge piny bäätge ki muuy mar køøŋø jï juu møøk, ni raanyge cwïnya.

Jeremaya 4:2

ni kööŋŋu ki kööŋ ma adïëri ma kare mo thïïŋ, nou kööŋŋa ŋëëta, a na Wuuö Jwøk, Jwøa kwøw, wïth juurre rege ogwïëthge ki nyeŋŋa, ni putge jïëmö ki nyeŋŋa.»

Jeremaya 49:1

'Ba man beeye luumma caan Wuuö Jwøki kiper jø Amön, ena köö, na «?Aŋø, Icriel bäŋ nyïïkwaaye? ?Aŋø, Icriel jïre bäŋ lwiidhi? ?Aperŋø nø na ö jø wø lam Milköm ni macge ŋööm Icriel mar jø tuuŋ Gaat en, ni bëëtge yïth päänye moe?

Jeremaya 5:2

'Ba këël jø Jerucalem doo kööŋ ni köge, ‹Ŋëët Wuuö Jwøk, Jwøa kwøw,› ka adïëri møn, kööŋ marge poot na tööt jaak.»

Jeremaya 5:7

'Ba Wuuö Jwøk aköö, ni «?Ï na Jerucalem, ïïno wëënna gø nidïï nø? Jiy moï aana wecge, ni kööŋge røk juu mo patha adïëri. Kanya nø caama geni ni jäŋge, rege agwaarge uut kääpe, ni känge ki lugi.

Jeremaya 7:10

'Ba u wø öö ni cuŋŋu nyïma yi øtø man ni wø cwøl ri nyeŋŋa en, ni kööu, ni «Waani, wa piem Jwøki piemø.» ?Aŋø, u piem kaper nou bëëdö nou tïïya gïï mo yia raac ki ge?

Jeremaya 7:9

Uuni, u wø kwädö, ni nääu ki jiy, ni kännu ki lugi, ni kööŋŋu ki tööt, ni waaŋŋu gïn wø jïye ŋwääi ni met jï jwøa cwøl ni Baal, ni cäädhu køør juu møøk mo käru kwøŋ ŋäc dïkwøŋ.

Jeremaya 8:2

Ni keethge cuu piny, ni nëënö jï cäŋ ki dwääy ki ceer, ni beege gïïa en cwïnyge køørge na lamge, na caathge køørge, na manyge, na wøørge. Cuu moøgø ba cooŋ kanya ciel ni ba koony piny; 'ba geno tïmö kaamar wär mo oker piny jaak.

Odheea 10:2

Cwïnyge bëëdö ni tïïya cwøk. 'Ba ennø, gïno duu raay moge jootge joodø. Wuuö Jwøk, gïï wø cïp olämme moge bäätge tøye tøyø, ni raany kïte moge moa näk ege cwöth piny na gïï lam.

Odheea 4:15

«Wui, ï na Icriel, këël na bëëdï niï tïïya tïï käp, Juuda kär näk cäŋa bääyö. Ni ba cou Gëlgela, wala maru ci maal Bëëth-Awëën, nou kööŋ, ni ‹Ŋëët Jwøa kwøw!›

Amøc 5:26

'Ba uuni juu moa tïïyu ki ceŋŋu moa cwøl na Caakut ki Kaywan akääru ni wøørru geni.

Mathiew 6:24

«Bäŋ dhaanhø mo løny jïre ki man tïny kwääri ariiø. Kiper eni løny ki man männe ka aciel ni mëëre ki maya. Wala cwïnye wëëge aciel, ni jøøŋ maya. Kiper ba løny jïïu ki man tïnynyu Jwøk ni tïnynyu jap piny.

Moa Tïïc Nyïïatwieli 10:9

'Ba na tïme na aruunnø man, ni ge poot cäädhö ni karge oløny ni cään ki paanøca, Piter aeth maal wï øtø kuna läme, ki kar caae apaar kurriiø ki dïcäŋ.

Wëëlö Mana Göör Pøølli Baŋ Jø Röm 14:11

Kiper ogöörö, ni «Wuuö Jwøk aköö, ni ‹Kaawat man kwøa en, cøŋŋi bëët okëël piny nyïma, ni ö lëëpi bëët ni pwøcge aani na Jwøk.› »

Tiet Ciik 10:20

Lwäärru Wuuö Jwøk na näk Jwøu, ni tïnynyu eni, ni göögu dëëre, ni kööŋŋu ri nyeŋŋe keere.

Tiet Ciik 4:19

'Ba kany wø raŋŋu maal, nou jootu cäŋ ki dwääy ki ceer, ni wø en maal, gwøgu rou nee wïthu ba maaŋŋi ki man tïme nou lama geni ni tïnynyu geni. Kiper gïïögø beege gïïa cïp Wuuö Jwøki na näk Jwøu jï jiy bëët moa en bäät piny.

Jøcua 23:7

Käru dwätö ki wïth juurre moa no odööŋ yïthakiyu, ni ba cøøru nyeŋ juu moge, ni ba kööŋŋu røk juu moge, ni ba tïnynyu juu moge, ni ba këëllu cøŋŋu piny nou wøøra juu moge.