Jeemeth 5:11 - Wëël Jwøk

¹¹ 'Ba neennu, jø wø ba dääŋi wø cwølø cwølø ni yïthge met. 'Ba bëët Jööp na bëëde kare awïnynyu, ni neennu gïna tïïc Wuue kipere ya aŋuudi, kaawat mana bëët Wuuö ni yie bäth, ni cwïnye laar pädhö ki gïr dhaanhø.

Jeemeth 5:11 Iomraidhean Croise

1 Luup Nyeye 21:13

Kanyøgø, Deebit aköö jï Gaat, ni «Gïïögø bëët duua bëëtö mo teek kipera. Beerra man tïma naa pätha cer Wuuö Jwøk, kiper mëër mare dwøŋ; 'ba kära tïmö naa pätha cer dhaanhø.»

2 Luup Nyeye 30:9

'Ba ni näk mo uuno duu baŋ Wuuö Jwøk, tuuŋu ki wäätu ge jïtö ki mëër ki baŋ jøøa mak geni ki tøŋ, ni duuge yi ŋöömö man. Kiper Wuuö Jwøk, Jwøk maru, beeye Jwø wø nyooth met ec ni beeye Jwø mëër. 'Ba eni täärnyïme ba løø wøk ki uuni ni näk mou duua baŋe.»

Neemiya 9:17

Geni, gena kweer ki man cekge ïthge, ni kärge tïïe moï lääŋŋö moa näk rëëma ec na tïïyï yïthakicge. Gena tïmö ni wïthge teek, ni kwänyge ki dïbwödhi mo dwøga geni yi bëët laŋ Ijep. 'Ba ïïni, ïïna Jwø wø wëën jiy, ni wø nyooth met ec mare, ki mëër mare, ni wø ba laar wëër, ni mëëye ni wø ba jøøl päl. Ïïni, jiyï kärï wiiø.

Neemiya 9:31

'Ba ki køør mëër marï na päl, ge kärï wiiø, ni ge kärï raanynyø na bäre; kiper ïïna Jwø wø nyooth met ec, ni ïïna Jwø mëër.

Jööp 1:1

'Ba da dhaanhø mo obëëdö yi ŋööm Uc mo nyeŋŋe cwøl ni Jööp. 'Ba dhaanhø manøgø, ena dhaanhø mo bäŋ gïn mo ogwäyö ri bëëtö mare, mo bëëtö mare tiir, ni eni lwäär ki Jwøk, ni ree ee mänö ki gïï mo reyø.

Jööp 1:2

Eni jïre da wääte abïriiø ki nyïïe adäk ma nyïïakuue,

Jööp 2:10

'Ba aløøe jï cïïe ni kööe, ni «Ïïni, ï cäänö kaamar dhaagø ma bøøl. ?Aŋø, ø doo bëëdö ni ø joota gïn mo beer keere ki baŋ Jwøk, ni bäŋ gïn mo raac?» 'Ba ki yïth japøgø bëët, Jööp kär bääyö ki yïth luup moe bëët moa caane.

Jööp 23:10

'Ba eni uutjïëthe mo wø caadha bëët ŋääe, ni kany wø pääny aani, a tïmö naa paŋŋi kaamar warkey mo okïth yi maac.

Dut Pwøc 51:1

Bwøth Wøk 34:6

Køøre eni na Wuuö Jwøk apöödhö ki nyïm Modhe, ni cäänö, ni «Beeye aani na Wuuö Jwøk, Jwøa näk yie bäth ni wø nyooth met ec mare jï jiy, ni wø ba laar wëër, ni mëëye ni wø ba jøøl päl, na adïëri mare okadhø;

Luup Dïpööy 7:8

Aŋuudi mar luubö beerra eni ni kaala tägö mar luubö. Cïp cwïny piny beerra eni ni kaala atöör.

Aydheea 63:7

Aani, mëër man wø ba jøøl mar Wuuö Jwøk caana caanø, ni caana tïïe moe mo nyeŋŋe doo pwøø kiperge ki køør gïïa tïïe bëët kiperø, ki japa beyø na thööth na tïïe kiper dhi øt Icriel ki køør bäth ec mare ki mëër mare na dwøŋ ni wø ba jøøl.

Aydheea 63:9

Ki yïth japa leth bëët na jwørge, Wuuö Jwøk ajwötö thuwø; ni ö nyïïatwiel maal mana en nyïme ni piem geni, ni wïïl geni wøk ki køør mëër mare ki bäth ec mare, ni tïŋ geni maal ni käär ge ki yïth nïne bëët moa pöödhö.

Wëël Kïmmö 3:22

ni beeye mëër mar Wuuö Jwøk ni wø ba jøøl na kärø ränynyö en, kiper bäth ec mare bëëdö na bäre bäre ni ba ränynyi.

Daniel 9:9

Ï na Kwäärö Wuuö Jwøk, Jwøk marwa, marï beeye mëër ki wëën jiy, këël na bëëtwa ni wa gëëmö ki ïïni,

Jool 2:13

Tïmu nou cööta cwïnynyu ki kïmmö, ni patha abïïe mou.» Ennø, duu baŋ Wuuö Jwøk, Jwøk maru, kiper eni yie met, ni mëër ki jiy, ni bäŋ wø laar wëër, ni mëër mare ni wø ba jøøl päl, ni cwïnye wø di warø ki gïn mo leth.

Joona 4:2

Ni läme jï Wuuö Jwøk ni kööe, «?Wui Wuuö Jwøk, aŋø, manøgø patha gïna caana kanya pooda naa ena powa? Beeye tiere na reŋŋa Tarcëc, kiper ŋääa ni ïïna Jwø wø nyooth met ec, ni ïïna Jwø mëër, niï bäŋ wø laar wëër, ni mëër marï päl ni ba jøøl, ni cwïnyï wø warï warø ki gïn mo leth.

Mikiya 7:18

?Ïïni, a Jwøk mane ni caal ïïni, ï ni wø wëën raay, ni wø wec gïïa bac jiyï na näk thöögï moa dööŋ? Ïïni wëër marï ba bëëdö na bäre bäre, 'ba yiï wø mïnni ka man nyoothï mëër marï ni wø ba jøøl.

Kwään Jiy 14:18

ni ‹A na Wuuö Jwøk a ba laar wëër, ni mëëya ni wø ba jøøl päl, ni ŋat mo obääyö ki ŋat ma adhala wëënna wëënnö. 'Ba ŋat raay poot ba wiia ka ajäla, ni raay moa tïïc wëëe poot coola coolø dëët obwöre moge, këël mano pïïe dää beenhnhe wala ŋweer beenhnhe.›

Mathiew 10:22

Ni ö jiyi bëët ni mänge ki uuni kiper nyeŋŋa. 'Ba ŋato jïëny gïïögø këël aŋuunne, opiem.

Luk 1:50

Ni ö mëërri mare ni wø ba jøøl ni bëëde bäät jø wø lwäär ki eni, ni ö ki ri beenhnhi nø, ni pööth ri beenhnhø maya.

Luk 11:10

Kiper jiy bëët mo wø pëëö, wø di cïbö jïge, ni ŋat wø määnyö, wø joode joodø. Ni ŋat wø dööŋö, wø di jabø jïre.

Luk 6:36

Bëëdu ni cwïnynyu lïëth ki køny keda mar Wääu na cwïnye lïëth ki køny.

Wëëlö Mana Göör Pøølli Baŋ Jø Röm 2:4

?Aŋø, met yi Jwøk na päl na bëëde ni cwïnye ee cïp piny ni ba laar jøømø iï taaø? ?Aŋø, kuyï ni met yi Jwøk beeye kiper nee cwïnyï løgï?

Epeca 1:6

nee met yie na bäŋ teeŋe na cïbe jïïø ki bäth ec dëër Omëëye, nee pwøø.

Epeca 2:4

'Ba Jwøk ni wø kunyö døc, këël na bëëdø ni øøno thøw ki køør gïïa dhalø, øøna døøc mo kwøw ki Krictø na aciel ki køør mëër mare na päl na mëëre ki øøni. Kiper beeye met yi Jwøk na piem uuni.

Ibaru 10:39

'Ba ø ba en dï jø wø kwal dëëtge ni raanynyi, 'ba ø ena dï jø wø jïge da ŋäädhe, ni gwøga jwïëcge.

Ibaru 3:14

Kiper ø dwäti ka Krictø, ni näk gïna kwøŋø ŋääth yøø maa cwïnynyø møn këël cuŋŋe;

Ibaru 3:6

'Ba Krictø Øt Jwøk agwøe ni ena wäädö. 'Ba beeye øøni na øde, ni näk mo ø puta bëëtö ni cwïnynyø yøø maa ki mana jïëø ki gø, ni ø jeemma ŋäädhe marø.

Jeemeth 1:12

Meta yi ŋat wø jïëny päänynyö, kiper kany wø bööt päänynyö, eno jïti ka adun kwøw mana näk obuuk Jwøki jï jø wø mëër ki eni.

Jeemeth 1:2

Nyïïmera, yïthu mïnge ki teeŋ gïïo ni leth yøø bëët kany wø pïïcge dëëtu.

1 Piter 1:13

Kiper manøgønø, caarru wïthu døøc ni magu wïthu, ni ŋääthu met ec ki cwïnynyu bäre, mano jootu yi cäŋo nyooth Jecu Krictø yie.

1 Piter 3:14

'Ba këël gïï mo leth dou jwørø kiper moa beyø, uuno gwïëdhö. Käru lwäyö ki geni, ni ba wëëgu cwïnynyu ränynyö.

2 Piter 2:9

'Ba ni näk eni na Wuuö gïïögø ee tïïö bëët, ŋääe ki man piem jø wø wøør Jwøk ki gïï wø pääny geni, ni maa jøøa reyø kar pöödö këël dïcäŋo ŋøl luup yie.