Jeemeth 5:16 - Wëël Jwøk

¹⁶ Kiper manøgønø, køpu raay mou yïthakiyu keeru, ni lämu kiperu keeru, kiper nee dëëtu wø jöönge. 'Ba lam ŋat mo beer jïre da teek mo dwøŋ døc ki man tïïc jammi ni cööpge karge.

Jeemeth 5:16 Iomraidhean Croise

Wïlöölö 19:29

'Ba kanya ö Jwøki na raany päänye moøge ki gøli moge, eni wïïe kär wïl ki Eeberam, ni käl Løøt wøk ki yi paana raanynyi na bëëde yie, ni raany gø ni Løøt tøør yie.

Wïlöölö 20:17

Køøre Eeberam alämö jï Jwøk; ni ö Jwøki ni køny Abimëlëk ki cïïe ki laaŋe moa näk mään moe, ni ö geni ni nyöötge ko obwöre.

Wïlöölö 20:7

'Ba ennø, dwøk cï ŋatøgø jïre, kiper ena nyikuŋ Jwøk; køøre eno lämö kiperï kiper niï kwøwï. 'Ba ni näk nyaanøgø ba dwøgï, wär ŋäyï niï thøw møn, ïïni ki jø paarï bëët.»

Wïlöölö 32:28

Ni kö ŋatøgø, ni «Nyeŋŋï ba cwøl ni Jeekap këët, 'ba ocwøl ni Icriel, kiper ïïna ŋäbö ki Jwøk ni ŋäbï ki jiy thuwø, ni tïme ni käädhö ïïni.»

2 Camiel 19:19

ni kööe jïgø, «Wui nyeya, bääyö mara kär kan cwïnyï, ni ba caarï wïïï ki jammi moa reyø na tïïa dïcäŋa ööï wøk ki Jerucalem; 'ba ennø, ï na nyeya mara, kär gïnögø kïth cwïnyï.

1 Nyeye 13:6

Kanyøgø, nyeya ma Jeröbäm acäänö ki nyikuŋ Jwøk ni kööe, ni «Beerra man kwayï Wuuö Jwøk, Jwøk marï, ni lämï kipera nee cera døø kare.» Kanyøgø, nyikuŋ Jwøk, Wuuö Jwøk akwaae, ni ö cer nyeya ni døø kare kaawat mana bëëde dïkwøŋ.

2 Luup Nyeye 30:20

Kanyøgø Wuuö Jwøk lam mar Edhekaya awïnynye ni køny jøøgø.

Jööp 42:8

Kiper manøgønø, lwötu ki rwädhe abïriiø ki nyöök rööm abïriiø, ni cou baŋ dhaanhnha ma Jööp ni cïpu ge no olämme mo wø waaŋ bäre kiper dëëtu. 'Ba dhaanhnha ma Jööp olämö kiperu, ni ööa ni jïëa lam mare, ni bäŋe gïn mo tïïa dëëtu këët ki køør bøøl maru. Uuni, bäŋ luup mo karge mo you caanø kipera kaawat mana tïïc dhaanhnha ma Jööp.»

Bwøth Wøk 17:11

'Ba kar kaaca kany wø tïm Modhe ni ceŋŋe tïŋe maal, jø Icriel puta rëëmmö; ni kany wø dwøk ceŋŋe piny, jø Amalëk puta rëëmmö.

Bwøth Wøk 9:33

Ni ö Modhe ni put aa wøk yi pääny nyïm Peerø, ni thaaŋ ceŋŋe jï Wuuö Jwøk; ni ö odäru ki pey ni cuŋge, ni cöök køthi bäät piny.

Pwöc Leec Wïc 15:29

Wuuö Jwøk kare bäär ki jø raay, 'ba eni lam mar jøøa marge beer wø di wïnynyö.

Pwöc Leec Wïc 15:8

Wuuö Jwøk yie raac ko olämme mo jøøa reyø, 'ba yie wø mïnni ka lam mar jøøa marge thïïŋ.

Pwöc Leec Wïc 28:9

Ŋat wø løø ïthe wøk ki man ba wïny ciik Jwøk, këël lam mare kiree tïmö na gïn mo yi Jwøk raac ki gø.

Jeremaya 15:1

'Ba Wuuö Jwøk aköö jïra, a na Jeremaya, ni «Këël Modhe ki Camiel doo cuŋŋö nyïma ni kwaacge aani kiper jøøi ii, cwïnya ba daa løøa baŋge. Riem geni wøk nyïma, nee aacge.

Jeremaya 33:3

ni ‹Cwøl aani, løøa løø jïrï, ni cara gïï mo døøŋŋø jïrï mo tietge ba løny joot jïrï, mo kuyï.›

Jeremaya 42:2

ni köge jïre, ni «Beerra man wïnynyï kwac marwa, ni lämï kiperwa jï Wuuö Jwøk, Jwøk marï, ni beeye kiper jøøi ii bëët moa dööŋ, kiper beeye waani keerwa na nøk ii na dööŋ røk jøøa thööth, kaawat man nëënwa jïrï ki waŋï ennø.

Kwään Jiy 11:2

Ni ö jiyi ni jwöŋge dëër Modhe; 'ba Modhe alämö jï Wuuö Jwøk, ni ö maaci ni thøøe.

Mathiew 21:22

Ni näk mo jïïu da ŋäädhe, gïn wäro pëënynyu ki lam, cøøa jïïu.»

Mathiew 3:6

Ni lwøk geni na nyuudhi yi Naam Jördan, ni køpge raacge.

Maak 1:5

Ni ö jø mïëc Judia bëët ni öge wøk baŋe, ki jø Jerucalem bëët. Ni ö geni ni lwøgi ya eni na nyuudhi yi Naam Jördan, ni køpge raacge.

Luk 9:6

Ni tïŋge ni caathge dï mïëri ni ge køpa luumma nyään na met, ni ge kunyö ki jø täwe yïth kwörögø bëët.

Jøøn 9:31

Ŋääø ni Jwøk dööt jø raay bäŋ wø wïnynye. 'Ba ni näk da dhaanhø mo wø wøøra Jwøk ni tïïc mana many Jwøki, dwøre wø wïny Jwøki wïnynyö.

Moa Tïïc Nyïïatwieli 10:38

ki mana ö Jwøki na jør Jecu nyï Nadhareth ki Jwïëc Jwøk na en kur keere, ni mooc gø ki teek, ki kanya cäädhe ni tïïya gïï mo beyø, ni køny jøøa näk oraany anägö bëët. Kiper Jwøk ena buute.

Moa Tïïc Nyïïatwieli 19:18

Kanyøgø jøøa näk ojïëy mo thööth thuwø aö nyïm, ni ö gïïa reyø na wara tïïcge ni caange ge nyïm jiy bëët.

Moa Tïïc Nyïïatwieli 8:24

Ni dwøgi ya Caymanni, ni «Kwac Wuuö kipera, nee bäŋe gïrpiny aciel dëët luupa caanï enø mo ö bääta.»

Wëëlö Mana Göör Pøølli Baŋ Jø Röm 3:10

Kaawat mana gööri, ni «Bäŋ dhaanhø aciel mo mare beer. Bäŋgø, këël doo naa aciel.

Wëëlö Mana Göör Pøølli Baŋ Jø Röm 5:19

Ni beeye leŋ luubö mar dhaanhø aciel noo tïïc jiy mo thööth ni marge beer, kaawat mana ö bäŋ leŋ luubö mar dhaanhø aciel na tïïc jiy mo thööth na jø raay.

Köløcia 1:9

Kiper manøgø nø, ki mana täge dïcäŋa wïnywa gø yie, bäŋ dïcäŋ aciel mo ewa ŋøl wøk, ni wa ba lämö kiperu, ni wa kwaaya Jwøk nee moa many Jwøki bëët tïme ni ŋäyu ki køør leec wïc ka acaare bëët mo wø en ri Jwïëye,

1 Thecalönika 5:17

Ni lämu cooth.

1 Thecalönika 5:23

'Ba Jwøk ki dëëre, ni wø cïp bëët-mëër, uuno tïïe nou ena kur keeru ki karu bäre, ni ö jwïëyu, ki kwøw maru, ki dëëtu, ni bëëtge na karge ni bäŋ ajäla røkge, kanyo ö Kwääyø ma Jecu Krictø.

1 Thecalönika 5:25

Nyïïmera, lämu kiperwa.

Ibaru 11:4

Ni beeye ŋäädhe, na ö Eebelli na cïp olämi mana tïmö ni beerra eni jï Jwøk ki mar Keen, ni beeye na jïëc eni ni eni beer ki køøre, kanya ö Jwøki na jïëe ko olämme moa cïbe. 'Ba këël na thøøe, eni poot luubö ki køør ŋäädhe mare.

Ibaru 11:7

Ni beeye ŋäädhe, na ö Noa na leŋ luubö mana caan Jwøki jïre ni tïïc jääy, ni piem jø paare, kanya ö Jwøki na køp gïïa näk poot kär nëënö jïre. Ni beeye gïnögø na jääl piny ki gø, ni tïm Nöa na lwiidhø mar jïëc man wø ööi ki ri ŋäädhe.

Ibaru 12:13

Ni tïïu ki uutjïëthe mo thïŋŋö kiper tietu, kiper nee ŋat wø kwömi nee waŋ ocwiie ba needunynya, 'ba nee bëënynye.

Ibaru 13:18

Lämu kiperwa. 'Ba ŋäcwa ni cwïnywa leer, ni wa manynya man bëëtwa ki bëëtö mana näk adïëri ki yïth jammi bëët.

Jøcua 10:12

'Ba ni poot na dïcäŋ mana ö Wuuö Jwøki na cïp jø Amör ceŋ jø Icriel, Jøcua acäänö ki Wuuö Jwøk, ni caan luup moi ii ki teek Jwøk ni nëënö jï jø Icriel, ni kööe, ni «Wui cäŋ, put bëëtö niï cuŋŋö bäät Gibien, 'ba ï na dwääy, put bëëtö niï cuŋŋö bäät goor Ayalön.»

1 Piter 2:24

'Ba eni ki dëëre raay 'moø akääre ki rïŋ dëëre bäät jaath nee ø ba bëënnø raay, 'ba nee ø bëënnø moa beyø. Ni beeye ŋwiili moe na wëëk dëëtø jöönnö.

1 Jøøn 3:22

ni gïn wäro pëënynyø joodø joodø baŋe, kiper man bëëdø ni ø gwøga gïïa ceme, ni ø tïïya gïï wø met yie ki ge.

1 Camiel 1:12

'Ba kanya bëëde ni Anna lämö jï Wuuö Jwøk, Ëli bëëdö ni neeta dhi gø.

1 Camiel 12:17

?Aŋø, man paa yïth nïr kac beel ennø, ni bäŋ køth mo pädhi? Aani, Wuuö Jwøk kwaa kwaaø, nee køth mo pöödö jääŋŋe. Køøre nø, putu ka ŋäc ni jootu gø ki man näk mo uuno bääyö døc, ki køør gïna tïïyu nyïm Wuuö Jwøk na pëëu ni röönyö ki nyeya jïïu.»

1 Camiel 12:18

Kanyøgønø, Camiel Wuuö Jwøk aput kwac, ni ö Wuuö Jwøki ni put køth mo pöödö jääŋŋö dïcäŋögø; køøre jiy bëët aput lwäyö døc ki Wuuö Jwøk ki dhaanhnhe ma Camiel.