Jeemeth 5:7 - Wëël Jwøk

⁷ Kiper manøgønø, nyïïmera, cïbu cwïnynyu piny, këël mano ö Kwäärö. 'Ba ŋääø, ni ŋat puur wø koora jap wø beyø ni wø ciek yi ŋöömö, ni cwïnye ee cïp piny ki gø, këël mano päth køth dhikøthi ki køth arïïa.

Jeemeth 5:7 Iomraidhean Croise

Jeremaya 5:24

Uuni, u ba köö ki cwïnynyu, ni «Beerra man lwäärø ki Wuuö Jwøk, Jwøk marø, eni ni wø cïp køth mar arïïa ki mar dhi køth kany wø näk ma kare; ni bee eni ni wø gwøk nïne mo dwät kac kiperø.»

Odheea 6:3

Kiper manøgønø, beerra man ŋääø Wuuö Jwøk; beerra man reedhø ri man ŋääø eni. Öö mare caala man wø kwäär øwi, ni ö baŋø kaamar køth, ni caala køth mar dhi køth ni wø jwøc piny.»

Jool 2:23

Wui, u na jø Dhayan, kanynyu, ni mïn yïthu ki Wuuö Jwøk, Jwøk maru, kiper eni køth mar dhi køth acïbe ki køør beenynye. Eni, køth akøny piny kiperu, ni beeye køth mar dhi køth, ki mar cwiir, kaawat mana bëëde dïkwøŋ.

Dhekaraya 10:1

Pëënynyu Wuuö Jwøk nee køth jääŋŋe bäätu kany wø näk dhi køth. Kiper beeye Wuuö Jwøk ni wø jääŋ køth ki ri pøøl; bee eni ni wø wëëk køth ööny piny kiper jiy, ni wëëk gïïa no opiidhø ciek yïth pwöth jï ŋati man nø.

Mathiew 16:27

Kiper Wär Dhaanhø öö ki nyïïatwiet maal moe ka ajiem wänni. Kanyøgønø, jiy bëët ocunne ki køør gïïa tïïcge.

Mathiew 16:28

Adïëri møn, acaana gø jïïu, ni da jø møøk mo cuŋŋö kany en, mo thøø ba jootge, ni Wär Dhaanhø poot kärge neenø ni öö ki bura mare.»

Mathiew 24:27

Kiper ööny Wär Dhaanhø otïmö kaamar agaackøth ni wø nigaaŋ ki jï løø kur tuul-cäŋ ni këët dääre jï løø kur pänh-cäŋ.

Mathiew 24:44

Kiper manøgønø, uuni thuwø, bëëdu ni røgu you jiiŋŋø. Kiper Wär Dhaanhø öö ri caa mo käru dïëdö.

Luk 18:8

A cäänna uuni, ge laare ka ŋunnö. ?'Ba, kanyo ö Wär Dhaanhe, da ŋäädhe mo joode joodø bäät piny?»

Luk 21:27

'Ba kanyøgønø, Wär Dhaanhø ojootge ni öö ki yi pöölö, ki teek ka ajiem mo dwøŋ.

Luk 8:15

'Ba moa piith yi ŋöömma beer, beege jø wø wïny luum Jwøk ni putge gø mak na bäre bäre ki cwïny mo leer ma adïëri, ni känge ki nyeŋ ni cwïnyge ege cïp piny.

Jøøn 21:22

Ni kö Jecu jïre, «?Ni näk beeye mana manynya ni eni dööŋe këël mano ööa, jïrï dee ŋø? Ööï, ni cäädhï køøra.»

Jøøn 21:23

'Ba luummögø akeethø dï nyïïmëëe bëët, ni ge cäänö ni bääŋ manøgø ba thøw. 'Ba paa mana caan Jecu jïre, ni «Eni ba thøw.» 'Ba mana caane beeye, ni «?Ni näk beeye mana manynya ni eni dööŋe këël mano ööa, jïrï dee ŋø?»

Wëëlö Mana Göör Pøølli Baŋ Jø Röm 15:4

Kiper gïïa kwøŋ göör nïr acääŋŋe, göör kaper nee ø pwönyge, nee ø jïtö ki ŋäädhe ki køør tëënnö ki cøm cwïny man wø joodø yïth weet Jwøk.

Wëëlö Mana Göör Pøølli Baŋ Jø Röm 2:7

Ni eno cïpi ki kwøw mana näk adïëri mo bäŋ cuŋŋe jï jøw wø tïïc gïïa beyø ni cwïnyge ege cïp piny, ni ge caya ajiem, ki wödö, ki kwøw mana näk bäŋ thøø ree.

1 Körin 1:7

Ni tïme ni bäŋ muuy mar Jwøk mo tøør jïïu, kany poodu nou koora Kwääyø ma Jecu Krictø noo nyoodhi,

Galeecia 5:5

'Ba waani, wa jïta bëënynyö man ni ŋääthwa en, ki køør Jwïëc Jwøk ki ri ŋäädhe.

Galeecia 6:9

Beerra man ba jøømø ki tïï gïïa beyø. Kiper øøno kää kanyo näk ma kare, ni näk mo bäätø ba wëëgø pädhö.

Tiet Ciik 11:14

eni køth cwiir di jääŋö ki kanya näk kare, ni jääŋ mar dhi køth ki kanya näk kare kiper ŋöömmu, kiper nee beel mou ki nyïïjenni mou mo wø nyïïge nywøp na kwøŋ, ki mo wø nyïïge wel na mädhi nee ciekge jïïu.

Köløcia 1:11

nou tëënnu døc ki køør teek mare na bäŋ teeŋe, nee cwïnynyu magu, ni cwïnynyu you cïp piny ki met ec,

1 Thecalönika 1:3

Ni wa lääŋŋa tïïc maru nyïm Jwøø na näk Wääø, ni wø tïïyu ki køør ŋäädhe, ni uuno ööl ki køør mëër, nou bëëdö ni dëëtu you maaø ri ŋäädhe mana ŋääthu Kwääyø ma Jecu Krictø.

1 Thecalönika 2:19

?Kiper agïnaŋø noo ŋääthwa? ?Na agïnaŋø noo mïn cwïnywa kipere? ?Na a rööny mane noo töötwa kipere nyïm Kwääyø ma Jecu, kanyo ööe? ?Aŋø, patha uuni?

1 Thecalönika 3:13

Kiper manøgønø nee cwïnynyu tïïe ni ba jøøŋŋi ni ena kur keerge nyïm Jwøø na näk Wääø, yi cäŋo ö Kwääyø ma Jecu ki jiye bëët.

Ibaru 6:15

Ni beeye na ci buuki jïre, kiper mana bëëde ni cwïnye ee cïp piny.

Jeemeth 4:11

Nyïïmera, käru cäänö ki raay dëëtu keeru. Kiper ŋat wø cäänö ki raay dëër coki, wala ŋøla coki wøk, ŋatøgø caana raay ri ciik Jwøk, ni ŋøla ciik Jwøk wøk. 'Ba ni näk ciik Jwøk iï ŋøl wøk, ï patha ŋat wø gwøk ciik Jwøk, 'ba ïïna tïmö ni ïïna dïŋut luup.

Jeemeth 5:10

Nyïïmera, ni näk mou manynya neen jöör jwør gïï mo leth ni cwïny ocïp piny, raŋŋu bëët nyïïkuk Jwøk, jøøa cäänö ki nyeŋ Wuuö.

Jeemeth 5:3

Ni ö warkie mou ki gwet-bïrö mou ni cami ya nyalli. 'Ba nyal marge otïmö na nyuudhi mo jääla uuni, ni waaŋ dëëtu keda maac. Uuna känö ki jammi kiper nïr cuŋ piny.

2 Piter 3:4

ni köge, na «?Age öönynye na buuk, ni öö? Kiper ki mana thøw kwäcwa ca, jammi bëët poot cäätha nyïm keda mana bëëtge ki kanya cak piny.»