Jeemeth 5:17 - Wëël Jwøk

¹⁷ 'Ba Ilaaja na bëëde, ena dhaanhø mo ocwääö kaamarø. 'Ba ena lämö ki cwïnye bäre nee køth ba pädhe. Ni bëët køthi ki cwiiri adäk ki dwäde abïciel ni kär pädhö bäät piny.

Jeemeth 5:17 Iomraidhean Croise

1 Nyeye 17:1

'Ba nyikuŋ Jwøk ma Ilaaja nyï Ticbi na en yïth ŋøøp Gelät, aköö jï Akap, ni «Ŋëët Wuuö Jwøk, Jwø Icriel na kwøw, ni wø tïnynya en, ka adïëri møn, ki yïth cwiiri moi ii, tïmö ni bäŋ thööy ki køth, ni näk mo ba caana aani ni køth pädhö.»

1 Nyeye 18:1

'Ba ni jøw onø bëëdö ki nïne mo thööth, kanya tïme na ri dää cwiiri, dwør Wuuö Jwøk aö bäät Ilaaja ni kööe, ni «Ci nyooth dëërï jï nyeya ma Akap; aani køth jääŋŋa jääŋŋö piny.»

Luk 4:25

'Ba ka adïëri møn, a caana gø jïïu, ni ya acääŋŋe yïth nïr Ilaaja da määr thuunhnhi mo thööth yi Icriel, kanya ö maalli na män køth ki cwiiri adäk ki dwäde abïciel, na jït paaci bäre ki meel mo dwøŋ.

Moa Tïïc Nyïïatwieli 10:26

'Ba ena tïŋ Piterri maal ni kööe, ni «Ö maal, aani, aana dhaanhø thuwø.»

Moa Tïïc Nyïïatwieli 14:15

ni «?Jaay, aŋø ni tïïyu gïnögø? Waani, waana jiy thuwø mo caala uuni, ni wa käla luumma nyään na met jïïu, kiper nee gïïö no oballe yøø nee weyu, ni løøu dëëtu baŋ Jwøa kwøw na cwääc maal ki piny, ki näm ki jammi bëët moø ni en yïthge yøø.

Wëëlö Mana Göör Pøølli Baŋ Jø Röm 11:2

Jwøk jiye käre kwierø, jøøa kwøŋ ŋäc cøøn. ?Aŋø, gïn wø caan Wëël Jwøki kiper Ilaaja kuyu, kanya dwaalle nyïm Jwøk kiper gïna tïïc jø Icrielli?

Mana Nyooth 11:6

Ni jïge da teek ki man mänge pöölö nee køth ba pädhe yïth nïro køpge dwør Jwøk. Ni jïge da teek bäät pïï ki man døøcge geni remø, ki teek man raanyge piny ki teeŋ jap räny piny bëët, kany wø manyge gø.