Jeemeth 5:4 - Wëël Jwøk

⁴ Neennu, gwet jøøa kac pwöth mou na møtu atïmö ni rëëdö. Ni ö oduuru mar jøøa kac caammi mou ni wïnye ïth Kwäärö Wuuö Jwøk, eni na wïth jammi bëët.

Jeemeth 5:4 Iomraidhean Croise

Wïlöölö 4:10

Ni kö Wuuö Jwøki, na «?Agïnaŋø na tïïyï enø? Dwør rem coku ajwöŋ baŋa ki tiet ŋøøm piny.

Jööp 34:28

Geni, jøøa can ki jøøa no ocaannø atïïcge nee jwöŋge dëër Jwøk kiper køny, ni ö Jwøki ni wïny oduuru marge.

Jööp 7:2

Kaawat man wø bëët dhaanhø ma laŋŋø ni lääŋŋa tïpö, wala ŋat tïïc mo køya gät tïïc mare,

Bwøth Wøk 22:27

kiper beeye mar rïëpa eni keere jïre, ni beeye abïï rïëp man wø rïëp dëëre ki gø. ?Aŋø, dagø mo odööŋ jïre këët mo rëëbe ki gø? Kanyo täk teeŋ gïnögønø, ni ö ŋata abïïne lwør ni jwöŋe ni pëënynya aani, eni dwøre leŋa leŋø, kiper aani a bëëdö ni yia met ki jiy.

Bwøth Wøk 3:9

Ennø, jwøk mana jwöŋ jø Icrielli ki gø awïnynya; këël caannø thuwø mana ö jø Ijepi na caange geni ki gø, ajooda.

Aydheea 1:9

'Ba onää Wuuö Jwøk, eni na wïth jammi bëët, bäŋ jiy mo ee wiiø ni kwøw dëëtø, doo na øøno tïmö kaamar Cødam ki Gømöra en.

Aydheea 5:7

'Ba pwöth jer omøki mar Wuuö Jwøk, eni na wïth jammi bëët, beeye dhi øt Icriel, ni jenni moa tøøe na mëëre ki ge, beege jø Juuda. Ena bëëdö ni räŋö ni koora ŋøl ma kare, 'ba atïmö ni nuta køny remø piny; ni bëëde ni räŋö ni koora bëënynyö, ni tïme ni wïnynya oduuru mar pänh cwïny.

Aydheea 5:9

Wuuö Jwøk, eni na wïth jammi bëët, akööŋ ni wïnyö jïra ni kööe, ni «Ka adïëri møn, uudi mo thööth odööŋ keerge, këël uudi moa døøŋŋø na mïërö, odööŋ ni bäŋ jiy yïthge.

Jeremaya 22:13

Wuuö Jwøk aköö, no «Otïmö ni raac jï ŋat wø geer øt nyec mare ni jø tïïc ee mødø, ni gëët bäät ødøgø ki øtø mør ni jø tïïc ee caarø, ŋat wø wëëk jiy tïïc jaak, ni bäŋ gïn coole jïge kiper tïïc marge;

Ciik Kiper Dïlämme 19:13

« ‹Kär dhaanhø mør caanni, ni ba twierï gø. Ŋat mo tïïö baŋï ki gwel, gwete kär tïïyï nee ruue baŋï ki wäär bäre këël amöölla.

Abakuk 2:11

Ka adïëri møn, kïte moa en dëër øtø orëëdi bäätï, ni ö rïwe moa no opeedhø ni jølge döötge.

Milkiya 3:5

Wuuö Jwøk, eni na wïth jammi bëët, aköö, ni «Aano ö baŋu kuna jääla uuni, ni puta mara caan dëët ajuuk ki jø luuy ki jø wø kööŋ ni marge tööt, ki jø wø møt gwet jø tïïc, ni wø thiel määr thuunhnhi ki kïïe piny, ki jø wø daaŋ luum wëëlle mo path ki jöö mo patha kare; ni beege jø wø ba lwäär ki aani thuwø.»

Mathiew 9:37

Kanyøgø bääge aluumme, ni «Pwödhö aciek døc, 'ba jø tïïc nøk.

Luk 18:7

?A Jwøk nø, jiye na jiere ba ŋunne, jø wø jwöŋi ïthe ki wärre ki cääŋŋe? ?Dëëre gaale gaalø ki gïrge?

Wëëlö Mana Göör Pøølli Baŋ Jø Röm 9:29

Ni manøgø caala luumma køp Aydheea, na kööe, no «Onää Wuuö Jwøk, eni na wïth jammi bëët, ø käre wëënnö ki köödhi, doo na øøno nø tïmö kaamar Cødam, ni tïïc ø kaamar Gømöra.»

Tiet Ciik 15:9

'Ba røk wär gwøk, kiper nee bäŋe acaara mo raac mo ö cwïny, ki man köö dhaanhe, ni ‹Bïriet cwiiri kare acäännö, cwiino wec pïït yie,› ni tïm eci ni raac ki wat mana can, ni bäŋe gïn mëëk eni. Kanymør ŋatøce jwöŋö ki nyeŋ dhaanhø baŋ Wuuö Jwøk, ni tïme na raay bäät ŋata jwöŋe ki nyeŋ gø.

Köløcia 4:1

U na kwääri, bëëdu ki laaŋe mou na wøpe, ni ba caannu geni, ni ŋäyu gø ni jïïu da Kwäärö maal thuwø.